ກອງທັບປະຊາຊົນລາວ

ວັນພຸດ, ວັນທີ 27 ຕຸລາ 2021



ມອບ-ຮັບໜ້າທີ່ອຳນວຍການໂຮງຮຽນການທະຫານທ້ອງຖີ່ນແຂວງຈຳປາສັກຜູ້ເກົ່າ ແລະ ຜູ້ໃໝ່
ເວລາອອກຂ່າວ: 2021-10-13 12:11:17 | ຜູ້ຂຽນ : admin1 | ຈຳນວນຄົນເຂົ້າຊົມ: 103 | ຄວາມນິຍົມ:



ພິທີມອບ-ຮັບໜ້າທີ່ລະຫວ່າງ ສະຫາຍ ພັນໂທ ພູເວີນ ສູນນິວົງ ຫົວໜ້າການເມືອງ ຜູ້ອໍານວຍການໂຮງຮຽນການທະຫານທ້ອງຖິ່ນແຂວງຈໍາປາສັກ ຜູ້ເກົ່າ ແລະ ສະຫາຍ ພັນໂທ ທອງມາ ແພງວິໄລສານ ຜູ້ໃໝ່, ຈັດຂື້ນໃນວັນທີ 11 ຕຸລາ 2021 ນີ້, ໂດຍການການເປັນປະທານຂອງ ສະຫາຍ ພັນເອກ ແຫວນຄໍາ ຈະເລີນວົງ ຫົວໜ້າການເມືອງກອງບັນຊາການທະຫານແຂວງຈໍາປາສັກ, ສະຫາຍ ພັນໂທ ສີໄຄ ທິບພະຈັກ ຫົວໜ້າຫ້ອງການເມືອງທະຫານແຂວງຈໍາປາສັກ, ມີຄະນະພັກ-ຄະນະບັນຊາ 5 ຫ້ອງ, ກອງບັນຊາການທະຫານແຂວງຈໍາປາສັກ, ພະແນກການອ້ອມຂ້າງ, ຕະຫຼອດຮອດພະນັກງານ-ນັກຮົບພາຍໃນກົມກອງເຂົ້າຮ່ວມ. ສະຫາຍຜູ້ອໍານວຍການໂຮງຮຽນການທະຫານທ້ອງຖິ່ນແຂວງຈໍາປາສັກຜູ້ເກົ່າໄດ້ຜ່ານບົດສະຫລຸບລາຍງານ ໝາກຜົນໆງານພາຍໃນ 3 ເດືອນທີ່ຕົນໄດ້ປະຕິບັດວຽກງານໄລຍະທີ່ເຮັດໜ້າທີ່ເປັນຫົວໜ້າການເມືອງ, ຜູ້ອໍານວຍການໂຮງຮຽນຜ່ານມາໃຫ້ຮັບຊາບໂດຍຫຍໍ້. ຫຼັງຈາກນັ້ນ ກໍໄດ້ເຊັນບົດບັນທືກມອບ-ຮັບໜ້າທີ່ຮ່ວມກັນ. ໂອກາດດຽວກັນ, ໄດ້ຜ່ານຂໍ້ຕົກລົງຂອງຄະນະປະຈໍາພັກກອງບັນຊາການສະບັບເລກທີ 308/ຄຈພ,ກຈປ. ລົງວັນທີ 4/10/2021 ວ່າດ້ວຍການບົ່ງຕົວແຕ່ງຕັ້ງຄະນະພັກຮາກຖານໂຮງຮຽນການທະຫານທ້ອງຖິ່ນອີງຕາມກົດລະບຽບພັກ-ປະຊາຊົນປະຕິວັດລາວ ສະໄໝທີ XI ໝວດທີ II ມາດຕາທີ 13 ວ່າດ້ວຍການບົ່ງຕົວແຕ່ງຕັ້ງຍົກຍ້າຍ ແລະ ການຊິ້ນສຸດການເປັນກໍາມະການຄະນະພັກ, ໃນນັ້ນຕົກລົງບົ່ງຕົວແຕ່ງຕັ້ງຄະນະພັກຮາກຖານໂຮງຮຽນການທະຫານທ້ອງຖິ່ນຄື:1.ສະຫາຍ ພັນໂທ ທອງມາ ແພງວິໄລສານ ຮັກສາການຫົວໜ້າການເມືອງ ເປັນເລຂາຄະນະພັກຮາກຖານໂຮງຮຽນ. 2. ສະຫາຍ ພັນໂທ ວິໄລສັກ ກິ່ງແກ້ວ ເປັນຮັກສາການຫົວໜ້າການທະຫານ ຮອງເລຂາຄະນະພັກຮາກຖານ 3. ສະຫາຍ ພັນໂທ ບຸນສົ່ງ ຈໍາປາຂາວ ຮັກສາການ ຮອງຫົວໜ້າການເມືອງ ເປັນກໍາມະການພັກ. 4. ສະຫາຍ ພັນໂທ ສີສະໄໝ ວົງຄໍາວັນ ຮັກສາການ ຮອງຫົວໜ້າການທະຫານ ເປັນກໍາມະການ. 5. ສະຫາຍ ພັນຕີ ປາວີ ສີລາວົງ ຮັກສາການ ຮອງຮັບຜິດຊອບພະລາທິການ ເປັນກໍາມະການພັກ, ແລະ ຕົກລົງບົ່ງຕົວແຕ່ງຕັ້ງຄະນະພັກຮາກຖານ ກອງຮ້ອຍນັກຮຽນບໍາລຸງທະຫານໃຫ້ພະນັກງານຄື:1.ສະຫາຍ ພັນຕີ ຕຸ່ນຄໍາ ສີປະເສີດ ຫົວໜ້າການເມືອງ ເປັນເລຂາໜ່ວຍພັກ. 2. ສະຫາຍ ຮ້ອຍເອກ ບຸນເຮືອງ ພິມມະໄຊ ຫົວໜ້າການທະຫານ ເປັນຮອງເລຂາ ໜ່ວຍພັກ. 3. ສະຫາຍ ຮ້ອຍເອກ ພົງສະຫວັດ ວໍລະບຸດ ຮອງການເມືອງ ເປັນກໍາມະການ ໜ່ວຍພັກ. ໂອກາດນີ້ ສະຫາຍປະທານພິທີ ໄດ້ມີຄໍາເຫັນ ແລະ ຊີ້ທິດເຍືອງທາງໃຫ້ແກ່ພະນັກງານທີ່ໄດ້ຮັບການແຕ່ງຕັ້ງເປັນຄະນະໜ່ວຍພັກຮາກຖານແລະມອບໝາຍໜ້າທີ່ໃໝ່, ກ່ອນອື່ນສະຫາຍໄດ້ກ່າວຍ້ອງຍໍຊົມເຊີຍຕໍ່ໝາກຜົນໆງານທີ່ບັນດາສະຫາຍສາມາດຍາດມາໄດ້ໃນຄັ້ງນີ້ ແລະ ໄດ້ເນັ້ນໜັກຫລາຍບັນຫາເປັນຕົ້ນແມ່ນການເອົາໃຈໃສ່ສືກສາອົບຮົມການເມືອງ-ນໍາພາແນວຄິດເປັນກົກ.ຍົກສູງຄວາມຮັບຜິດຊອບຊີ້ນຳ, ນຳພາການປັບປຸງກໍ່ສ້າງກົມກອງຢ່າງມີຫົວຄິດປະດິດສ້າງ, ມີແບບແຜນວິທີເຮັດວຽກແບບວິທະສາດສອດຄ່ອງກັບຄວາມຮຽກຮ້ອງຕ້ອງການຂອງສະພາບການໃນໄລຍະໃຫມ່ເພື່ອສ້າງໃຫ້ກົມກອງມີການພັດທະນາເຂັ້ມແຂງຮອບດ້ານ. ຂ່າວ-ພາບ: ວິໄລພອນ ວົງວິສອນ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ