Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 68  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ທະຫານແຂວງໄຊຍະບູລີ ແລະ ທະຫານແຂວງອັດຕະປືສະຫຼຸບຖອດຖອນບົດຮຽນວຽກງານລະດົມພົນ

ໃນວັນທີ 12 ກັນຍາ 2018 ນີ້ ກອງບັນຊາການທະຫານ ແຂວງໄຊຍະບູລີ ໄດ້ຈັດກອງປະ ຊຸມສະຫຼຸບຖອດຖອນບົດຮຽນ ວຽກງານລະດົມພົນສົກປີ 2017- 2018 ແລະ ທິດທາງແຜນການ ວຽກງານລະດົມພົນສົກປີ 2018-2019 ໂດຍການເປັນປະທານ  ຂອງທ່ານ ຍັນຍົງ ສີປະເສີດ ຮອງເລຂາພັກແຂວງ ປະທານ ອະນຸກຳມະການລະດົມພົນຂັ້ນ ແຂວງ ແລະ ໃຫ້ກຽດເຂົ້າຮ່ວມ ຂອງພັນເອກ ກູດ ພົມມາ ຮອງ ເລຂາຄະນະພັກ ຫົວໜ້າການທະ ຫານກອງບັນຊາການທະຫານ ແຂວງໄຊຍະບູລີ ມີບັນດາຄະນະ ອະນຸກຳມະການລະດົມພົນຂັ້ນ ແຂວງ ແລະ ຂັ້ນເມືອງ 11 ເມືອງ ຕະຫຼອດຮອດພະແນກ

ການທີ່ ກ່ຽວຂ້ອງເຂົ້າຮ່ວມ.   ກອງປະຊຸມສະຫຼຸບຖອດ ຖອນບົດຮຽນວຽກງານດັ່ງກ່າວ ໄດ້ເຜີຍແຜ່ເຊື່ອມຊຶມຄຳສັ່ງ ແນະນຳຂອງກົມໃຫຍ່ເສນາທິ ການກອງທັບສະບັບເລກທີ1985 ລົງວັນທີ 2 ສິງຫາ 2018 ວ່າດ້ວຍການກວດກາ ຄັດເລືອກເອົາທະຫານໃໝ່, ແລະ ຜ່ານບົດສະຫຼຸບການເຄື່ອນ ໄຫວວຽກງານລະດົມພົນສົກ 2017-2018 ແລະ ທິດທາງ ແຜນການວຽກງານລະດົມພົນ ສົກ 2018-2019 ຍົກໃຫ້ເຫັນ  ດ້ານດີ ແລະ ດ້ານອ່ອນຂໍ້ຄົງ ຄ້າງໃນສົກຜ່ານມາຂອງບັນດາ ຄະນະອະນຸກຳມະການລະດົມ ພົນຂັ້ນຕ່າງໆ ເພື່ອສຸມໃສ່ປັບປຸງ ແກ້ໄຂໃນຕໍ່ໜ້າ ໂດຍສະເພາະ ແມ່ນໄດ້ສູ້ຊົນປະຕິບັດໜ້າທີ່ ວຽກງານລະດົມພົນໃຫ້ກຳລັງ ຫຼວງ ແລະ ກຳລັງທອງຖິ່ນ ໂດຍ ໄດ້ແຕ່ງຕັ້ງວິຊາການລົງສົມທົບ ກັບອຳນາດການປົກຄອງ, ພໍ່ແມ່ ປະຊາຊົນແຕ່ລະບ້ານໃຫ້ເຂົ້າ ໃຈຕໍ່ກັບກົດໝາຍປ້ອງກັນຊາດ, ເກັບກໍາກວດກາຊີວະປະຫັວດ ແລະ ຄັດເລືອກເອົາຊາວໜຸ່ມຜູ້ທີ່ ມີມາດຖານເງື່ອນໄຂເຂົ້າມາຮັບ ໃຊ້ຊາດ ໄດ້ທັງປະລິມາດ ແລະ ຄຸນະພາບຄືສົກປີ 2017-2018 ແມ່ນໄດ້ຕາມຄາດໝາຍ 420 ຄົນເທົ່າກັບ 100%  ແລະ ສົກປີ 2018-2019 ນີ້ ຕາມແຜນການ ຄາດໝາຍແມ່ນຈະລະດົມໃຫ້ໄດ້ 303 ຄົນ. ເພື່ອເຮັດໃຫ້ການຈັດ ຕັ້ງປະຕິບັດທິດທາງແຜນການ ດັ່ງກ່າວທ່ານ ຍັນຍົງ ສີປະເສີດ  ໄດ້ມີຄຳເຫັນ ແລະ ເໜັ້ນໜັກໃນ ບັນດາຄະນະອານຸກຳມະການ ລະດົມພົນຂັ້ນຕ່າງໆ ຕ້ອງເອົາ ໃຈໃສ່ປະຕິບັດໜ້າຂອງຕົນໃຫ້ ເຂັ້ມງວດ, ເພີ່ມທະວີເອົາໃຈໃສ່ ສຶກສາອົບຮົບໃຫ້ພໍ່ແມ່ປະຊາຊົນ ໃຫ້ຮັບຮູ້ ແລະ ເຂົ້າໃຈຕໍ່ລະບຽບ ກົດໝາຍພັນທະປ້ອງກັນຊາດ ເພື່ອເຮັດໃຫ້ທຸກຄົນມີສ່ວນຮ່ວມ ເຂົ້າໃນການປະຕິບັດພັນທະຕໍ່ປະເທດຊາດ.   ສໍາລັບຢູ່ທະຫານແຂວງອັດ ຕະປືກໍໄດ້ຈັດກອງປະຊຸມສະ ຫຼຸບຕີລາຄາຄືນການເຄື່ອນໄຫວ ປະຕິບັດຂອງວຽກງານລະດົມ ພົນປະຈຳສົກປີ 2017-2018  ໃນວັນທີ 10 ກັນຍາ 2018 ນີ້, ພາຍໃຕ້ການເປັນປະທານຂອງ ທ່ານ ພົນຈັດຕະວາ ກັນໄຍ ໄຊ ຍະສິດ ຄະປະຈຳພັກແຂວງ ເລ ຂາຄະນະພັກ ຫົວໜ້າການທະ ຫານກອງບັນຊາການທະຫານ ແຂວງອັດຕະປື, ມີຄະນະຫ້ອງ 5 ຫ້ອງຂອງກອງບັນຊາການ, ເຈົ້າເມືອງ 5 ຕົວເມືອງ, ຄະນະ  ກອງ ບັນຊາການ ທະຫານເມືອງ,  ກອງພັນນ້ອຍ, ກອງຮ້ອຍ ແລະ ພາກສ່ວນທີ່ກ່ຽວຂ້ອງເຂົ້າ ຮ່ວມ.    ໃນວາລະດຳເນີນກອງປະຊຸມ ໄດ້ຜ່ານຄຳສັ່ງຂອງກົມໃຫ່ຍເສ ນາທິການເລກທີ 1958 ແລະ  ແຈ້ງການຂອງກົມກຳລັງພົນ- ກົມໃຫຍ່ເສນາທິການສະບັບ ເລກທີ 2841 ລົງວັນທີ 2/8/ 2018 ເລື່ອງການກວດກາຄັດ ເລືອກທະຫານໃໝ່ປະຈຳປີ 2018-2019. ຄຳສັ່ງແນະນຳ ຂອງປະທານ ປກຊ-ປກສ ເລກ ທີ 179 ລົງວັນທີ 5/9/2018, ກ່ຽວກັບການລະດົມພົນປະຈຳ ສົກປີ 2018-2019 ແລະ ໄດ້ ສະຫຼຸບຕີລາຄາຄືນບັນຫາທີ່ຕັ້ງ ໜ້າ ແລະ ຍັງຄົງຄ້າງໃນສົກປີ ທີ່ຜ່ານມາໃນການລະດົມພົນ ເຂົ້າຮັບໃຊ້ກອງທັບຕາມໂຄງປະ ກອບ ແລະ ຕົວເລກເປົ້າໝາຍອາ ຊີບ ແລະ ພັນທະປ້ອງກັນຊາດ  ເພື່ອປະກອບໃຫ້ກຳລັງຫຼວງ, ກຳລັງທ້ອງຖິ່ນຕາມແຜນການ ກົມລະດົມພົນໄດ້ກຳນົດໄວ້, ມີ ຄຸນະພາບດີ, ດັ່ງນັ້ນໃນສົກປີ 2018-2019 ນີ້. ຄະນະພັກ-  ຄະນະບັນຊາແຕ່ລະຂັ້ນໄດ້ຊີ້ນຳ ຢ່າງໃກ້ຊິດຕໍ່ວິຊາສະເພາະໃນ ການລົງເຜີຍແຜ່ກົດໝາຍ ແລະ ການປະຕິບັດກົດໝາຍພັນປ້ອງ ກັນຊາດສູ່ອຳນາດການປົກຄອງ ຮາກຖານເພື່ອໃຫ້ພໍ່ແມ່ປະຊາ ຊົນ, ຊາວໜຸ່ມ-ໄວໜຸ່ມຜູ້ທີ່ມີ ເງື່ອນໄຂມາດຖານຄົບຖ້ວນໃນ ເກນອາຍຸ 18-25 ປີ, ຮັບຮູ້ເຂົ້າ ໃຈເພື່ອກຽມພ້ອມຮັບໃຊ້ຊາດ.   

   ໂດຍ: ໄຊຍາສັກ

ຂ່າວມື້ນີ້

ຂ່າວເດັ່ນ