ເປີດສົກຮຽນໃໝ່ໃຫ້ແກ່ນັກຮຽນ 3 ລະບົບ ປະຈຳປີ 2021-2022
ເວລາອອກຂ່າວ: 2021-09-17 12:46:49 | ຜູ້ຂຽນ : admin2 | ຈຳນວນຄົນເຂົ້າຊົມ: 657 | ຄວາມນິຍົມ:
ພິທີ ເປີດສົກຮຽນໃໝ່ໃຫ້ແກ່ນັກຮຽນ 3 ລະບົບ ປະຈຳປີ 2021-2022ຢູ່ໂຮງຮຽນກໍ່ສ້າງນາຍສີບເລກ1 ໄດ້ໄຂຂື້ນໃນ ວັນທີ່ 15 ກັນຍາ 2021ນີ້. ໂດຍການເຂົ້າຮ່ວມເປັນປະທານຂອງສະຫາຍ ພັນເອກ ບົວວັນ ພົມມະເພັງ ຫົວໜ້າການທະຫານ, ມີສະຫາຍ ພັນເອກ ສີລາວົງ ບຸນມີໄຊ ຫົວໜ້າການເມືອງໂຮງຮຽນ,ມີ ຄະນະພັກ-ຄະນະອຳນວຍການ, ພະນັກງານ-ນັກຮົບ, ອົງການ 5 ຫ້ອງ, 4 ກອງພັນ,ບັນດາຄູ-ອາຈານ,ຕະຫຼອດຮອດນັກຮຽນທັງ 3 ລະບົບ ເຂົ້າຮ່ວມ.
ສະຫາຍ ພັນເອກ ບຸນທັນ ແຕງອອ່ນສີ ຫົວໜ້າຫ້ອງອົບຮົມ ໂຮງຮຽນກໍ່ສ້າງນາຍສິບເລກ1 ໄດ້ຂື້ນຜ່ານແຜນການອົບຮົມ-ສິດສອນ ,ຂໍ້ຕົກລົງ ແລະ ຄຳສັ່ງ ຂອງກົມໃຫ່ຍເສນາທິການກອງທັບ ວ່າດ້ວຍການອະນຸມັດໃຫ້ໂຮງຮຽນເປີດຊຸດຮຽນກໍ່ສ້າງນາຍສິບຊຸດທີ່ 35, ບຳລຸງການທະຫານໄລຍະສັ້ນ ຊຸດທີ່ 8 ແລະ ບຳລຸງວັດທະນະທຳ ຊຸດທີ່7 ສົກຮຽນ 2021-2022.ໃນນີ້ລະບົບກໍ່ສ້າງນາຍສິບ ໃຊ້ເວລາອົບຮົມ-ຫັດແອບ 10 ເດືອນ ມີ 16 ວິຊາຮຽນ, ບຳລຸງການທະຫານ ຊຸດທີ່ 8 ໃຊ້ເວລາອົບຮົມ-ຫັດແອບ 6 ເດືອນ ມີ 15 ວິຊາຮຽນ ແລະ ນັກຮຽນບຳລຸງວັດທະນະທຳ ລະບົບ 2 ປີ ປະກອບມີ 3 ຂັ້ນຮຽນຄື: ມໍ.5, ມໍ 6, ແລະ ມໍ 7 ມີ 9 ວິຊາຮຽນ.ທັງນີ້ກໍ່ເພື່ອເປັນການບຳລຸງຍົກລະດັບການສຶກສາໃຫ້ພະນັກງານ-ນັກຮົບໄດ້ມີຄວາມຮູ້, ຄວາມສາມາດ, ເຕັກນິກວິທະຍາສາດ,ວັດທະນະທຳ ແລະ ທັກສະໃນດ້ານຕ່າງໆ ເພື່ອກໍ່ສ້າງພະນັກງານບັນຊາໝູ່-ໝວດທະຫານຮາບ ໃຫ້ມີພື້ນຖານທາງດ້ານ ສິນລະປະຍຸດ-ຢຸດທະວິທີ ແລະ ເປັນການປັບປຸງກໍ່ສ້າງກຳລັງປະກອບອາວຸດໃນຖັນແຖວຂອງກອງທັບນັບມື້ໃຫ້ມີຄວາມເຕີບໃຫຍ່ ເຂັ້ມແຂງ ໜັກແໜ້ນກ້າວຂື້ນຢ່າງບໍ່ຢຸດຢັ້ງ.
ຮ.ທ ນ້ອຍຈັນໄພ ແກັວວັນເຮືອງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ