ກອງທັບປະຊາຊົນລາວ

ວັນພຸດ, ວັນທີ 08 ທັນວາ 2021



ອົງຄະນະພັກ ຄະນະຈັດຕັ້ງສູນກາງພັກຈັດກອງປະຊຸມທາບທາມ ບຸກຄະລາກອນ ສະໄໝທີ IX ຮອບທີ I
ເວລາອອກຂ່າວ: 2021-11-24 10:19:13 | ຜູ້ຂຽນ : admin1 | ຈຳນວນຄົນເຂົ້າຊົມ: 34 | ຄວາມນິຍົມ:



ເພື່ອສືບຕໍ່ຈັດຕັ້ງປະຕິບັດຄຳ ສັ່ງຂອງຄະນະເລຂາທິການສູນ ກາງພັກ ວ່າດ້ວຍການກະກຽມດຳ ເນີນກອງປະຊຸມໃຫຍ່ຂອງອົງຄະ ນະພັກກະຊວງ-ອົງການ, ແຂວງ- ນະຄອນຫຼວງ, ອົງຄະນະພັກ ເມືອງ-ນະຄອນ ແລະ ຮາກຖານ ພັກທົ່ວປະເທດ ໂດຍສະເພາະ ແມ່ນອົງຄະນະພັກທີ່ຍັງບໍ່ທັນ ໄດ້ດຳເນີນກອງປະຊຸມໃຫຍ່ຂັ້ນ ຂອງຕົນສຳເລັດ; ໃນວັນທີ 22 ພະຈິກ 2021 ນີ້, ຄະນະຈັດຕັ້ງ ສູນກາງພັກ (ຄຈສພ) ໄດ້ຈັດກອງ ປະຊຸມທາບທາມບຸກຄະລາກອນ ຄະນະພັກ ຄຈສພ ສະໄໝທີ IX ຮອບທີ I ຂຶ້ນຢູ່ທີ່ສະໂມສອນຫ້ອງ ວ່າການສູນກາງພັກ ພາຍໃຕ້ການ ເປັນປະທານຂອງ ສະຫາຍ ນາງ ສີໄສ ລືເດດມູນສອນ ກໍາມະການ ກົມການເມືອງສູນກາງພັກ, ເລ ຂາທິການສູນກາງພັກ, ເລຂາຄະ ນະພັກ, ຫົວໜ້າຄະນະຈັດຕັ້ງສູນ ກາງພັກ, ມີຄະນະພັກ ຄຈສພ, ຄະ ນະໜ່ວຍພັກ ແລະ ສະມາຊິກພັກ ທົ່ວອົງຄະນະພັກ ຄຈສພ ເຂົ້າ ຮ່ວມ. ກອງປະຊຸມໄດ້ຜ່ານຮ່າງບົດ ລາຍງານການເມືອງ ສະຫຼຸບຕີ ລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ່ຜ່ານມາ, ຜ່ານຮ່າງແຜນພັດທະນາວຽກ ງານຈັດຕັ້ງ, ກໍ່ສ້າງພັກ-ພະນັກ ງານ ໃນ 5 ປີຕໍ່ໜ້າ ແລະ ຜ່ານ ຮ່າງບົດສຳຫຼວດການນຳພາ ລວມຂອງຄະນະພັກ ຄຈສພ ເພື່ອ ພ້ອມກັນປະກອບຄຳເຫັນໃສ່ ຮ່າງເອກະສານດັ່ງກ່າວໃຫ້ມີ ເນື້ອໃນສອດຄ່ອງຄົບຖ້ວນຕາມ ຄວາມເປັນຈິງ ແລະ ສາມາດຈັດຕັ້ງປະຕິບັດໄດ້ຕາມທ່າແຮງບົ່ມຊ້ອນຂອງອົງຄະນະພັກ. ພ້ອມນີ້ ກໍໄດ້ດຳເນີນການທາບທາມບຸກ ຄະລາກອນ ຮອບທີ I ເພື່ອອອກສະໝັກຮັບເລືອກຕັ້ງເຂົ້າໃນຄະ ນະພັກ ຄຈສພ ສະ ໄໝທີ IX. ກອງປະຊຸມໄດ້ຮຽກຮ້ອງມາ ຍັງບັນດາສະຫາຍສະມາຊິກພັກ ທົ່ວອົງຄະນະພັກ ຄຈສພ ຕ້ອງ ຍົກສູງຄວາມຮັບຜິດຊອບໃນການຄັດເລືອກບຸກຄະລາກອນ ອອກສະໝັກຮັບເລືອກຕັ້ງ ແລະ ປະກອບຄຳເຫັນໃສ່ເອກະສານ ສຳຄັນຂອງກອງປະຊຸມຕີລາຄາ ຢ່າງພາວະວິໄສຮັບປະກັນຄວາມ ຖືກຕ້ອງສອດຄ່ອງກັບຄວາມ ເປັນຈິງ, ເອົາໃຈໃສ່ດ້ານໂຄງປະ ກອບບຸກຄະລາກອນຕ້ອງຮັບປະ ກັນ 3 ຮຸ່ນ: ຮຸ່ນອາວຸໂສ, ຮຸ່ນກາງ ແລະ ຮຸ່ນໜຸ່ມ, ມີຜູ້ເກົ່າ, ຜູ້ໃໝ່, ເຜົ່າ ແລະ ເພດຍິງຕາມຈຳນວນທີ່ ເໝາະສົມ, ກຳແໜ້ນ ແລະ ຄຳນຶງ ເຖິງມາດຕະຖານເງື່ອນໄຂ ແລະ ໂຄງປະກອບໃຫ້ຖືກຕ້ອງຕາມນິຕິ ກຳທີ່ກຳນົດໄວ້. ໂດຍ: ຄອນຄຳ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ