ກອງພັນໃຫຍ່ 643 ປິດຊຸດອົບຮົມ-ຫັດແອບ ວຽກງານຮັບປະກັນເຕັກນິກ
ເວລາອອກຂ່າວ: 2022-08-15 09:14:42 | ຜູ້ຂຽນ : admin3 | ຈຳນວນຄົນເຂົ້າຊົມ: 163 | ຄວາມນິຍົມ:
ວັນທີ 10 ສິງຫາ 2022, ພະແນກເຕັກນິກ ກອງພັນໃຫຍ່ 643
ໄດ້ປິດຊຸດອົບຮົມ ວຽກງານຮັບ ປະກັນເຕັກນິກ ປະຈຳປີ 2022, ໂດຍການເປັນປະທານຂອງ ສະຫາຍ ພັນເອກ ບົວລອຍ ດວງລາວົງ ຫົວໜ້າການທະຫານ ກອງພັນໃຫຍ່ 643, ມີຄະນະພັກ-ຄະນະບັນຊາ ພະແນກເຕັກນິກ, ຄູ-ອາຈານ, ນັກວິຊາສະເພາະ ເຂົ້າຮ່ວມ.
ສະຫາຍ ພັນໂທ ມອນທອງ ອິນຄຳພັນ ຫົວໜ້າພະແນກເຕັກ
ນິກ ໄດ້ຜ່ານບົດສະຫຼຸບການຈັດ ຕັ້ງອົບຮົມ-ຫັດແອບ ວຽກງານ ຮັບປະກັນເຕັກນິກ ປະຈຳປີ 2022, ເຊິ່ງໄດ້ຖືເອົາວຽກງານ ສຶກສາອົມຮົມການເມືອງ-ນຳ ພາແນວຄິດເປັນກົກ ແລະ ຖືເອົາວຽກງານວິຊາສະເພາະເປັນ ບັນຫາສຳຄັນ, ແນໃສ່ສ້າງໃຫ້ ພະນັກງານ-ນັກຮົບວິຊາສະ ເພາະ ມີຫົວຄິດປະດິດສ້າງມີໄຫວພິກ ແລະ ມີຄວາມຮູ້, ຄວາມສາມາດທີ່ແນ່ນອນ ໃນການສ້າງແຜນການຮັບປະກັນເຕັກນິກ ພ້ອມດຽວກັນນີ້, ຍັງຍົກໃຫ້ເຫັນທີ່ຕັ້ງພາລະບົດບາດ ຄວາມສຳຄັນຂອງວຽກງານດັ່ງກ່າວ.ເປັນຕົ້ນແມ່ນການຄຸ້ມຄອງພາຫະນະເຕັກນິກ, ການກວດກາ, ການມ້ຽນມັດ-ບົວລະບັດຜັດເຊັດ ຂັ້ນ I, ຂັ້ນ II, ການສ້ອມແປງ ແລະ ການປົກປັກຮັກສາບັນດາພາຫະນະ, ອາວຸດ-ລູກກະສຸນ ເພື່ອໃຫ້ກົມກອງມີຄວາມຮັບປະກັນທາງດ້ານພາຫະນະຮັບໃຊ້, ອາວຸດຍຸດ ໂທປະກອນຢູ່ໃນທ່າການກຽມ ພ້ອມສູ້ຮົບ ແລະ ສູ້ຮົບຕົວຈິງ ໄດ້ຕະຫຼອດເວລາ, ກຳນົດເວລາອົບຮົມ 21 ວັນ, ມີພະນັກງານ-ນັກຮົບວິຊາສະເພາະ ເຂົ້າຮ່ວມອົບຮົມຕົວຈິງ 50 ສະຫາຍ, ຜ່ານການອົບຮົມ-ຫັດແອບ ສາມາດສະຫຼຸບຕີລາຄາໄດ້ຂັ້ນດີ 45 ສະ ຫາຍ ແລະຄາດໝາຍ 5 ສະຫາຍ ສະເລ່ຍຜົນໄດ້ຮັບ 90%.
ໂດຍ: ຄຳໝັ້ນ ຄງວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ