ວັນຈັນ, ວັນທີ 02 ທັນວາ 2024
ທະຫານ ນະຄອນຫຼວງວຽງຈັນມອບເງິນອຸດໜູນເສຍຊີວິດ ເທື່ອດຽວໃຫ້ຄອບຄົວພະນັກງານ
ເວລາອອກຂ່າວ: 2021-10-14 10:34:28 | ຜູ້ຂຽນ : admin2 | ຈຳນວນຄົນເຂົ້າຊົມ: 1353 | ຄວາມນິຍົມ: 
ໃນວັນທີ 12 ຕຸລາ2021 ນີ້,ກອງບັນຊາການທະຫານ ນະຄອນຫຼວງວຽງຈັນ ໄດ້ມອບເງິນອຸດໜູນເສຍຊີວິດເທື່ອດຽວໃຫ້ຄອບຄົວຜູ້ເສຍຊີວິດ ແລະ ມອບເງິນໃຫ້ຄອບຄົວພະນັກງານບຳນານ, ໂດຍການເປັນປະທານຂອງ ສະຫາຍ ພັນໂທ ບຸນແປງ ສຸນີໄຊ ຮອງຫົວໜ້າຫ້ອງຫານເມືອງ ກອງບັນຊາການທະຫານນະຄອນຫຼວງວຽງຈັນ,ມີບັນດາພະແນກການທີ່ກ່ຽວຂ້ອງ ພ້ອມດ້ວຍຄອບຄົວຜູ້ເສຍຊີວິດເຂົ້າຮ່ວມ.
ໂອກາດນີ້ , ສະຫາຍ ພັນໂທ ໂພໄຊ ແກ້ວມີໄຊ, ຫົວໜ້າພະແນກປະກັນສັງຄົມໄດ້ຂຶ້ນຜ່ານນະໂຍບາຍອຸດໜູນເສຍຊີວິດເທື່ອດຽວຂອງພະນັກງານບຳນານ ຈຳນວນ 17 ຄອບຄົວ ແລະ ຄອບຄົວພະນັກງານບຳນານ 03 ຄອບຄົວ ລວມມີ 20 ຄອບຄົວ ເປັນເງິນ 1.354.981.309 ກີບ.( ໜຶ່ງຕື້ສາມຮ້ອຍຫ້າສິບສີ່ລ້ານເກົ້າແສນແປດສິບເອັດພັນສາມຮ້ອຍເກົ້າກີບ ),ພ້ອມໂດຍ ການມອບ ຂອງ ສະຫາຍ ພັນໂທ ບຸນແປງ ສຸນີໄຊ .ພ້ອມທັງໄດ້ໂອ້ລົມໃຫ້ແຕ່ລະຄອບຄົວ ຈົ່ງພ້ອມກັນນຳເອົາເງິນໄປໜູນໃຊ້ເຂົ້າໃນການພັດທະນາຄອບຄົວຂອງຕົນແບບມີຫົວຄິດປະດິດສ້າງຢ່າງຖືກຕ້ອງ ແລະ ໃຫ້ເກີດເປັນປະໂຫຍດອັນລໍ້າຄ່າທີ່ສຸດ ເພື່ອແນໃສ່ເຮັດໃຫ້ຄອບຄົວຂອງຕົນ ມີຊີວິດທີ່ດີໃນອະນາຄົດຕໍ່ໜ້າ ໃຫ້ເປັນຄອບຄົວທີ່ມີຄວາມສົມບູນພູນສຸກຕະຫຼອດໄປ.
ຮ້ອຍໂທ ແສງດາລາ ໄຊຍະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
