Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 83  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ທ່ານ ພົນໂທ ຈັນສະໝອນ ຈັນຍາລາດ ເນັ້ນໃຫ້ທຸກພາກສ່ວນເລັ່ງຟື້ນຟູຄຸນະພາບຊີວິດປະຊາຊົນໂດຍໄວ

ທ່ານ ພົນໂທ ຈັນສະໝອນ ຈັນຍາລາດ ເນັ້ນໃຫ້ທຸກພາກສ່ວນເລັ່ງຟື້ນຟູຄຸນະພາບຊີວິດປະຊາຊົນໂດຍໄວໃນໂອກາດເຂົ້າຮ່ວມພິທີ     ສະຫຼຸບຜົນງານໄລຍະທີ 1  ແລະ ແຜນການໄລຍະທີ 2 ຂອງການ ກອບກູ້ຜົນກະທົບຈາກໄພພິບັດ ຄູກັນນໍ້າເຂື່ອນໄຟຟ້າເຊປຽນ- ເຊນໍ້ານ້ອຍແຕກ ທີ່ເມືອງສະ ໜາມໄຊ ແຂວງອັດຕະປື ທີ່ຈັດ ຂຶ້ນໃນຕອນເຊົ້າວັນທີ 13 ກັນຍາ ນີ້, ທີ່ສູນບັນຊາພາກສະໜາມ, ທ່ານ ພົນໂທ ຈັນສະໝອນ ຈັນ ຍາລາດ ກຳມະການກົມການເມືອງສູນກາງພັກ, ລັດຖະມົນຕີ ກະຊວງປ້ອງກັນປະເທດ ໄດ້ ເນັ້ນໃຫ້ຄະນະຮັບຜິດຊອບທຸກ ພາກສ່ວນເລັ່ງຟື້ນຟູຊີວິດການ ເປັນຢູ່ ແລະ ຈັດສັນເຮືອນພັກ ເຊົາຊົ່ວຄາວ ແລະ ຖາວອນ

ໂດຍ ໄວ ເພື່ອໃຫ້ປະຊາຊົນຜູ້ຖືກຜົນ ກະທົບ ໄດ້ຮັບການເບິ່ງແຍງຢ່າງ ທົ່ວເຖິງ ແລະ ມີຄວາມອຸ່ນອຽນ ທຸ່ນທ່ຽງໃນການດຳລົງຊີວິດທີ່ ຍືນຍົງຕໍ່ໄປ.     ທ່ານ ພົນໂທ ຈັນສະໝອນ ຈັນຍາລາດ ໄດ້ກ່າວຍ້ອງຍໍສັນ ລະເສີນ ນໍ້າໃຈອົດທົນເສຍສະຫຼະ ຂອງພະນັກງານ-ນັກຮົບ ແລະ ອຳນາດການປົກຄອງ ຕະຫຼອດ ຮອດພໍ່ແມ່ປະຊາຊົນຊາວແຂວງ ອັດຕະປື  ເມືອງສະໜາມໄຊ ທີ່ ໄດ້ເອົາໃຈໃສ່ຊ່ວຍເຫຼືອກອບກູ້ ຜູ້ຖືກຜົນກະທົບຍ້ອນເຂື່ອນ ໄຟຟ້າເຊປຽນ-ເຊນໍ້ານ້ອຍແຕກ ຢ່າງທັນການເຮັດໃຫ້ການ ສູນເສຍຊີວິດຫຼຸດໜ້ອຍລົງ ແລະ ສາມາດກອບກູ້ຊີວິດ ແລະ ຊັບ ສິນຂອງປະຊາຊົນ, ນອກຈາກ ນັ້ນ ຍັງໄດ້ສຸມໃສ່ຊອກຄົ້ນຫາ ຜູ້ສູນຫາຍຢ່າງບໍ່ຮູ້ອິດຮູ້ເມື່ອຍເຖິງແມ່ນພື້ນທີ່ຈະທຸລະກັນດານ ກໍຕາມ.     ກອງທັບປະຊາຊົນລາວ ໄດ້ເຮັດສອງໜ້າທີ່ ພ້ອມກັນຄື: ໄລຍະທີ 1 ກອບກູ້ ແລະ ຊອກ ຄົ້ນຜູ້ສູນຫາຍ ແລະ ໄລຍະທີ 2 ແມ່ນການຟື້ນຟູຄຸນະພາບຊີວິດ  ຈັດສັນທີ່ຢູ່ອາໄສຊົ່ວຄາວ ແລະ ຖາວອນໃຫ້ແກ່ປະຊາຊົນທີ່ຖືກ ກະທົບ.     ທ່ານ ພົນໂທ ຈັນສະໝອນ ຈັນຍາລາດ ກ່າວຕື່ມວ່າ: ເຊ ປຽນ-ເຊນໍ້ານ້ອຍແຕກເປັນໄພ ພິບັດຮ້າຍແຮງສ້າງຄວາມເສຍ ຫາຍຕໍ່ຊີວິດຊັບສິນຂອງປະ ຊາ ຊົນເມືອງສະໜາມໄຊ ແຂວງ ອັດຕະປື.    ທ່ານລັດຖະມົນຕີ ໄດ້ຕີລາຄາ ສູງຕໍ່ການປະຕິບັດໜ້າກອບກູ້ ໄພພິບັດທີ່ໄດ້ຮັບມອບໝາຍ ທັງ ຍົກສູງຄວາມຮັບຜິດຊອບການ ເມືອງຂອງຕົນ ເຮັດໜ້າທີ່ໜັກ ໜ່ວງ ແລະ ສັບສົນທີ່ສຸດ. ຜົນ ສຳເລັດທີ່ຍາດມາໄດ້ແມ່ນຍ້ອນ ຄວາມເອົາໃຈໃສ່ຂອງອຳນາດ ການປົກຄອງແຂວງ, ເມືອງ ແລະປະຊາຊົນຊາວອັດຕະປືທຸກຄົນ ກໍຄືຊາວລາວທົ່ວປະເທດ, ມີ ຄວາມຮັບຜິດຊອບສູງຂອງ ຄະນະຊີ້ນຳກອບກູ້ໄພ ພິບັດ, ກອງ ທັບຕິດພັນກັບທ້ອງຖິ່ນການ ຊ່ວຍເຫຼືອປະຊາຊົນແມ່ນທາດ ແທ້ປະຕິວັດຂອງກອງທັບເຮົາ ມັນແມ່ນຜົນສຳເລັດເບື້ອງຕົ້ນ ທີ່ດີທີ່ສຸດຈາກການທຸ້ມເທກຳ ລັງພາຫະນະທຸກປະເພດທີ່ມີຢູ່. ຜົນສຳເລັດລວມຂອງທຸກພາກ ສ່ວນໃນການກອບກູ້ຊີວິດຊັບ ສິນຂອງປະຊາຊົນທີ່ຖືກອຸທົກ ກະໄພດັ່ງກ່າວ.    ໜ້າທີ່ໄລຍະທີ 2 ໜັກໜ່ວງ ເປັນຕົ້ນແມ່ນການປັບປຸງປົວ ແປງຊີວິດການເປັນຢູ່ຂອງປະ ຊາຊົນໃຫ້ດີກວ່າເກົ່າ, ປະຕິບັດ 3 ໜ້າທີ່ 4 ການພົວພັນ, ຈຶ່ງສ້າງ ໄດ້ 3 ທາດແທ້ 6 ມູນເຊື້ອຂອງ ກອງທັບປະຊາຊົນລາວ, ເປັນ ກຳລັງເຂັ້ມແຂງຂອງຄະນະພັກ ອຳນາດການປົກຄອງທ້ອງຖິ່ນ ແຂວງອັດຕະປື, ດ້ວຍການນຳ ໃຊ້ກຳລັງຂອງກອງທັບ ເພື່ອ ຟື້ນຟູຊີວິດການເປັນຢູ່ອງປະຊາ ຊົນ, ເປັນຕົ້ນແມ່ນສ້າງທີ່ຢູ່ອາໄສ ແບບຊົ່ວຄາວ ແລະ ຖາວອນ ຂອງປະຊາຊົນຕາມການຮ້ອງຂໍ ຂອງແຂວງ, ກອງທັບປະຊາຊົນ ໂດຍປະຊາຊົນ ແລະ ເພື່ອປະຊາ ຊົນ ໃຕ້ການນຳພາໂດຍກົງເດັດ ຂາດຮອບດ້ານຂອງພັກປະຊາ ຊົນ ປະຕິວັດລາວ, ປັບປຸງກໍ່ສ້າງ ກຳລັງ, ເຝິກແອບຮໍ່າຮຽນກຽມ ພ້ອມສູ້ຮົບ ແລະ ສູ້ຮົບເກັ່ງ,​ ຊ່ວຍເຫຼືອປະຊາຊົນ ແລະ ປົກ ປັກຮັກສາປະເທດຊາດໃຫ້ໝັ້ນ ຄົງ, ມີຄວາມພົວພັນກັບປະຊາ ຊົນຢ່າງໜຽວແໜ້ນ ແລະ ມີ ຄວາມສາມັກຄີບັນດາເຜົ່າໃຫ້ ແໜ້ນແຟ້ນ.      ໃນບັ້ນສະຫຼຸບຄັ້ງນີ້, ລັດຖະ ມົນຕີກະຊວງປ້ອງກັນປະເທດ ຍັງໄດ້ໃຫ້ກຽດປະດັບຫຼຽນໄຊ ພິລາດອາດຫານໃຫ້ແກ່ກົມກອງ ລວມໝູ່ ແລະ ບຸກຄົນ ແລະ ຍ້ອງ ຍໍເລື່ອນຊັ້ນໃຫ້ພະນັກງານ-ນັກ ຮົບຜູ້ທີ່ມີຜົນງານດີເດັ່ນໃນບັ້ນ ກອບກູ້ຄັ້ງນີ້ດ້ວຍ.

ຂ່າວມື້ນີ້

ຂ່າວເດັ່ນ