ທະຫານເມືອງສິງ ແຂວງຫຼວງນໍ້າທາ ເປີດຊຸດເຝິກອົບຮົມ ໃຫ້ກໍາລັງກອງຫຼອນ
ເວລາອອກຂ່າວ: 2021-08-04 08:57:18 | ຜູ້ຂຽນ : admin2 | ຈຳນວນຄົນເຂົ້າຊົມ: 82 | ຄວາມນິຍົມ:
ວັນທີ 27 ກໍລະກົດ 2021 ກອງບັນຊາການທະຫານເມືອງ ສິງ ແຂວງຫຼວງນໍ້າທາ ໄດ້ເປີດ
ຊຸດອົບຮົມ-ຫັດແອບການເມືອງ ແລະ ການທະຫານ ໃຫ້ກໍາລັງ ກອງຫຼອນກອງຮ້ອຍທີ 3 ກຸ່ມ
ບ້ານ ພັດທະນາ ທີ 4 ບ້ານຊຽງ
ໃຈ ໂດຍການເປັນປະທານ
ຂອງ ສະຫາຍ ພັນໂທ ສົມຊາຍ
ຫຼ້າພີມພອນ ກໍາມະການຄະນະ ພັກເມືອງ ຫົວໜ້າການທະຫານ ກອງບັນຊາການທະຫານເມືອງ ສິງ ແຂວງຫຼວງນໍ້າທາ, ມີ ທ່ານ
ໃໝ່ຄໍາເງີນ ພົມມະຈັນ ເລຂາຄະ
ນະພັກຮາກຖານ ກຸ່ມບ້ານພັດ
ທະນາທີ 4 ບ້ານຊຽງໃຈ, ມີ
ຄະນະພັກ-ຄະນະບັນຊາ, ພະນັກ
ງານຄູອາຈານ, ອໍານາດການ ປົກຄອງບ້ານ ແລະ ກໍາລັງກອງ ຫຼອນ 12 ບ້ານເຂົ້າຮ່ວມ.
ສະຫາຍ ຮ້ອຍເອກ ແພງແກ້ວ
ໄຊຍະວົງ ຊ່ວຍວຽກຂະແໜງ ກອງຫຼອນກອງບັນຊາການ ທະຫານເມືອງນາແລ ໄດ້ຜ່ານຂໍ້ ຕົກລົງຂອງກອງບັນຊາການ ທະຫານແຂວງຫຼວງນໍ້າທາ ວ່າ
ດ້ວຍການເປີດຊຸດອົບຮົມ-ຫັດ ແອບ ໂດຍແບ່ງເປັນ 3 ພາກ: ການເມືອງ, ສິລະປະຍຸດ ແລະ ຍຸດທະວິທີ ໃຫ້ກໍາລັງກອງຫຼອນ ກອງຮ້ອຍທີ 3 ກຸ່ມບ້ານພັດທະນາ ທີ 4 ບ້ານຊຽງໃຈ, ເຊິ່ງນັກເຝິກ ອົມຮົມຈະໄດ້ຮຽນຮູ້ກ່ຽວກັບ ພາລະບົດບາດ, ສິດ, ໜ້າທີ່, ທາດ
ແທ້ ແລະ ມູນເຊື້ອ ຂອງກໍາລັງ
ກອງຫຼອນ, ການສ້າງບ້ານ
ປ້ອມໜັ້ນ ກຸ່ມບ້ານສູ້ຮົບຕິດ
ລຽນ, ຄຸນຄ່າສະມັດຕະພາບ ແລະ ການປະກອບສ້າງຂອງປືນແຕ່ ລະປະເພດ, 7 ຈັງຫວະພື້ນຖານ ບຸກຄົນອາໄສພູມີປະເທດ ແລະ ໜູ່ດັກສະກັດປ່ອງຂ້າມລອຍ ຂອງສັດຕູ. ໂດຍຈະໄດ້ດໍາເນີນ ການອົບຮົມ-ຫັດແອບ ເປັນເວລາ 12 ວັນ.
ໂດຍ: ບຸນມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ