Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 118  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຈະໂທດໃຜດີ

ຫລຽວເຫັນທາມທົ່ງກວ້າງ ນາເພິ່ນອຸດົມດີເຂົ້າຖອກຮວງຫອມຫວນ ກ່ອງຮວງເຫລືອງກົ້ມເຫັນເຂົາຊົມນາເຂົ້າ ເດົາດາກຽມກ່ຽວຂຸ້ນຂ້ຽວ ເກັບກອບກູ້ ຂົນເຂົ້າໃສ່ເຍຍ.  vໃຈຫນຶ່ງ ຊົມຊື່ນຊ້ອຍ ຍາມເມື່ອແລເຫັນເຂົາຈັບລຽມ(ກ່ຽວ)ລົງນາ ກ່ຽວເອົາຍັງເຂົ້າໃຈຫນຶ່ງ ມາພອຍເສົ້າ ຍາມມະໂນເຫັນພາບນາແຫ່ງຕົນຮາບກ້ຽງ ຫາເຂົ້າກ່ຽວບໍ່ມີ ເຈົ້າເອີຍ. v ຍ້ອນວ່າ

ຝົນຖອກເທັ້ງ ເລີຍລ່ວງຫລາຍວັນບໍ່ມີ ຍາມຍານເຊົາ ຫ່າງຫາຍພໍດີ້ນ້ຳສີແດງນອງລົ້ນ ໄຫລລາມເຕັມຝັ່ງທັ່ງເຂົ້າ ນາທົ່ງກວ້າງ ຫລາຍລົ້ນດັ່ງທະເລ. v ກົກກຳລັງແກ່ນຫມັ້ນ ອຸ່ມທຸ່ມຂຽວຂະຈີພັດມີ ໂພຍໄພພານ ຜ່ານມາກະທຳຮ້າຍທາລາລິນໄຫລຖ້ວມ ຫລາຍວັນບໍ່ເວັ້ນຫວ່າງ3 ອາທິດຜ່ານພົ້ນ ຝົນບໍ່ຢຸດຢ່ອນຢັ້ງ ກໍເຂົ້າເນົ່າຕາຍ ແທ້ນາ. v ບາດວ່າ  ນໍ້າຫອດແຫ້ງ ສຸລິໂຍສ່ອງສາຍແສງຫລຽວແລລົງຫານາ ຮາບພຽງຜືນກ້ຽງບໍ່ມີຄັນແທຂັ້ນ ເປັນຄູຄືແຕ່ກ່ອນຍ້ອນດິນ ຕົມຖົມທັບໄວ້ ຫາເຂົ້າກໍຊໍ່ຊີ້ ຊອນຂຶ້ນບໍ່ເຫັນ ດອກນາ. v ບໍ່ມີ ພຽງເທົ່າທ້ອງ ທາມທົງນາຂຽວຫລຽວເບິ່ງ ຄາເມເຮືອນ ຫມູ່ປະຊາຊາວເຊື້ອເຫລືອພຽງ ອາພອນຄ້າງ ຜືນຕົນສວມຢູ່ຊັບສິນຂອງຄູ່ເຄົ້າ ເຮືອນຊານສັດສິ່ງເຊື້ອ ໄຫລລິ້ວລ່ອງກະແສ ພຸ້ນແລ້ວ. v ປີນີ້ ຊ່າງໂຫດຮ້າຍ ພິບັດໃຫຍ່ມາເຢືອນເຂື່ອນເຊປຽນເພພັງ ແຕກລົງໄຫລລ້າງອັດຕະປືທາງພຸ້ນ ສະຫນາມໄຊເມືອງໃຫຍ່ຫລາຍຊີວິດມອດມ້ວຍ ອາຮາມເຮືອນຈົມແຈບພື້ນ ໃນນໍ້າແມ່ນະທີ ແທ້ນາ. v ຕໍ່ມາ ທາງຟາກກໍ້າ ຊຽງຂວາງຊ່າລືນາມຜົ້ງສາລີກໍມີ ເພດໄພອັນຮ້າຍນໍ້າປ່າ ນອງໄຫລລົ້ນ ຕົມຫີນຖົມໃສ່ເຮືອນຊານເພມຸ່ນມ້າງ ປະຊາເຊື້ອທຸກລະທົມ ແທ້ນາ. v ຫລາຍບ່ອນ ພານພົບພໍ້ ໂດຍດັ່ງດຽວກັນນໍ້າຖ້ວມ ເຮືອນຊານສວນ ໄຮ່ນາຕາກ້າຜົນຜະລິດສູນສ້ຽງ ເສຍຫາຍບໍ່ໄດ້ກ່ຽວນັບແຕ່ ເຫນືອຮອດໃຕ້ ຫລາຍຄອບຄົວທຸກໄຮ້ ເຮືອນຊິຊົ້ນກໍບໍ່ມີ ຕົນເດ. v ດີແຕ່ ທາງຝ່າຍກໍ້າ ການນໍາຫ່ວງປະຊາຊົນຂົນຂວາຍລົງນໍາພາ ເບິ່ງແຍງປະຄອງຄໍ້າງາມນໍ້າໃຈຄົນໃນແຄວ້ນ ເມືອງລາວທັງຊາດອື່ນຍື່ນມື ມາຊ່ວຍຊວ້ານ ບໍ່ວາງຖິ້ມຫ່າງໄລ ກັນແລ້ວ. v ສຸດທີ່ ຂົມຂຶ້ນແຄ້ນ ແສນແສບໃນຊວງຈັກຊິທວງຄວາມຜິດ ກ່າວຫາໃຜແທ້ຊິໂທດ ທາງຝົນຟ້າ ອິນພົມເທວະໂລກ ດີບໍ?ຊິໂທດໃຫ້ ທໍາມະຊາດເຊື້ອ ຫລືເບື້ອງມະນຸດເຮົາ ນີ້ບໍ? v ຫຼືວ່າ ເປັນເຜດຮ້າຍ ພາຍປອບໂພງຜີຜີປ່າ ພູດົງດອນ ນາກເນົາໃນນໍ້າໂມໂຫຄາຍເຄືອງແຄ້ນ ສັງຄົມມະນຸດຊາດ ຊັ້ນບໍໃຜຫາກຫຼອນຮຸ່ງຮູ້     ເຫັນແຈ້ງໃຫ້ບອກຮຽມ ແດ່ເນີ!

ຂ່າວມື້ນີ້

ຂ່າວເດັ່ນ