Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 79  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ທ່ານ ພົນຕີ ຄຳລຽງ ອຸທະໄກສອນ ພົບປະໂອ້ລົມນັກກິລາຍິງປືນກອງທັບບົກອາຊຽນ

ທ່ານ ພົນຕີ ຄຳລຽງ ອຸທະໄກສອນ ພົບປະໂອ້ລົມນັກກິລາຍິງປືນກອງທັບບົກອາຊຽນວັນທີ 7 ກັນຍາ 2018 ຜ່ານມາ, ທ່ານ ພົນຕີ ຄຳລຽງ ອຸທະໄກສອນ ກຳມະການຄະນະ ປະຈຳພັກກະຊວງ, ຮອງຫົວໜ້າ ກົມໃຫຍ່ເສນາທິການກອງທັບ ໄດ້ລົງພົບປະໂອ້ລົມນັກກີລາຍິງ ປືນກອງທັບບົກອາຊຽນຂອງ ກອງທັບປະຊາຊົນລາວທີ່ກຳລັງ ເຝິກຊ້ອມຍິງປືນຢູ່ສະໜາມກອງ ພັນຍິງປືນສາກົນ 199 ເພື່ອກຽມໄປແຂ່ງຂັນເອອາມ (AARM) ຄັ້ງທີ 28 ທີ່ປະເທດມາເລເຊຍ ເປັນເຈົ້າພາບໃນທ້າຍປີ 2018.     ພັນໂທ ສານ ແກ້ວປະເສີດ ຮອງເລຂາຄະນະພັກຮາກຖານ,  ຫົວໜ້າການທະຫານກອງພັນ ຍິງປືນສາກົນ 199

ໄດ້ຂຶ້ນລາຍ ງານສະພາບການເຄື່ອນໄຫວ ຫັດແອບເຝິກຊ້ອມຍິງລູກປືນແທ້ ໂດຍຫຍໍ້ຂອງອ້າຍນ້ອງນັກກີລາ ໃນໄລຍະຜ່ານມາ ໄດ້ເອົາໃຈໃສ່ ສຶກສາອົບຮົມການເມືອງ, ນຳພາ ແນວຄິດ, ໃກ້ຊິດຕິດແທດເອື້ອ ອຳນວຍຄວາມສະດວກໃຫ້ແກ່ ຄູເຝິກ-ນັກກີລາ ຕະຫຼອດຮອດ ການຫັດແອບ ເພື່ອໃຫ້ມີຄວາມ ສະຫງົບປອດໄພໃນໜ້າສະໜາມ 100%, ປະເພດປືນກີລາທີ່ເຂົ້າ ຮ່ວມແຂ່ງຂັນໃນຄັ້ງນີ້ມີທັງໝົດ 4 ປະເພດປືນຄື: ປືນສັ້ນຍິງ ຈຳ ນວນນັກກີລາ 5 ສະຫາຍ, ປືນ ເຫຼັກຍາວ ຈຳນວນ 10 ສະຫາຍ, ປືນສັ້ນຊາຍ ຈຳນວນ 5 ສະ ຫາຍ ແລະ ປືນເຫຼັກສັ້ນ ຈຳນວນ 5 ສະຫາຍ. ສະຖິຕິການຍິງສູງ ສຸດໃນການເຝິກຊ້ອມໃນໄລຍະ ຜ່ານມາ ປືນເຫຼັກສັ້ນຄະແນນ ເຕັມບົດ 200 ຄະແນນຍິງໄດ້ ສູງສຸດ 180-185 ຄະແນນ, ປືນເຫຼັັກຍາວ ຄະແນນເຕັມບົດ 100 ຄະແນນ ຍິງໄດ້ສູງສຸດ 75-80 ຄະແນນ, ປືນສັ້ນຊາຍຄະແນນເຕັມບົດ 300 ຄະແນນ ຍິງໄດ້ສູງສຸດ 270-275 ຄະແນນ,​ ປຶນສັ້ນຍິງ ຄະແນນເຕັມບົດ 300ຄະແນນ ຍິງໄດ້ສູງສຸດ 275-280 ຄະແນນ.      ໃນທ້າຍພິທີ ທ່ານ ພົນຕີ ຄຳ ລຽງ ອຸທະໄກສອນ ຄະນະພັກ ກະຊວງ ຮອງຫົວໜ້າກົມໃຫຍ່ ເສນາທິການກອງທັບ ຍັງໄດ້ໂອ້ ລົມເນັ້ນໜັກໃຫ້ຄະນະຊີ້ນຳ-ຄູ ເຝິກ, ນັກກີລາທັງໝົດຈົ່ງສຸມສະ ຕິປັນຍາ, ເຫື່ອແຮງ,​  ຄວາມຮູ້-ຄວາມສາມາດ, ສຸມໃສ່ການເຝິກຊ້ອມຫັດແອບໃຫ້ບັນລຸໄດ້ຕາມຄາດໝາຍທີ່ວາງໄວ້, ຮຽກຮ້ອງໃຫ້ມີຄວາມມານະອົດທົນຜ່ານຜ່າອຸປະສັກຕ່າງໆໆນາໆບໍ່ວ່າ ແດດ ຫຼື ຝົນ,​ ພ້ອມກັນຍາດເອົາ ໄຊຊະນະກັບມາສູ່ກົມກອງກໍຄື ກອງທັບປະຊາຊົນລາວ ເພື່ອ ເປັນຜົນງານເອກອ້າງກຽມຕ້ອນ ຮັບວັນສ້າງຕັ້ງກອງທັບປະຊາ ຊົນລາວຄົບຮອບ 70 ປີ ຢ່າງເປັນຂະບວນຟົດຟື້ນ.   

ໂດຍ: ບົວໄວ ວັນນະສົດ

ຂ່າວມື້ນີ້

ຂ່າວເດັ່ນ