ກອງທັບປະຊາຊົນລາວ

ວັນອາທິດ, ວັນທີ 22 ພຶດສະພາ 2022



ຫົວໜ້າກົມໃຫຍ່ເສນາທິການກອງທັບ ລົງຢ້ຽມຢາມ ແລະ ເຮັດວຽກຢູ່ໂຮງຮຽນເຫຼົ່າຮົບສື່ສານ 205
ເວລາອອກຂ່າວ: 2022-05-12 08:53:13 | ຜູ້ຂຽນ : admin2 | ຈຳນວນຄົນເຂົ້າຊົມ: 1121 | ຄວາມນິຍົມ:



ວັນທີ 10 ພຶດສະພາ 2022 ນີ້, ສະຫາຍ ພົນຕີ ຄຳລຽງ ອຸທະ ໄກສອນ ກໍາມະການສູນກາງພັກ ຮອງລັດຖະມົນຕີກະຊວງປ້ອງ ກັນປະເທດ ຫົວໜ້າກົມໃຫຍ່ເສ ນາທິການກອງທັບ ພ້ອມຄະນະ ໄດ້ລົງຢ້ຽມຢາມ ແລະ ເຮັດວຽກ ຢູ່ໂຮງຮຽນເຫຼົ່າຮົບສື່ສານ 205, ໂດຍການຕ້ອນຮັບຂອງ ສະຫາຍ ພັນເອກ ເປັ່ງສອນ ພຸດທະໄຊ ເລ ຂາຄະນະພັກຫົວໜ້າການທະ ຫານໂຮງຮຽນ ພ້ອມຄະນະ, ມີ ຄະນະພັກ-ຄະນະບັນຊາກົມສື່ ສານ ພ້ອມດ້ວຍພະນັກງານ-ສະ ມາຊິກພັກເຂົ້າຮ່ວມ. ສະຫາຍ ພັນເອກ ເປັ່ງສອນ ພຸດທະໄຊ ໄດ້ລາຍງານໂດຍຫຍໍ້ກ່ຽວກັບປະຫວັດມູນເຊື້ອຂອງ ໂຮງຮຽນ ແລະ ຜົນງານ, ການ ເຄື່ອນໄຫວປະຕິບັດໜ້າທີ່ວຽກ ງານໃນໄລຍະຜ່ານມາ ເຊິ່ງໂຮງ ຮຽນເຫຼົ່າຮົບສື່ສານ 205 ໄດ້ຮັບ ສືບທອດມາຈາກໂຮງຮຽນສື່ ສານ 204 ໃນເມື່ອກ່ອນ ແລະ ໄດ້ເຕີບໃຫຍ່ຂະຫຍາຍຕົວປ່ຽນ ຊື່ມາເປັນ ໂຮງຮຽນເຫຼົ່າຮົບສື່ ສານ 205 ໃນວັນທີ 23/2/1999 ມີພາລະບົດບາດເປັນເສນາທິ ການໃຫ້ແກ່ກົມສື່ສານກົມໃຫຍ່ເສ ນາທິການກອງທັບ ເຮັດໜ້າທີ່ຈັດຕັ້ງປະຕິບັດວຽກງານການຮຽນ-ການສອນ ກໍ່ສ້າງບຸກຄະລາກອນ ດ້ານວິຊາສະເພາະສື່ສານ ອອກ ຮັບໃຊ້ໃນຖັນແຖວກອງທັບ ປະ ຊາຊົນລາວ ຕາມໂຄງການຫຼັກ ສູດຊັ້ນຕົ້ນ, ຊັ້ນກາງ ແລະ ບໍາລຸງ ຕິດພັນກັບການປັບປຸງກໍ່ສ້າງກົມ ກອງຕາມ 4 ໜ້າທີ່ໃຫຍ່ 26 ແຜນ ງານ ທີ່ຄະນະພັກກະຊວງປ້ອງກັນ ປະເທດວາງອອກ. ຄຽງຄູ່ກັບ ການ ປັບປຸງກໍ່ສ້າງພັກໃຫ້ ປອດ ໃສ ເຂັ້ມແຂງ ໜັກແໜ້ນທັງ 4 ດ້ານ. ໂອກາດນີ້, ສະຫາຍ ພົນຕີ ຄໍາ ລຽງ ອຸທະໄກສອນ ໄດ້ໃຫ້ກຽດ ໂອ້ລົມ ກ່ອນອື່ນສະຫາຍໄດ້ສະ ແດງຄວາມຍ້ອງຍໍຊົມເຊີຍຕໍ່ຜົນ ງານທີ່ໂຮງຮຽນຍາດມາໄດ້ໃນ ໄລຍະຜ່ານມາ ແລະ ຍົກໃຫ້ເຫັນ ສະພາບການຂອງໂລກ ແລະ ພາກ ພື້ນທີ່ພວມຜັນແປໄປຢ່າງສະ ຫຼັບສັບຊ້ອນມີທັງສິ່ງທີ່ເອື້ອອຳ ນວຍ, ທ້າທາຍ ແລະ ທົດສອບ ຫຼາຍປະການທີ່ສົ່ງຜົນກະທົບຕໍ່ ສປປ ລາວເຮົາ, ພວກອິດທິກຳລັງ ປໍລະປັກ, ລູກແຫຼ້ງຕີນມືຍັງສືບ ຕໍ່ຫວັງທຳລາຍແນວທາງນະ ໂຍບາຍຂອງພັກ-ລັດເຮົາ ດ້ວຍ ຫຼາຍວິທີ, ຫຼາຍຮູບການທີ່ເລິກ ແລບ ໂດຍການຫັນປ່ຽນໂດຍສັນ ຕິ. ດັ່ງນັ້ນມັນຈິ່ງຮຽກຮ້ອງໃຫ້ ຄະນະພັກ-ຄະນະອໍານວຍການ, ພະນັກງານຫຼັກແຫຼ່ງໃນທົ່ວໂຮງ ຮຽນເພີ່ມທະວີບົດບາດການນໍາ ພາ-ຊີ້ນໍາສຶກສາອົບຮົມການ ເມືອງ-ນໍາພາແນວຄິດໃຫ້ນາຍ ແລະ ພົນທະຫານ ມີຄຸນທາດການ ເມືອງໜັກແໜ້ນ, ເຊື່ອໝັ້ນຕໍ່ການ ນຳພາຂອງພັກ, ມີຄວາມຕັ້ງຕໍ່ບໍ ລິສຸດ, ຈົງຮັກພັກດີຕໍ່ພັກ-ລັດ, ມີ ຄວາມກະຕືລືລົ້ນໃນການປະຕິ ບັດໜ້າທີ່ການເມືອງ, ປັບປຸງແບບ ແຜນວິທີເຮັດວຽກໃຫ້ມີວິທະຍາ ສາດ, ປະຕິບັດຫຼັກການນຳພາ ຂອງພັກເຮັດວຽກແບບລວມສູນ ປະຊາທິປະໄຕ ນຳພາເປັນໝູ່ຄະ ນະແບ່ງວຽກບຸກຄົນຮັບຜິດຊອບ, ເອົາໃຈໃສ່ຍົກລະດັບ ແລະ ປັບປຸງ ການຮຽນ-ການສອນໃຫ້ມີຄຸນ ນະພາບ, ປັບປຸງຄ້າຍຄູ ແລະ ສູ້ ຊົນແກ້ໄຂຊີວິດການເປັນຢູ່ບົນ ຈິດໃຈ ກຸ້ມຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍ ຕົນເອງ ເພື່ອພ້ອມກັນສ້າງໂຮງຮຽນໃຫ້ກາຍເປັນຮຽນຮຽນທີ່ມີຄຸນນະພາບຂອງກອງທັບ, ສ້າງ ໄດ້ພະນັກງານວິຊາສະເພາະເຫຼົ່າ ຮົບສື່ສານ ຮຸ່ນສືບທອດປ່ຽນແທນ ທີ່ມີປະສິດທິພາບນັບມື້ນັບສູງຂຶ້ນ.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ