ກອງທັບປະຊາຊົນລາວ
 
ວັນພະຫັດ, ວັນທີ 28 ມີນາ 2024

  

ມື້ນີ້ກວດພົບຜູ້ຕິດເຊືື້ອໃໝ່ 1.049 ຄົນ (ຕິດເຊື້ອພາຍໃນ ມີ 1.045 ຄົນ ແລະ ຕິດເຊື້ອນໍາເຂົ້າ 4 ຄົນ)
ເວລາອອກຂ່າວ: 2021-11-09 14:10:23 | ຜູ້ຂຽນ : admin1 | ຈຳນວນຄົນເຂົ້າຊົມ: 676 | ຄວາມນິຍົມ:



ວັນທີ 09 ພະຈິກ ປີ 2021 ນີ້, ທ່ານ ດຣ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໂດຍໄດ້ຮັບມອບໝາຍຈາກຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄການລະບາດພະຍາດCOVID-19, ໄດ້ລາຍງານໃຫ້ບັນທ່ານຮັບຊາບກ່ຽວກັບ ສະພາບການລະບາດຂອງພະຍາດ COVID-19 ຢູ່ ສປປ ລາວ ມາຮອດ ວັນທີ 8 ພະຈິກ 2021, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 7.107 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 1.049 ຄົນ (ຕິດເຊື້ອພາຍໃນ ມີ 1.045 ຄົນ ແລະ ຕິດເຊື້ອນໍາເຂົ້າ 4 ຄົນ). ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ ທັງໝົດ 1,045 ຄົນ ຈາກ 14 ແຂວງ ເຊິ່ງລາຍລະອຽດ ດັ່ງນີ້: 1. ນະຄອນຫຼວງ 512 ຄົນ: ມາຈາກ 159 ບ້ານ, ໃນ 8 ເມືອງ: ເມືອງຈັນທະບູລີ ມີ 15 ບ້ານ (57 ຄົນ), ເມືອງສີໂຄດຕະບອງ ມີ 23 ບ້ານ (63 ຄົນ), ເມືອງໄຊເສດຖາ ມີ 31 ບ້ານ (144 ຄົນ), ເມືອງສີສັດຕະນາກມີ 11 ບ້ານ (40 ຄົນ), ເມືອງ ນາຊາຍທອງ ມີ 06 ບ້ານ (9 ຄົນ), ເມືອງໄຊທານີ ມີ 39 ບ້ານ (128 ຄົນ), ເມືອງຫາດຊາຍຟອງ ມີ 22 ບ້ານ (38 ຄົນ), ເມືອງປາກງື່ມ 12 ບ້ານ (40 ຄົນ), ຕ່າງແຂວງ 03 ຄົນ ຈາກໂຮງໝໍເສດຖາທິລາດ. 2. ຫຼວງພະບາງ, ມີ 137 ຄົນ ໃນ 29 ບ້ານ ແລະ 6 ເມືອງ. 3. ແຂວງວຽງຈັນ ມີ 86 ຄົນ ໃນ 31 ບ້ານ ແລະ 9 ເມືອງ. 4. ບໍ່ແກ້ວ ມີ 81 ຄົນ ໃນ 3 ເມືອງ. 5. ຈຳປາສັກ ມີ 44 ຄົນ ໃນ 15 ບ້ານ ແລະ 3 ເມືອງ. 6. ເມືອງຫຼວງນ້ຳທາ ມີ 44 ຄົນ ໃນ 23 ບ້ານ ແລະ 2 ເມືອງ. 7. ຜົ້ງສາລີ ມີ 31 ຄົນ ໃນ 9 ບ້ານ ແລະ 2 ເມືອງ. 8. ບໍລິຄຳໄຊ ມີ 25 ຄົນ ໃນ 6 ບ້ານ ແລະ 1 ເມືອງ. 9. ສະຫວັນນະເຂດ ມີ 19 ຄົນ ໃນ 11 ບ້ານ ແລະ 2 ເມືອງ. 10. ເຊກອງ ມີ 21 ຄົນ ໃນ 5 ບ້ານ ແລະ 2 ເມືອງ. 11. ຄຳມ່ວນ ມີ 16 ຄົນ ໃນ 5 ບ້ານ ແລະ 1 ເມືອງ. 12. ອຸດົມໄຊ ມີ 14 ຄົນ ໃນ 10 ບ້ານ ແລະ 3 ເມືອງ. 13. ໄຊຍະບູລີ ມີ 12 ຄົນ ໃນ 5 ບ້ານ ແລະ 1 ເມືອງ. 14. ໄຊສົມບູນ ມີ 3 ຄົນ ໃນ 1 ບ້ານ ແລະ 1 ເມືອງ ສໍາລັບຜູ້ຕິດເຊືື້ອພາຍໃນ ທີມແພດປິ່ນປົວຈະໂທແຈ້ງໃຫ້ຮູ້ ແລະ ມີລົດໄປຮັບເພື່ອເຂົ້ານອນຕິດຕາມປິ່ນປົວ ຢູ່ສະຖານທີ່ປິ່ນປົວທີ່ກໍານົດໄວ້. ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດມີຈໍານວນ 04 ຄົນ ຈາກ ແຂວງສະຫວັນນະເຂດ 2 ຄົນ ແລະ ຈໍາປາສັກ 2 ຄົນ, ທັງໝົດແມ່ນໄດ້ເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນຂອງແຕ່ລະແຂວງ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ແຂວງກໍານົດໄວ້. ມາຮອດວັນທີ 9 ພະຈິກ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 48.892 ຄົນ, ເສຍຊີວິດສະສົມ 89 ຄົນ (ໃໝ່ 03), ປິ່ນປົວຫາຍດີ ແລະ ກັບບ້ານໃນມື້ວານ ມີ 469 ຄົນ, ກໍາລັງປິ່ນປົວ 9.348 ຄົນ. ລາຍລະອຽດຜູ້ເສຍຊີວິດໃໝ່ 03 ຄົນ ມີດັ່ງນີ້: ຜູ້ທີ 1: ເພດຍິງ, 52 ປີ, ອາຊີບ: ປະຊາຊົນ, ບ້ານດອນຂາຊ້າຍ, ເມືອງຫາດຊາຍຟອງ, ນະຄອນຫລວງ - ວັນທີ 18 ຕຸລາ 2021: ເກັບຕົວຢ່າງເພື່ອມາກວດຊອກຫາພະຍາດໂຄວິດ-19 ແລະ ຜົນກວດອອກມາແມ່ນພົບເຊື້ອ - ພະຍາດປະຈໍາຕົວ: ເບົາຫວານ ແລະ ຄວາມດັນເລືອດສູງ - ຍັງບໍ່ທັນໄດ້ຮັບການສັກຢາວັກຊີນ - ໄລຍະເວລານອນປີ່ນປົວ ຢູ່ໂຮງໝໍ 103 ແຕ່ວັນທີ 18 ຕຸລາ 2021 - 07 ພະຈິກ, ເປັນເວລາ 21 ວັນ - ມາຮອດເວລາ 16:00 ໂມງ ຂອງວັນທີ 07 ພະຈິກ 2021: ຄົນເຈັບ ໄດ້ເສຍຊີວິດ ຜູ້ທີ 2: ເພດຍິງ, ອາຍຸ 65 ປີ, ອາຊີບ: ແມ່ເຮືອນ, ບ້ານສາຍລົມ, ນະຄອນຫລວງພະບາງ, ແຂວງຫລວງພະບາງ - ພະຍາດປະຈໍາຕົວ: ເບົາຫວານ ແລະ ຫົວໃຈຊຸດໂຊມ - ຍັງບໍ່ທັນໄດ້ຮັບການສັກຢາວັກຊີນ - ວັນທີ 04 ພະຈິກ 2021: ແໜ້າໜ້າເອີກ ແລະ ຫາຍໃຈຍາກ ພ້ອມທັງເກັບຕົວຢ່າງ ແລະ ຜົນກວດອອກມາແມ່ນພົບເຊື້ອ - ໄລຍະເວລານອນປີ່ນປົວ ຢູ່ໂຮງໝໍດັ່ງກ່າວ ແຕ່ວັນທີ 04 - 08 ພະຈິກ, ເປັນເວລາ 05 ວັນ - ເວລາ 19:00 ໂມງ ຂອງວັນທີ 08 ພະຈິກ 2021: ຄົນເຈັບ ໄດ້ເສຍຊີວິດ - ບົ່ງມະຕິການເສຍຊີວິດ: Covid-19 + Respiratory failure + Cardiogenic Shock ຜູ້ທີ 3: ເພດຊາຍ, 40 ປີ, ອາຊີບ: ປະຊາຊົນ, ບ້ານໜອງໜ້ຽວ, ເມືອງສີໂຄດຕະບອງ, ນະຄອນຫລວງ - ເວລາ 12 ໂມງ 45 ນາທີ ຂອງວັນທີ 06 ພະຈິກ 2021: ເຂົ້າມາກວດຢູ່ໂຮງໝໍ 103 ຍ້ອນເມື່ອຍ, ຫາຍ ໃຈຝຶດ ແລະ ແໜ້ນໜ້າເອິກ ພ້ອມເກັບຕົວຢ່າງເພື່ອມາກວດຊອກຫາພະຍາດໂຄວິດ-19 ແລະ ຜົນກວດອອກມາແມ່ນພົບເຊື້ອ - ພະຍາດປະຈໍາຕົວ: ພະຍາດຫືດ, ຄວາມດັນເລືອດສູງ ແລະ ອັກເສບຕັບບີ - ໄດ້ຮັບການສັກຢາວັກຊີນຊີໂນຟາມ ຈໍານວນ 01 ເຂັມ - ໄລຍະເວລານອນປີ່ນປົວ ຢູ່ໂຮງໝໍ 103 ແຕ່ວັນທີ 06 - 08 ພະຈິກ, ເປັນເວລາ 03 ວັນ - ມາຮອດເວລາ 23:00 ໂມງ ຂອງວັນທີ 08 ພະຈິກ 2021: ຄົນເຈັບ ໄດ້ເສຍຊີວິດ - ບົ່ງມະຕິການເສຍຊີວິດ: Covid-19 + ຊຸດໂຊມລະບົບຫາຍໃຈ ແລະ ອັກເສບຕັບບີ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ