Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 110  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຄະນະເລຂາທິການສູນກາງພັກ ເນັ້ນໃຫ້ເພີ່ມທະວີຄວາມຮັບຜິດຊອບການປ້ອງກັນ ແລະ ຮັບມືກັບໄພພິບັດທຳມະຊາດ

 ເນື່ອງຈາກສະພາບດິນຟ້າ  ອາກາດປີນີ້ມີການປ່ຽນແປງຢູ່ ເລື້ອຍໆມີປາກົດການທາງທໍາ ມະຊາດເກີດຂຶ້ນແບບຜິດປົກກະ ຕິ ໂດຍເລີ່ມແຕ່ຕົ້ນປີເປັນຕົ້ນມາ ເກີດມີລົມພັດແຮງ, ຟ້າຜ່າຄົນ ແລະ ສັດລ້ຽງ, ພໍເລີ່ມເຂົ້າສູ່ລະ ດູຝົນກໍເກີດມີຝົນຕົກໜັກ, ນໍ້າ ຖ້ວມ, ດິນເຈື່ອນ ແລະ ເຫດ ການອື່ນໆເກີດຂຶ້ນຢ່າງຕໍ່ເນື່ອງ ໃນວົງກວ້າງໄດ້ສ້າງຄວາມເສຍ ຫາຍຕໍ່ຊີວິດ ແລະ ຊັບສິນຂອງ ປະຊາຊົນ ທັງເປັນອຸປະສັກຢ່າງ ໃຫຍ່ຫຼວງຕໍ່ການດໍາລົງຊີວິດ ຂອງປະຊາຊົນ, ໃນນັ້ນ ເຫດ ການທີ່ສັງຄົມເສົ້າສະຫຼົດໃຈ ກວ່າໝູ່ແມ່ນເຂື່ອນໄຟຟ້າເຊ ປຽນ-ເຊນໍ້ານ້ອຍ ຢູ່ເມືອງສະ ໜາມໄຊ, ແຂວງອັດຕະປືແຕກ  ໄດ້

ສ້າງຄວາມເສຍຫາຍອັນໜັກ ໜ່ວງຕໍ່ຊີວິດ ແລະ ຊັບສິນຂອງ ປະຊາຊົນໃນເຂດດັ່ງກ່າວ, ເຊິ່ງ ເປັນເຫດໄພພິບັດທີ່ບໍ່ເຄີຍເກີດ ຂຶ້ນມາກ່ອນໃນປະເທດເຮົາ. ພ້ອມດຽວກັນນັ້ນ ຈາກການ ປ່ຽນແປງພູມອາກາດຂອງ ໜ່ວຍໂລກຍັງຈະເຮັດໃຫ້ປາກົດ ການທາງທໍາມະຊາດມີຄວາມ ຮຸນແຮງຂຶ້ນເລື້ອຍໆດ້ວຍເຫດ ນັ້ນຄະນະເລຂາທິການສູນກາງ ພັກຈຶ່ງອອກຄໍາສັ່ງເລກທີ 06/ຄລສພ ວ່າດ້ວຍການເພີ່ມທະ ວີຄວາມຮັບຜິດຊອບຂອງຄະນະ ພັກໃນການນໍາພາ-ຊີ້ນໍາການ ປ້ອງກັນ ແລະ ຮັບມືໄພພິບັດ ທໍາມະຊາດ ດັ່ງນີ້:    (1). ໃຫ້ຄະນະພັກແຕ່ລະຂັ້ນ ຖືສໍາຄັນການສຶກສາອົບຮົມ, ອະ ທິບາຍໃຫ້ແກ່ຖັນແຖວພະນັກ ງານ, ທະຫານ, ຕໍາຫຼວດ ແລະ ພໍ່ແມ່ປະຊາຊົນໃຫ້ມີຄວາມເຂົ້າ ໃຈຢ່າງຖືກຕ້ອງກ່ຽວກັບຄວາມ ສ່ຽງໄພພິບັດທາງທໍາມະຊາດຢູ່ ໃນພື້ນທີ່ດໍາລົງຊີວິດເພື່ອໃຫ້ມີ ສະຕິລະວັງຕົວ ແລະ ເປັນເຈົ້າ ການຮັບມືກັບໄພພິບັດທີ່ອາດ ຈະເກີດຂຶ້ນ. (2). ປັບປຸງການ ຈັດຕັ້ງຂອງຄະນະກໍາມະການ ປ້ອງກັນ ແລະ ການຄວບຄຸມໄພ ພິບັດຢູ່ແຕ່ລະຂັ້ນ ໃນນັ້ນຕ້ອງປະ ກອບຄົນ ແລະ ຈັດວາງການຈັດ ຕັ້ງໃຫ້ທົ່ວເຖິງເປັນລະບົບ; ປະ ກອບພາຫະນະ, ອຸປະກອນ ແລະ ງົບປະມານອັນຈໍາເປັນ; ສ້າງ ແລະ ປັບປຸງກົນໄກເຄື່ອນໄຫວ ປະສານງານໃຫ້ໂລ່ງລ່ຽນ; ພ້ອມທັງເຝິກອົບຮົມຍົກລະດັບ ເຈົ້າໜ້າທີ່ດ້ານກູ້ໄພໃຫ້ເປັນປົກ ກະຕິ. (3). ໃນກໍລະນີເກີດໄພ ພິບັດຄະນະພັກ, ອໍານາດການ ປົກຄອງບ່ອນທີ່ເກີດເຫດນັ້ນ ຕ້ອງເປັນເຈົ້າການນໍາພາ-ຊີ້ນໍາ ເພື່ອຈັດຕັ້ງຜັນຂະຫຍາຍແຜນ ການກູ້ໄພໂດຍຜ່ານກົນໄກການ ຈັດຕັ້ງຂອງຄະນະກໍາມະການ ປ້ອງກັນ ແລະ ຄວບຄຸມໄພພິບັດ ຢູ່ທ້ອງຖິ່ນຂອງຕົນຮັບປະກັນໃຫ້ເຂົ້າເຖິງ ແລະ ຊ່ວຍເຫຼືອຜູ້ປະ ສົບໄພໂດຍໄວ. (4). ເປັນເຈົ້າ ການນໍາພາກະກຽມແຜນການ ແລະ ຄວາມພ້ອມໃນການຈັດ ຕັ້ງປະຕິບັດແຜນຟື້ນຟູຫຼັງໄພພິ ບັດ, ລວມທັງດ້ານທີ່ຢູ່ອາໄສ, ອາຫານການກິນ, ປ້ອງກັນການ ປິ່ນປົວສຸຂະພາບ, ຟື້ນຟູດ້ານ ຈິດໃຈ ແລະ ການທໍາມາຫາກິນ ຂອງປະຊາຊົນທີ່ໄດ້ຮັບຜົນກະ ທົບຈາກໄພພິບັດໃຫ້ເຂົ້າສູ່ສະ ພາບປົກກະຕິໂດຍໄວ. (5). ໃນການນໍາພາ-ຊີ້ນໍາແກ້ໄຂຈາກ ໄພພິບັດທີ່ເກີດຂຶ້ນຢູ່ເມືອງສະ ໜາມໄຊ, ແຂວງອັດຕະປື, ໃຫ້ ຄະນະພັກແຂວງອັດຕະປື ແລະ ເມືອງສະໜາມໄຊສືບຕໍ່ເຊີດຊູ ຄວາມຮັບຜິດຊອບ ແລະ ເປັນ ເຈົ້າການຮ່ວມກັບຄະນະຮັບຜິດ ຊອບແກ້ໄຂໄພພິບັດຂອງສູນ ກາງ ທັງປະສານງານກັບທຸກ ພາກສ່ວນທີ່ກ່ຽວຂ້ອງເພື່ອຮັບ ປະກັນການຈັດຫາທີ່ຢູ່ອາໄສ, ແຈກສະບຽງອາຫານ, ປ້ອງ ກັນ-ຮັກສາສຸຂະພາບໃຫ້ຜູ້ປະ ສົບໄພ ແລະ ວາງແຜນການຟື້ນ ຟູເບື້ອງຕົ້ນຫຼັງໄພພິບັດ. ສ່ວນຢູ່ ທ້ອງຖິ່ນອື່ນໆທີ່ໄດ້ຮັບຜົນກະ ທົນຈາກໄພພິບັດທໍາມະຊາດກໍ ໃຫ້ອໍານາດການປົກຄອງແຕ່ລະ ບ່ອນເປັນເຈົ້າການນໍາພາ-ຊີ້ນໍາ. (6). ໃຫ້ຄະນະພັກກະຊວງ-ອົງ ການ, ຄະນະພັກນະຄອນຫຼວງ ແລະ ບັນດາແຂວງໃນທົ່ວປະ ເທດ ເພີ່ມທະວີການການເມືອງ ແນວຄິດຕໍ່ພະນັກງານສະມາຊິກ ພັກ ແລະ ພໍ່ແມ່ປະຊາຊົນບັນ ດາເຜົ່າເພື່ອຄວາມເຊື່ອໝັ້ນຕໍ່ ການນໍາພາຂອງພັດ, ການສົ່ງ ເສີມການລົງທຶນຈາກພາຍໃນ ແລະ ຕ່າງປະເທດ. ໃນຕໍ່ໜ້າ ພັກ-ລັດຖະບານຈະເອົາໃຈໃສ່ ຢ່າງສຸດຂີດປັບປຸງຄຸຸນະພາບ ແລະ ປະສິດທິພາບໃນການຄຸ້ມ ຄອງບັນດານໂຄງການກໍ່ສ້າງ ເຂື່ອນຕ່າງໆ, ຖືການຮັບປະກັນ ຄວາມປອດໄພ ດ້ານຊີວິດ ແລະ ຊັບສິນຂອງປະຊາຊົນເປັນເງື່ອນ ໄຂສູງສຸດ.

ໂດຍ: ແສງເດືອນ

ຂ່າວມື້ນີ້

ຂ່າວເດັ່ນ