ກອງທັບປະຊາຊົນລາວ

ວັນອາທິດ, ວັນທີ 22 ພຶດສະພາ 2022



ຄະນະນໍາ ກອງບັນຊາການປ້ອງກັນທີ່ຕັ້ງ, ກະຊວງ ປກສ ຢ້ຽມຢາມໂຮງງານແຜນທີ່ກອງທັບ
ເວລາອອກຂ່າວ: 2022-05-12 08:46:34 | ຜູ້ຂຽນ : admin2 | ຈຳນວນຄົນເຂົ້າຊົມ: 518 | ຄວາມນິຍົມ:



ວັນທີ 4 ພຶດສະພາ 2022, ສະຫາຍ ພົນຈັດຕະວາ ໄຊສີ ແກ້ວ ສະຫງ່າ ຫົວໜ້າກອງບັນຊາການ ປ້ອງກັນທີ່ຕັ້ງກະຊວງປ້ອງກັນ ຄວາມສະຫງົບ ພ້ອມດ້ວຍຄະນະ ໄດ້ໄປຢ້ຽມຢາມ ໂຮງງານແຜນ ທີ່ ແລະ ກອງສໍາຫຼວດວັດແທກ ແຜນທີ່ ທີ່ຂຶ້ນກັບ ກົມແຜນທີ່ກົມ ໃຫຍ່ເສນາທິການກອງທັບ ໂດຍມີສະຫາຍ ພັນໂທ ສົມພຸດ ພິລາ ຮອງ ຫົວໜ້າກົມແຜນທີ່ກອງທັບ ພ້ອມ ດ້ວຍຄະນະ ໃຫ້ການຕ້ອນຮັບ ແລະ ນຳພາເຄື່ອນໄຫວຢ້ຽມຢາມ ຈຸດຕ່າງໆຂອງກົມກອງ. ໃນໂອກາດດັ່ງກ່າວ, ສະຫາຍ ພັນໂທ ສົມພຸດ ພິລາ ໄດ້ກ່າວສະ ແດງຄວາມຍິນດີຕ້ອນຮັບ ແລະ ຂອບໃຈ ຕໍ່ຄະນະນໍາກອງບັນຊາ ການປ້ອງກັນທີ່ຕັ້ງ ທີ່ໄດ້ນໍາເອົາ ກະຕ່າຂອງຂວັນ ເຂົ້າອວຍພອນ ເນື່ອງໃນໂອກາດຢ້ອນຫຼັງວັນ ສ້າງຕັ້ງກອງທັບປະຊາຊົນລາວ ຄົບຮອບ 73 ປີ (20 ມັງກອນ 1949-20 ມັງກອນ 2022) ເພື່ອ ເສີມສ້າງສາຍສໍາພັນຮ່ວມມືລະ ຫວ່າງ ກອງບັນຊາການປ້ອງກັນ ທີ່ຕັ້ງກັບ ກົມແຜນທີ່ກອງທັບ-ໂຮງງານແຜນທີ່ກອງທັບ-ກອງສໍາ ຫຼວດວັດແທກແຜນທີ່ກອງທັບ. ໂອກາດດຽວກັນ, ສະຫາຍ ສົມ ພຸດ ພິລາ ໄດ້ນໍາພາ ສະຫາຍ ພົນຈັດຕະວາ ໄຊສີ ແກ້ວສະຫງ່າ ພ້ອມດ້ວຍຄະນະ ເຂົ້າຊົມພະແນກ ແຕ້ມແຜນທີ່, ພະແນກພິມແຜນທີ່, ຫ້ອງເຝິກອົບຮົມການສ້າງ ແລະ ພິມແຜນທີ່ (ຫ້ອງຊຸດອຸປະກອນ ຊ່ວຍເຫຼືອກະຊວງປ້ອງກັນປະ ເທດ ແຫ່ງ ສ.ຣັດເຊຍ) ແລະ ໄດ້ ແລກປ່ຽນບົດຮຽນເຊິ່ງກັນ ແລະ ກັນຕື່ມອີກ. ໂດຍ: ນາງ ວຽງຊໍາ ແສນບຸນຊູ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ