ກອງທັບປະຊາຊົນລາວ

ວັນອາທິດ, ວັນທີ 22 ພຶດສະພາ 2022



ປີດຊຸດອົບຮົມ-ຫັດແອບ ການສ້າງບ້ານປ້ອງກັນຊາດເຂັ້ມແຂງ
ເວລາອອກຂ່າວ: 2022-05-13 09:11:53 | ຜູ້ຂຽນ : admin2 | ຈຳນວນຄົນເຂົ້າຊົມ: 1140 | ຄວາມນິຍົມ:



ວັນທີ 9 ພຶດສະພາ 2022 ນີ້, ໄດ້ມີພິທີປິດຊຸດອົບຮົມ-ຫັດ ແອບການສ້າງບ້ານປ້ອງກັນ ຊາດເຂັ້ມແຂງ, ບ້ານປ້ອມໝັ້ນ, ກຸ່ມບ້ານສູ້ຮົບຕິດລຽນຢູ່ກຸ່ມ ບ້ານຂວາງຄຳ ເມືອງນາໝໍ້ ແຂວງອຸດົມໄຊ ໂດຍການເປັນປະ ທານຂອງ ສະຫາຍ ສົມຈິດ ປັນ ຍາສັກ ຮອງເຈົ້າແຂວງ ປະທານຄະນະສຶກສາອົບຮົມວຽກງານ ປ້ອງການຊາດ-ປ້ອງກັນຄວາມ ສະຫງົບແຂວງອຸດົມໄຊ, ສະ ຫາຍ ວົງສະຫວັນ ໄຊຍະວົງ ເຈົ້າເມືອງໆນາໝໍ້ ປະທານປ້ອງ ກັນຊາດ-ປ້ອງກັນຄວາມສະ ຫງົບຂັ້ນເມືອງ, ມີ ຄະນະພັກ- ຄະນະບັນຊາ 2 ກອງບັນຊາການ ທະຫານ-ຕໍາຫຼວດ, ອຳນາດການ ປົກຄອງ 7 ບ້ານ, ກຳລັງກອງ ຫຼອນ ເຂົ້າຮ່ວມ. ໃນພິທີ ສະຫາຍ ພັນໂທ ບຸນທຳ ໄຊຍະຫຼວງ ຮອງຫົວໜ້າ ຫ້ອງເສນາທິການທະຫານ ແຂວງອຸດົມໄຊ ໄດ້ຂຶ້ນຜ່ານບົດ ສະຫຼຸບຕີລາຄາຄືນການຈັດຕັ້ງ ປະຕິບັດການສ້າງບ້ານປ້ອງກັນ ຊາດເຂັ້ມແຂງ, ບ້ານປ້ອມໝັ້ນ, ກຸ່ມບ້ານສູ້ຮົບຕິດລຽນໃນໄລ ຍະຜ່ານມາ, ເຊິ່ງກຸ່ມບ້ານຂວາງ ຄໍາມີ ເນື້ອທີ່ທັງໝົດ 39,889 ກິໂລຕາແມັດ, ມີປະຊາກອນ ທັງໝົດ 5.086 ຄົນ, ຍິງ 2.465 ຄົນ, ມີ 919 ຫຼັງຄາເຮືອນ, ມີ 1.331 ຄອບຄົວ, ມີ 5 ເຜົ່າຄື: ເຜົ່າລື້, ເຜົ່າຢັ້ງ, ກຶມມຸ, ມົ້ງ ແລະ ອາຄ່າ, ໄດ້ຈັດຕັ້ງເປັນ 1 ຄະນະ ພັກຮາກຖານກຸ່ມບ້ານ, ມີ 10 ໜ່ວຍທີ່ຂຶ້ນກັບ, ມີສະມາຊິກພັກ ທັງໝົດ 183 ສະຫາຍ, ຍິງ 28 ສະຫາຍ, ປະກອບມີ 1 ກອງຮ້ອງ ກອງຫຼອນ, ມີ 3 ໝວດ 9 ໝູ່, ເຊີ່ງອາຊີບຕົ້ນຕໍ່ແມ່ນການປູກ ຝັງ-ລ້ຽງສັດເປັນຫຼັກ, ຜ່ານການ ອົບຮົມ-ຫັດແອບສ້າງບ້ານປ້ອງ ກັນຊາດເຂັ້ມແຂງ, ບ້ານປ້ອມ ໝັ້ນ, ກຸ່ມບ້ານສູ້ຮົບຕິດລຽນ ພາກການເມືອງ ຂັ້ນເກັ່ງ 78 ສະຫາຍ ເທົ່າກັບ 47,91 %, ກາງ 50 ສະຫາຍ ເທົ່າກັບ 29,16 %, ຄາດໝາຍ 30 ສະຫາຍ ເທົ່າກັບ 20,83 %, ພາກການທະຫານ ຂັ້ນເກັ່ງ 80 ສະຫາຍ ເທົ່າກັບ 47,75 %, ກາງ 58 ສະຫາຍເທົ່າກັບ 35,41 %, ຄາດໝາຍ 20 ສະຫາຍ ເທົ່າ 20,83 %. ສະເລ່ຍຜົນໄດ້ຮັບ ແມ່ນ 92,70% ແລະ ຍັງໄດ້ ມອບໃບຍ້ອງຍໍໃຫ້ບຸກຄົນ ແລະ ລວມໝູ່ ຈຳນວນ 164 ໃບ. ໂອກາດນີ້, ສະຫາຍ ປະທານ ຄະນະສຶກສາອົບຮົມວຽກງານ ປ້ອງການຊາດ-ປ້ອງກັນຄວາມ ສະຫງົບແຂວງອຸດົມໄຊ ໄດ້ສະ ແດງຄວາມຍ້ອງຍໍຊົມເຊີຍຕໍ່ ຜົນງານທີ່ບັນດາສະຫາຍຍາດ ມາໄດ້ໃນໄລຍະຜ່ານມາ ພ້ອມ ທັງເນັ້ນໜັກໃຫ້ເອົາໃຈໃສ່ສຶກ ສາອົບຮົມການເມືອງ-ນຳພາ ແນວຄິດໃຫ້ກຳລັງກອງຫຼອນ ແລະ ປະຊາຊົນບັນດາເຜົ່າ, ຕ້ອງ ກໍາແໜ້ນທິດສະດີຫຼັກການ, ບັນດາເນື້ອໃນເພື່ອເປັນພື້ນຖານ ໃນການຊີ້ນຳ-ນໍາພາ ໃຫ້ແທດ ເໝາະກັບສະພາບເປັນຈິງຂອງ ບ້ານ, ຍົກສູງຄວາມຮັບຜິດຊອບ ສູງຕໍ່ໜ້າທີ່ວຽກງານຂອງຕົນ, ເພີ່ມທະວີຄວາມສາມັກຄີໃຫ້ ເປັນປຶກແຜນແໜ້ນໜາ, ປຸກລະ ດົມປະຊາຊົນບັນດາເຜົ່າໃຫ້ ເຊື່ອມຊຶມຢ່າງເລິກເຊີງຕໍ່ບັນດາ ມູນເຊື້ອຂອງກອງທັບ, ເດັດດຽວ ຕອບຕ້ານທຸກກົນອຸບາຍຍຸດທະ ສາດຫັນປ່ຽນໂດຍສັນຕິຂອງ ສັດຕູຢ່າງເດັດຂາດ ຍູ້ແຮງແນວ ທາງ ປກຊ-ປກສ ທົ່ວປວງຊົນ ຮອບດ້ານຢູ່ຂັ້ນພື້ນຖານຢ່າງ ລຽນຕິດ ແລະ ຕໍ່ເນື່ອງ ຮັບປະ ກັນເຮັດໃຫ້ຮາກຖານມີຄວາມ ສະຫງົບປອດໄພ 100 %. ໂດຍ: ສົມພູນ ທຳມະຕານ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ