POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 24 ກັນຍາ 2021

ລັດຖະມົນຕີກະຊວງປ້ອງກັນປະເທດ ລົງກວດກາຄວາມຄືບໜ້າໂຄງການກໍ່ສ້າງກອງພັນໃຫຍ່ 621
ເວລາອອກຂ່າວ: 2021-09-09 12:16:25 | ຜູ້ຂຽນ : admin2 | ຈຳນວນຄົນເຂົ້າຊົມ: 79 | ຄວາມນິຍົມ:

ໃນວັນທີ 8 ກັນຍາ 2021 ນີ້, ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ພ້ອມຄະນະນຳກະຊວງ, ບັນດາກົມໃຫຍ່, ຫ້ອງວ່າການກະຊວງ ແລະ ພາກສ່ວນທີ່ກ່ຽວຂ້ອງ ໄດ້ລົງກວດກາຄວາມຄືບໜ້າໂຄງການກໍ່ສ້າງກອງພັນໃຫຍ່ 621. ໂອກາດດັ່ງກ່າວ ສະຫາຍ ພຶດສະພາ ພູມມະສັກ ຕາງໜ້າບໍລິສັດ ນໍຣິນໂກ ສປ ຈີນ ຜູ້ຮັບເໝົາໂຄງການກໍ່ສ້າງກອງພັນໃຫຍ່ 621 ໃຫ້ຮູ້ວ່າ: ໂຄງການດັ່ງກ່າວໄດ້ເລິ່ມລົງມືການກໍ່ສ້າງມາແຕ່ເດືອນສິງຫາ 2019 ເປັນຕົ້ນມາ, ສະເພາະວຽກຊ່າງແສງແມ່ນເລິ່ມລົງມືແຕ່ເດືອນມິຖຸນາ 2018 ເປັນຕົ້ນມາ, ເຊິ່ງບັນດາໜ້າວຽກ ແລະ ຄວາມຄືບໜ້າຂອງໂຄງການກໍ່ສ້າງພື້ນຖານໂຄງລ່າງ ຂອງກອງພັນໃຫຍ່ 621 ໄດ້ແບ່ງອອກເປັນ 5 ໂຊນ ແລະ 1 ເສັ້ນທາງລວມ ຄື: ໂຄງການກໍ່ສ້າງ (ໂຊນ A) ເຂດທີ່ຕັ້ງກອງພັນໃຫຍ່ ມີເນື້ອທີ່ 38,5 ເຮັກຕາ ສຳເລັດ 80%, (ໂຊນ B) ເຂດທີ່ຕັ້ງສາງຍຸດໂທ ມີເນື້ອທີ່ 20 ເຮັກຕາ ສໍາເລັດ 31,9%, (ໂຊນ C) ເຂດພື້ນທີ່ສະໜາມຫັດແອບ ມີເນື້ອທີ່ 15 ເຮັກຕາ ສຳເລັດ 100% ໃນການປັບເດີ່ນ, (ໂຊນ D) ເຂດທີ່ຕັ້ງໂຮງຫມໍ 30 ຕຽງຂອງກອງພັນໃຫຍ່ ມີເນື້ອທີ່ 1 ເຮັກຕາ ສຳເລັດ 18%, (ໂຊນ E) ເຂດຈຸດຕົກລູກສອນໄຟ ຫຼືເຂດສັງເກດການ ສຳເລັດ 98%, ວຽກຕາຂ່າຍໄຟຟ້າ ສໍາເລັດ 100%, ວຽກສະໜອງຈັດຊື້ເຟີນິເຈີເຂົ້າໂຄງການ ສຳເລັດ 20%, ວຽກສະໜອງຈັດຊື້ ແລະ ຕິດຕັ້ງລະບົບຄວາມປອດໄພ ສຳເລັດ 50%, ເຊິ່ງຄ້າຍກອງພັນໃຫຍ່ດັ່ງກ່າວປະກອບມີ: ຫ້ອງການກອງພັນນ້ອຍ, ເຂດກອງຮ້ອຍປ້ອງກັນ, ກອງຮ້ອຍສ້ອມແປງ, ກອງຮ້ອຍບັນຊາ, ສາງຍຸດໂທ, ກາລາສ້ອມແປງລົດ, ສາງອາໄຫຼ່, ສາງອຸປະໂພກ-ບໍລິໂພກ, ປໍ້ານໍ້າມັນ ແລະ ໂຮງງານນໍ້າປະປາຂະໜາດນ້ອຍ, ສັງລວມແລ້ວ ມາຮອດປັດຈຸບັນຄວາມຄືບໜ້າຂອງໜ້າວຽກຕ່າງໆ ສຳເລັດແລ້ວ 86,37%, ຄາດວ່າຈະໃຫ້ສຳເລັດ 100% ໃນທ້າຍປີນີ້, ລວມມູນຄ່າການກໍ່ສ້າງທັງໝົດ 76 ລ້ານ 4 ແສນກວ່າໂດລາສະຫະລັດ. ໂອກາດນີ້ ສະຫາຍ ພົນເອກ ຈັນສະໝອນ ຈັນຍາລາດ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະຮັບຜິດຊອບຊີ້ນຳໂຄງການ ແລະ ບໍລິສັດຜູ້ຮັບເໝົາ ທີ່ໄດ້ເອົາໃຈໃສ່ຊີ້ນຳລົງເລິກໃກ້ຊິດຕິດແທດຢ່າງເປັນປະຈຳ ເຮັດໃຫ້ໂຄງການມີຄວາມຄືບໜ້າບັນລຸຕາມຄາດໝາຍ, ເພາະວ່າໂຄງການດັ່ງກ່າວເປັນໂຄງການໜຶ່ງທີ່ສຳຄັນ ນອນຢູ່ໃນໂຄງການຍຸດທະສາດຂອງກະຊວງປ້ອງກັນປະເທດ, ໃນໄລຍະຜ່ານມາເຖິງວ່າຈະພົບຄວາມຫຍຸ້ງຍາກຫຼາຍດ້ານກໍ່ຕາມ ໂດຍສະເພາະແມ່ນການລະບາດຂອງພະບາດໂຄວິດ 19, ລະດູຝົນເສັ້ນທາງໄປມາບໍ່ອໍານວຍຄວາມສະດວກເຮັດໃຫ້ການຂົນສົ່ງວັດຖຸອຸປະກອນຊັກຊ້າບາງຊ່ວງ ແລະ ລວມເຖິງວຽກງານອື່ນໆກໍ່ຕາມ, ລັດຖະມົນຕີກະຊວງປ້ອງກັນປະເທດ ຍັງໄດ້ຮຽກຮ້ອງໃຫ້ຄະນະຮັບຜິດຊອບຊີ້ນຳ, ບໍລິສັດຜູ້ຮັບເໝົາ ແລະ ພາກສ່ວນທີ່ກ່ຽວຂ້ອງ ຈົ່ງພ້ອມກັນຕັດສິນໃຈອົດທົນຜ່ານຜ່າຂໍ້ຫຍຸ້ງຍາກນາໆປະການ ແລະ ສືບຕໍ່ປັບປຸງບາງໜ້າວຽກທີ່ຍັງຄົງຄ້າງ ເພື່ອດັດແປງແກ້ໄຂໃຫ້ຖືກຕ້ອງ ສອດຄ່ອງຕາມເຕັກນິກ ມາດຕະຖານແຜນຜັງທີ່ໄດ້ວາງໄວ້, ສຸມທຸກສະຕິປັນຍາເຫື່ອແຮງເຂົ້າໃນການກໍ່ສ້າງພື້ນຖານໂຄງລ່າງຂອງກອງພັນໃຫຍ່ 621 ໃຫ້ສຳເລັດຕາມແຜນການທີ່ວາງໄວ້.

news to day and hot news