ວັນຈັນ, ວັນທີ 02 ທັນວາ 2024
ທ່ານ ຈູມມະລີ ໄຊຍະສອນ ເນັ້ນໃຫ້ການນຳແຂວງໄຊຍະບູລີ ເອົາໃຈໃສຕໍ່ວຽກງານແກ້ໄຂຄວາມທຸກຍາກຂອງປະຊາຊົນ
ເວລາອອກຂ່າວ: 2019-01-09 09:16:54 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 715 | ຄວາມນິຍົມ: 
ໃນວັນທີ 3 ມັງກອນ 2019
ທ່ານ ຈູມມາລີ ໄຊຍະສອນອະດີດ ເລຂາທິການໃຫຍ່, ອະດີດປະ ທານປະເທດ ແຫ່ງ ສປປ ລາວ ໄດ້ລົງຢ້ຽມຢາມ ແລະ ເຮັດວຽກ ຢູ່ແຂວງ ໄຊຍະບູລີ, ໃຫ້ການ ຕ້ອນຮັບໂດຍ ທ່ານ ພົງສະ ຫວັນ ສິດທະວົງ ກໍາມະການ ສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ ພ້ອມດ້ວຍ ບັນດາກໍາມະການປະຈໍາພັກ ແຂວງ, ກໍາມະການພັກແຂວງ,
ເລຂາພັກເມືອງ, ເຈົ້າເມືອງ ແລະ ຫົວໜ້າພະແນກການອ້ອມຂ້າງ ແຂວງ ໃຫ້ການຕ້ອນຮັບຢ່າງອົບ
ອຸ່ນ.
ທ່ານ ພົງສະຫວັນ ສິດທະວົງ ໄດ້ກ່າວລາຍງານຫຍໍ້ ສະພາບ ການ ຈັດຕັ້ງປະຕິບັດທິດນໍາ 3 ສ້າງຕໍ່ທ່ານອະດິດ ປະທານປະ ເທດວ່າ: ແຂວງໄຊຍະບູລີເຄີຍມີມູນເຊື້ອໃນການຫັນລົງກໍ່ສ້າງຮາກຖານການເມືອງພັດທະນາ ຊົນນະບົດຮອບດ້ານຢ່າງເປັນລະ ບົບຕໍ່ເນື່ອງຕະຫຼອດມາ, ເຊິ່ງເປັນ ພື້ນຖານໃຫ້ແກ່ການສືບຕໍ່ຈັດ ຕັ້ງປະຕິບັດທິດນຳວຽກງານ 3 ສ້າງໃນຂອບເຂດທົ່ວແຂວງ, ໂດຍສຸມໃສ່ແກ້ໄຂຄວາມທຸກ ຍາກຈໍານວນ 14 ບ້ານທີ່ຍັງ ແມ່ນບ້ານທຸກຍາກ, ສຸມພັດທະ ນາຊົນນະບົດ ແລະ ລຶບລ້າງ ຄວາມທຸກຍາກມີ 9 ຈຸດສຸມ, ສຸມ ໃສ່ປ້ອງກັນຊາດ- ປ້ອງກັນ ຄວາມສະຫງົບຕິດພັນກັບການ ແກ້ໄຂຄວາມທຸກຍາກມີ 8 ຈຸດ ສຸມ, ສຸມໃສ່ຈັດສັນພູມລຳເນົາ ແລະ ບ່ອນທຳມາຫາກິນຖາ ວອນໃຫ້ປະຊາຊົນມີ 12 ຈຸດສຸມ ແລະ ສຸມໃສ່ບ້ານຜັນຂະຫຍາຍ ຕາມທິດນຳ 3 ສ້າງຕິພັນກັບ ການປ່ອຍສິນເຊື່ອຂອງທະນາ ຄານນະໂຍບາຍ ໃຫ້ມີຄວາມໜັກ ແໜ້ນເຂັ້ມແຂງແຕ່ນີ້ຮອດປີ 2020 ມີຈຳນວນ 20 ບ້ານ, ທັງ ໝົດນັ້ນເພື່ອຈະສ້າງໃຫ້ເປັນບ້ານ ພັດທະນາ ແລະ ສ້າງເປັນຕົວ ເມືອງນ້ອຍໃນຊົນນະບົດ, ໂດຍມີ ຈຸດປະສົງເພື່ອສ້າງໃຫ້ເປັນຫົວ ໜ່ວຍປົກຄອງທີ່ເຂັ້ມແຂງສາ ມາດປະຕິບັດພາລະບົດບາດ, ໜ້າທີ່ບໍລິຫານລັດ ແລະ ຄຸ້ມ ຄອງເສດຖະກິດ-ສັງຄົມຕາມ ການແບ່ງຂັ້ນຄຸ້ມຄອງຢູ່ຂັ້ນບ້ານ ໃຫ້ໄດ້ເປັນຢ່າງດີ, ອັນພົ້ນເດັ່ນ ແມ່ນສຸມໃສ່ການແບ່ງຂັ້ນຄຸ້ມ ຄອງ ລະຫວ່າງເມືອງ ແລະ ບ້ານ,
ປັບປຸງລະບອບແບບແຜນວິທີເຮັດ ວຽກຂອງອົງການປົກຄອງບ້ານ ເພື່ອອຳນວຍ ຄວາມສະດວກໃນ ການແກ້ໄຂວຽກງານໃຫ້ປະຊາ ຊົນ, ມີລະບົບຄຸ້ມຄອງວຽກງານ ການເງິນຢ່າງຈະແຈ້ງເຊິ່ງສາ ມາດປະຕິບັດແຜນການຈັດເກັບ ລາຍຮັບ ແລະ ຄຸ້ມຄອງລາຍ ຈ່າຍຕາມການມອບໝາຍຂອງ ເມືອງ, ສ້າງແຕ່ລະໜ່ວຍພັກບ້ານ ໃຫ້ ປອດໃສ, ເຂັ້ມແຂງ ແລະ ໜັກແໜ້ນ ເພື່ອເປັນເງື່ອນໄຂໃຫ້ ແກ່ການສ້າງເມືອງກາຍເປັນ ຫົວໜ່ວຍເຂັ້ມແຂງຮອບດ້ານ, ປະຈຸບັນສາມາດສ້າງເປັນບ້ານ ພັດທະນາໄດ້ແລ້ວ 268 ບ້ານ ກວມເອົາ 62,03%, ພ້ອມກັນນີ້ ຍັງໄດ້ກໍານົດຄາດໝາຍທົ່ວ ແຂວງໃຫ້ໄດ້ຕື່ມ 136 ບ້ານເພື່ອ ບັນລຸຄາດໝາຍ 80% ຂອງ ຈໍານວນບ້ານໃນທົ່ວແຂວງ.
ທ່ານ ຈູມມາລີ ໄຊຍະສອນ
ໄດ້ກ່າວໂອ້ລົມຕໍ່ພະນັກງານຫຼັກ ແຫຼ່ງຂອງແຂວງ ພ້ອມທັງໄດ້ ເນັ້ນໜັກໃຫ້ການນໍາຂອງແຂວງ ທຸກພາກສ່ວນໃຫ້ສືບຕໍ່ສຸມໃສ່ ວຽກງານສາມສ້າງ ຕິດພັນກັບ ການແກ້ໄຂຄວາມທຸກຍາກຂອງ ປະຊາຊົນ, ສ້າງໃຫ້ໄດ້ບ້ານພັດ ທະນາຢ່າງນ້ອຍ 2 ສ່ວນ 3 ຂອງບ້ານທັງໝົດ, ສ້າງບ້ານ ໃຫຍ່ພັດທະນາໃຫ້ກາຍເປັນຕົວ ເມືອງນ້ອຍໃນຊົນນະບົດ, ສ້າງ ກົງຈັກຮາກຖານບ້ານໃຫ້ສອດ ຄ່ອງກັບສະພາບຕົວຈິງຂອງແຕ່ ລະບ້ານ, ແຕ່ລະທ້ອງຖິ່ນ, ເອົາ ໃຈໃສ່ແກ້ໄຂຈຸດສຸມພົ້ນທຸກຂອງ ປະຊາຊົນໃຫ້ໄດ້ຕາມຄາດໝາຍ, ສຸມໃສ່ຊຸກຍູ້ປະຊາຊົນຜະລິດເປັນສິນຄ້າ ເປັນຕົ້ນແມ່ນ: ສຸມ ໃສ່ປູກເຂົ້າ, ພືດກະສິກໍາ, ປູກ ຫຍ້າຕິດພັນກັບການລ້ຽງສັດ ໃຫຍ່, ສ້າງໃຫ້ເປັນກຸ່ມຜະລິດ ເຊັ່ນ: ກຸ່ມປູກ, ກຸ່ມລ້ຽງ ແລະ ກຸ່ມ
ບໍລິການ, ສົ່ງເສີມປະຊາຊົນເຮັດ ທຸລະກິດດ້ານກະສິກໍາຂະໜາດ ນ້ອຍ ແລະ ຂະໜາດກາງ, ພ້ອມ ທັງສ້າງໂຮງງານປຸງແຕ່ງຜົນຜະ ລິດກະສິກໍາເພື່ອແປເປັນສໍາເລັດ ຮູບ, ສືບຕໍ່ກໍ່ສ້າງພັກປອດໃສ, ເຂັ້ມແຂງ ແລະ ໜັກແໜ້ນ, ສ້າງພັກໃຫ້ຕິດພັນກັບການສ້າງ ບ້ານພັດທະນາ, ສ້າງໃຫ້ໄດ້ຕົວ ແບບດ້ານອຸດສາຫະກໍາການບໍ ລິການຕ່າງໆ.
ໂດຍ: ອຸ່ນເຮືອນ ໂພທິລັກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
