ກອງທັບປະຊາຊົນລາວ

ວັນພະຫັດ, ວັນທີ 27 ມັງກອນ 2022



ລະບຽບວິໄນດີ ຊີ້ນຳກໍເກັ່ງ
ເວລາອອກຂ່າວ: 2021-12-08 11:08:30 | ຜູ້ຂຽນ : admin1 | ຈຳນວນຄົນເຂົ້າຊົມ: 7 | ຄວາມນິຍົມ:



ການຍົກສູງບົດບາດໃນການ ຊີ້ນຳ-ນໍາພາ ພະນັກງານ-ນັກຮົບ ໃຫ້ມີລະບຽບ, ມີຄວາມເຂັ້ມງວດ ໃນການປະຕິບັດລະບຽບວິໄນ ຮັກ ສາໄດ້ມູນເຊື້ອກອງທັບປະຕິວັດ, ຮັບປະກັນໃຫ້ກົມກອງມີຄວາມ ເຂັ້ມແຂງໜັກແໜ້ນ ເພື່ອພ້ອມ ກັນເຮັດສຳເລັດໜ້າທີ່ການເມືອງ ທີ່ການຈັດຕັ້ງຂັ້ນເທິງມອບໝາຍ ໃຫ້, ສະຫາຍ ຮ້ອຍເອກ ຄຳປິ່ນ ຄູນຄຳສິງ ຫົວໜ້າການທະຫານ ກອງຮ້ອຍທີ 5, ກອງພັນ 611, ກອງພົນທີ 5 ກໍແມ່ນພະນັກງານ ຜູ້ໜຶ່ງທີ່ມີຄວາມຕື່ນຕົວ, ຫ້າວຫັນ ເຂົ້າໃນການປະຕິບັດບັນດາຂໍ້ກຳ ນົດ ກົດລະບຽບຂອງພັກ, ກົດ ໝາຍຂອງລັດ ແລະ ຂໍ້ກໍານົດ ກົດ ລະບຽບຂອງກອງທັບວາງອອກ. ສະຫາຍ ຮ້ອຍເອກ ຄຳປິ່ນ ຄູນຄຳສິງ ຖິ່ນກຳເນີດຢູ່ບ້ານ ເວີນແຄນ ເມືອງມູນລະປະໂມກ ແຂວງຈຳປາສັກ, ເປັນລູກຂອງ ທ້າວ ຄ່ຽມ ຄູນຄຳສິງ, ນາງ ຄູນ ຄຳສິງ, ມີອ້າຍເອື້ອຍນ້ອງຮ່ວມ ອຸທອນນໍາກັນ 2 ຄົນ. ພາຍຫຼັງ ທີ່ສະຫາຍຮຽນຈົບມັດທະຍົມ ຕອນປາຍ ໄດ້ສະໝັກໃຈເຂົ້າມາ ຮັບໃຊ້ຊາດ (ພັນທະປ້ອງກັນ ຊາດ) ໄລຍະ 2 ປີ ສັງກັດຢູ່ກອງ ພັນ 611 ກອງຮ້ອຍທີ 7 ໄດ້ຊັ້ນ ສິບຕີ, ສະຫາຍໄດ້ປະຕິບັດລະ ບຽບວິໄນຂອງກອງທັບຢ່າງ ເຂັ້ມງວດ ເປັນຕົ້ນແມ່ນການປະ ຕິບັດຂໍ້ກຳນົດ 7 ລະບອບ 18 ວຽກໃນມື້ໜຶ່ງຂອງກອງທັບ, ໃຊ້ ເວລາວ່າງຄົ້ນຄວ້າ, ຮໍ່າຮຽນນໍາ ຜູ້ບັນຊາ, ໝູ່ເພື່ອນ ແລະ ອ່ານ ປຶ້ມ, ວາລະສານ, ໜັງສືພິມກອງ ທັບ, ຕິດຕາມຂ່າວທາງສື່ອອນ ລາຍຈາກສູນກາງ ແລະ ທ້ອງ ຖິ່ນ ເພື່ອເປັນການຍົກສູງຄວາມ ຮູ້ ຄວາມສາມາດຂອງຕົນ. ພ້ອມ ນັ້ນ, ຍັງເອົາໃຈໃສ່ໃນການປູກ ຝັງ-ລ້ຽງສັດ ເພີ່ມພູມຜະລິດຜົນ ຕາມເງື່ອນໄຂທ່າແຮງຂອງຕົນ. ດ້ວຍເຫດນັ້ນ, ຄະນະພັກ-ຄະ ນະບັນຊາ ເຫັນໄດ້ຜົນງານການປະຕິບັດໜ້າທີ່ວຽກງານຂອງຜູ້ກ່ຽວຈຶ່ງຍົກຍ້າຍສະຫາຍຈາກ ກອງຮ້ອຍທີ 7 ມາຢູ່ກອງຮ້ອຍທີ 2 ໄດ້ຊັ້ນສິບເອກ ຮັບຜິດຊອບ ຮອງຫົວໜ້າໝວດ 1, ພາຍຫຼັງ ທີ່ໄດ້ຮັບໜ້າທີ່ໃໝ່ ສະຫາຍຍິ່ງມີ ຄວາມຮັບຜິດຊອບສູງຕໍ່ກັບໜ້າທີ່ວຽກງານດ້ວຍຄວາມຫ້າວຫັນ ແລະ ມີຄວາມບຸກບືນຂຶ້ນກວ່າເກົ່າ ພ້ອມນັ້ນ ກໍຍັງໄດ້ເອົາໃຈໃສ່ຊີ້ນຳ ສຶກສາອົບຮົມພະນັກງານໝູ່-ນັກ ຮົບຂອງຕົນໃນການປະຕິບັດໜ້າ ທີ່ ກໍຄືວຽກງານລວມຂອງກົມ ກອງ ເພື່ອຮັບປະກັນໃຫ້ກົມກອງ ເຮັດສຳເລັດໜ້າທີ່ການເມືອງ ທີ່ການຈັດຕັ້ງມອບໝາຍໃຫ້ເປັນ ຢ່າງດີຕະຫຼອດມາ. ໃນປີ 2011 ສະຫາຍໄດ້ຖືກໄປຍົກລະດັບ ກໍ່ ສ້າງນາຍສິບ ຢູ່ສູນເຝິກກອງພົນ ໄລຍະ 10 ເດືອນ ພາຍຫຼັງຮຽນ ຈົບແລ້ວ, ສະຫາຍຖືກຍົກຍ້າຍ ມາເປັນຮອງຫົວໜ້າໝວດທີ 3 ກອງຮ້ອຍທີ 2 (ປີ 2012) , ຍ້ອນ ຜົນງານຜູ້ກ່ຽວການຈັດຕັ້ງໄດ້ ສະເໜີໃຫ້ສະຫາຍໄປຮຽນຕໍ່ຢູ່ ວິທະຍາຄານ ກົມມະດຳ ວິຊາສະ ເພາະເຫຼົ່າຮົບປືນໃຫຍ່ໜ້າດິນ, ພາຍຫຼັງຈົບ ປີ 2017 ຖືກສັບ ຊ້ອນຮັບຜິດຊອບເປັນຮອງຫົວ ໜ້າການທະຫານກອງຮ້ອຍທີ 3 ຈາກຜົນງານການເຄື່ອນໄຫວ ປະຕິບັດໜ້າທີ່ດ້ວຍຄວາມຮັບຜິດ ຊອບສູງຂອງສະຫາຍການຈັດ ຕັ້ງຂັ້ນເທິງຈຶ່ງໄດ້ຍົກຍ້າຍສະ ຫາຍມາເປັນຫົວໜ້າການທະ ຫານ ກອງຮ້ອຍທີ 5 ກອງພັນ 611. ດ້ວຍຄວາມຮັບຜິດຊອບ ແລະ ດຸໝັ່ນຂະຫຍັນພຽນ, ຄະ ນະພັກ-ຄະນະບັນຊາ ຍັງໄດ້ແຕ່ງ ຕັ້ງໃຫ້ສະຫາຍເປັນຄູສອນວິຊາ ລະບຽບງົດງາມ, ວິຊາການທະ ຫານ , ວິຊາສະເພາະເຫຼົ່າປືນໃຫຍ່ ບໍ່ວ່າໃນພາກທິດສະດີ ແລະ ພາກ ສະໜາມ ສະຫາຍກໍມີຄວາມດຸໝັ່ນ ສຸມສະຕິປັນຍາ ແລະ ບົດຮຽນທີ່ ຮຽນມາ ຖ່າຍທອດໃຫ້ພະນັກ ງານ-ນັກຮົບໃນກົມກອງ ເພື່ອຮັບ ປະກັນໃຫ້ກົມກອງເຮັດສຳເລັດ ໜ້າທີ່ ແລະ ມີຄວາມປອດໄພ ບັນ ລຸຕາມຈຸດປະສົງຄາດໝາຍທີ່ຂັ້ນ ວາງໄວ້. ຍ້ອນຄວາມຫ້າວຫັນ ບວກ ກັບຄວາມດຸໝັ່ນຂະຫຍັນພຽນ ໃນການເຄື່ອນໄຫວປະຕິບັດໜ້າ ທີ່ວຽກງານທີ່ການຈັດຕັ້ງຂັ້ນ ເທິງມອບໝາຍໃຫ້, ຄະນະພັກ- ຄະນະບັນຊາ ການຈັດຕັ້ງຂັ້ນເທິງ ຈຶ່ງໄດ້ຍ້ອງຍໍຊົມເຊີຍຜົນງານໃຫ້ ຜູ້ກ່ຽວ ດັ່ງນີ້: ຫຼຽນໄຊພິລະອາດ ຫານ ຊັ້ນ III 1 ໜ່ວຍ, ໃບຍ້ອງ ຍໍກະຊວງປ້ອງກັນປະເທດ 4 ໃບ , ໃບຍ້ອງຍໍກົມໃຫຍ່ການເມືອງ ກອງທັບ 3 ໃບ ຢ່າງສົມກຽດ. ສະຫາຍ ພັນໂທ ບຸນເລີດ ສຸດ ຕະກອນ ຫົວໜ້າການເມືອງ ກອງ ພັນ 611 ໄດ້ຢັ້ງຢືນວ່າ: ສະຫາຍ ຮ້ອຍເອກ ຄຳປິ່ນ ຄູນຄຳສິງ ຫົວ ໜ້າການທະຫານ ກອງຮ້ອຍທີ 5 ສົມແລ້ວເປັນບຸກຄົນທີ່ດີເດັ່ນ ແລະ ເປັນແບບຢ່າງທີ່ດີໃຫ້ແກ່ພະນັກ ງານ-ນັກຮົບພາຍໃນກົມກອງ. ໂດຍ: ແສງອາທິດ ສີດາໄລ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ