ສຕລ ຈັດກອງປະຊຸມພັດທະນາບານເຕະ ທົ່ວປະເທດ ປະຈຳປີ 2022
ເວລາອອກຂ່າວ: 2022-09-06 09:56:05 | ຜູ້ຂຽນ : admin3 | ຈຳນວນຄົນເຂົ້າຊົມ: 59 | ຄວາມນິຍົມ:
ສະຫະພັນບານເຕະແຫ່ງຊາດລາວ (ສຕລ) ໄດ້ຈັດກອງປະຊຸມພັດທະນາກີລາບານເຕະທົ່ວປະເທດ ປະຈຳປີ 2022 ຂຶ້ນຢ່າງເປັນທາງການໃນຕອນເຊົ້າຂອງວັນທີ 4 ກັນຍາ 2022 ທີ່ຫ້ອງປະຊຸມ ສຕລ ພາຍໃຕ້ການເປັນປະທານຂອງ ທ່ານ ວີເພັດ ສີຫາຈັກຣ໌ ປະທານສະຫະພັນບານເຕະແຫ່ງຊາດລາວ ໂດຍມີຜູ້ຕາງໜ້າຈາກສະຫະພັນບານ ເຕະແຕ່ລະແຂວງ ພ້ອມດ້ວຍສື່ມວນຊົນເຂົ້າຮ່ວມ.
ກ່າວເປີດກອງປະຊຸມຢ່າງເປັນທາງການ, ທ່ານ ວີເພັດ ສີຫາຈັກຣ໌ ປະທານສະຫະພັນບານ ເຕະແຫ່ງຊາດລາວໄດ້ກ່າວວ່າ: ກອງປະຊຸມຄັ້ງນີ້ຈັດຂຶ້ນ ເພື່ອໃຫ້ແຕ່ລະແຂວງໄດ້ຮ່ວມກັນປຶກສາຫາລືເພື່ອພັດທະນາບານເຕະ ລາວ, ໂດຍສະເພາະແມ່ນວຽກງານທີ່ໄດ້ກຳນົດໄວ້ໃນແຜນປີ 2022 ລວມເຖິງແຜນໃຫຍ່ທີ່ພວກເຮົາມອບໝາຍໃຫ້ແຕ່ລະແຂວງໃນການຈັດການແຂ່ງຂັນໃຫ້ໄດ້ຮັບການຈັດຕັ້ງປະຕິບັດ, ເຊິ່ງມາຮອດປັດຈຸບັນກໍມີບາງແຂວງໄດ້ສຳເລັດການແຂ່ງຂັນໄປແລ້ວ. ນອກນັ້ນ, ກອງປະຊຸມຍັງຈະໄດ້ພ້ອມກັນກຳນົດທິດທາງແຜນການຕໍ່ໄປໃນປີ 2023.
ສະເພາະປີ 2022 ສະຫະພັນບານເຕະແຫ່ງຊາດລາວ ແມ່ນໃຫ້ສິດພຽງແຕ່ທີມຈາກລາວລີກ 1 ຈຳນວນ 7 ທີມເຂົ້າຮ່ວມການແຂ່ງຂັນບານເຕະ LFF LAO FORD CUP 2022 ເນື່ອງຈາກທີມຈາກລີກ 2 ຂອງແຕ່ລະແຂວງຍັງບໍ່ມີຄວາມພ້ອມເທື່ອ ແຕ່ຫຼ້າສຸດໄດ້ຂ່າວດີປີໜ້າ ທີມຈາກລາວລີກ 2 ສາມາດມາແຂ່ງຂັນໄດ້ແລ້ວ ແລະ ຈະເຮັດໃຫ້ລາຍການນີ້ມີທີມເຂົ້າຮ່ວມແຂ່ງຂັນຫຼາຍກວ່າ 20 ທີມ.
ໃນພິທີ, ທ່ານ ນາງ ກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວຍັງໄດ້ລາຍງານເຖິງຈຸດປະສົງ ຂອງກອງປະຊຸມແມ່ນສືບຕໍ່ຈັດຕັ້ງປະຕິບັດຍຸດທະສາດ ແລະ ແຜນ ການຂອງ ສຕລ ທີ່ກຳນົດໄວ້ໃຫ້ປະກົດຜົນເປັນຈິງ, ໃນນັ້ນແມ່ນການປະສານສົມທົບກັບສະ ຫະພັນບານເຕະແຕ່ລະແຂວງ, ເຊິ່ງໃນປີ 2022 ແມ່ນໄດ້ມີການຈັດການແຂ່ງຂັນບານເຕະລາວລີກ 2 ໃນແຕ່ລະແຂວງເປັນຄັ້ງທຳອິດ ເຊິ່ງແຕ່ລະແຂວງກໍໄດ້ມີການແຂ່ງຂັນສຳເລັດໄປແລ້ວ ແລະ ບາງແຂວງກໍພວມດຳເນີນການຢູ່ ລວມເຖິງລາຍງານແຜນການວຽກງານຕ່າງໆໃນປີຕໍ່ໜ້າ.
ນອກນັ້ນ, ໃນກອງປະຊຸມ, ບັນດາຜູ້ຕາງໜ້າສະຫະພັນບານ ເຕະແຕ່ລະແຂວງໄດ້ຂຶ້ນລາຍງານການປະຕິບັດວຽກງານໃນປີ 2022 ຜ່ານມາ ແລະ ຜ່ານແຜນການປີ 2023.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ