ກອງທັບປະຊາຊົນລາວ

ວັນພະຫັດ, ວັນທີ 11 ສິງຫາ 2022



ຄະນະອໍານວຍການ ວປກ ເຂົ້າອວຍພອນທີ່ປຶກສາທູດຝ່າຍປ້ອງກັນຊາດ ສປ ຈີນ
ເວລາອອກຂ່າວ: 2022-08-05 08:57:00 | ຜູ້ຂຽນ : admin2 | ຈຳນວນຄົນເຂົ້າຊົມ: 26 | ຄວາມນິຍົມ:



ວັນທີ 1 ສິງຫາ 2022 ນີ້, ສະຫາຍ ພົນຈັດຕະວາ ປອ ສົງກາ ບຸນຄຸນ ຮອງຫົວໜ້າການທະ ຫານ ຫົວໜ້າກົມອົບຮົມ-ກໍ່ສ້າງ ວິທະຍາຄານປ້ອງກັນຊາດ ໄກ ສອນ ພົມວິຫານ ພ້ອມຄະນະ ໄດ້ ນຳເອົາກະຕ່າດອກໄມ້ ແລະ ກະ ຕ່າຂອງຂວັນ ເຂົ້າອວຍພອນທີ່ ປຶກສາທູດຝ່າຍປ້ອງກັນຊາດ ສປ ຈີນ ປະຈຳ ສປປ ລາວ ເນື່ອງໃນ ໂອກາດວັນສ້າງຕັ້ງກອງທັບປົດ ປ່ອຍປະຊາຊົນຈີນ ຄົບຮອບ 95 ປີ (1 ສິງຫາ 1927-1 ສິງຫາ 2022), ໂດຍການຕ້ອນຮັບຂອງ ສະຫາຍ ພັນເອກ ພິເສດ ຫຼີປິ່ງ ຫົວໜ້າຫ້ອງການທີ່ປຶກສາທູດ ຝ່າຍປ້ອງກັນຊາດ ສປ ຈີນ ພ້ອມ ດ້ວຍຄະນະ. ໂອກາດດັ່ງກ່າວ, ສະຫາຍ ພົນຈັດຕະວາ ປອ ສົງກາ ບຸນຄຸນ ຕາງໜ້າຄະນະອໍານວຍການວິ ທະຍາຄານປ້ອງກັນຊາດ ໄກ ສອນ ພົມວິຫານ ໄດ້ນຳເອົາຄວາມ ຢ້ຽມຢາມຖາມຂ່າວອັນອົບອຸ່ນ ແລະ ຄຳອວຍພອນໄຊອັນປະເສີດ ມາຍັງທີ່ປຶກສາທູດຝ່າຍປ້ອງ ກັນຊາດ ສປ ຈີນ ປະຈຳ ສປປ ລາວ ພ້ອມດ້ວຍຄະນະ ຈົ່ງມີສຸຂະ ພາບເຂັ້ມແຂງ, ປະສົບຜົນສຳເລັດ ໃນໜ້າທີ່ອັນມີກຽດຂອງຕົນ. ພ້ອມກັນສືບຕໍ່ເສີມຂະຫຍາຍມູນ ເຊື້ອຄວາມສາມັກຄີ ແລະ ການ ຮ່ວມມືລະຫວ່າງສອງຊາດ, ສອງ ກອງທັບ ລາວ-ຈີນ, ຈີນ-ລາວໃຫ້ນັບມື້ນັບແໜ້ນແຟ້ນ, ແຕກ ດອກອອກຜົນ ແລະ ຈະເລີນງອກ ງາມຂຶ້ນໄປເລື້ອຍໆ. ຂ່າວຍັງໃຫ້ຮູ້ຕື່ມອີກວ່າ: ໃນ ວັນທີ 29 ກໍລະກົດ 2022 ນີ້, ສະຫາຍ ພົນຈັດຕະວາ ປອ ສົງ ກາ ບຸນຄຸນ ພ້ອມຄະນະ ກໍໄດ້ ນຳເອົາກະຕ່າຂອງຂວັນເຂົ້າ ອວຍພອນຄະນະຊ່ຽວຊານຈີນ ປະຈຳ ວິທະຍາຄານປ້ອງກັນ ຊາດ ໄກສອນ ພົມວິຫານ ເຊັ່ນ ດຽວກັນ. ໂດຍ: ພິດສະໄໝ ແກ້ວມະນີ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ