Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 121  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ມອບ-ຮັບແຜນທີ່ຈຳລອງບັ້ນຮົບປ້ອງກັນທົ່ງໄຫຫີນຊຽງຂວາງ

ມອບ-ຮັບແຜນທີ່ຈຳລອງບັ້ນຮົບປ້ອງກັນທົ່ງໄຫຫີນຊຽງຂວາງຫໍພິພິທະພັນປະຫວັດສາດ ກອງທັບປະຊາຊົນລາວ ໄດ້ຈັດ ພິທີມອບ-ຮັບແຜນທີ່ຈຳລອງບັ້ນ ຮົບປ້ອງກັນທົ່ງໄຫຫີນຊຽງ ຂວາງ ໃນວັນທີ 12 ກັນຍາ 2018 ນີ້, ໂດຍການເຂົ້າຮ່ວມ ຂອງສະຫາຍ ພັນເອກ ອິນກອງ ວຽງດາວົງ ຫົວຫນ້າຫ້ອງການ ກົມໃຫຍ່ການເມືອງກອງທັບ, ສະ ຫາຍ ພັນເອກ ພິເສດ ຟໍ້ຈຽວ ເກື່ອງ ຮອງທູດທະຫານ ສສ ຫວຽດນາມ ປະຈຳລາວ ພ້ອມ ດ້ວຍຄະນະທັງສອງຝ່າຍເຂົ້າ ຮ່ວມ.    ສະຫາຍ ພັນໂທ ຈະເລີນສຸຸກ ວັງເວີນໂຂງ ຫົວຫນ້າອຳນວຍ ການຫໍພິພິທະພັນປະຫວັດສາດກອງທັບ

ໄດ້ລາຍງານໃຫ້ຮູ້ວ່າ: ຈຳລອງແຜນທີ່ບັ້ນຮົບປ້ອງກັນ ທົ່ງໄຫຫີນຊຽງຂວາງ ໄດ້ເປີດ ນຳໃຊ້ມາແຕ່ປີ 2008 ໂດຍການ ຊ່ວຍເຫຼືອຂອງຫໍພິພິທະພັນປະ ຫວັດສາດການທະຫານກອງທັບ ປະຊາຊົນຫວຽດນາມ ແຕ່ເນື່ອງ ຈາກສະພາບຊຸດໂສມ ເປ່ເພຂອງ ອຸປະກອນຕ່າງໆທີ່ຖືກຕິດຕັ້ງຈົນ ບໍ່ສາມາດນຳໃຊ້ໄດ້ ດັ່ງນັ້ນໂອ ກາດຄະນະຜູ້ແທນຫໍພິພິທະພັນ ປະຫວັດສາດການທະຫານກອງ ທັບປະຊາຊົນຫວຽດນາມມາ ຢ້ຽມຢາມພົບປະ ແລະ ເຮັດວຽກ ຢູ່ຫໍພິພິທະພັນປະຫວັດສາດກອງ ທັບປະຊາຊົນລາວໃນປີ 2017 ຈຶ່ງໄດ້ສະເຫນີຜ່ານກົມໃຫຍ່ ການເມືອງກອງທັບເພື່ອຂໍການ ຊ່ວຍເຫຼືອໃນການບູລະນະ-ສ້ອມ ແປງຄືນໃຫມ່ ຈາກວິຊາການຫໍ ພິພິທະພັນປະຫວັດສາດການທະ ຫານກອງທັບປະຊາຊົນຫວຽດ ນາມ ໃນວັນທີ 20 ສິງຫາ 2018 ນີ້, ຄະນະວິຊາການ 4 ສະຫາຍ ຈາກຂະແຫນງການ ກ່ຽວຂ້ອງຂອງກອງທັບປະຊາ ຊົນຫວຽດນາມຈຶ່ງໄດ້ເດີນທາງ ມາເພື່ອບູລະນະ-ສ້ອມແປງຄືນ ໃຫມ່ ໂດຍໃຊ້ເວລາ 25 ວັນ ເຊິ່ງ ເປັນໄລຍະທີ່ສັ້ນທີ່ສຸດແຕ່ດ້ວຍ ຄວາມຮັບຜິດຊອບສູງ ແລະ ຄວາມຊຳນິຊຳນານຂອງວິຊາ ການດ້ານແຜນທີ່ປະຫວັດສາດ ຈຶ່ງສາມາດເຮັດສຳເລັດຫນ້າທີ່ ທີ່ກຳນົດໄວ້ ໂອກາດດັ່ງກ່າວອຳ ນວຍການຫໍພິພິທະພັນປະຫວັດ ສາດກອງທັບຕາງຫນ້າໃຫ້ຄະ ນະຮັບຜິດຊອບກໍຄືພະນັກງານ- ນັກຮົບຫໍພິພິທະພັນປະຫວັດສາດ ກອງທັບກ່າວຮັບໂຄງການບູລະ ນະ-ສ້ອມແປງຈຳລອງແຜນທີ່ ບັ້ນຮົບປ້ອງກັນທົ່ງໄຫຫີນຊຽງ ຂວາງ ໂດຍແມ່ນວິຊາການຈາກ ຫໍພິພິທະພັນປະຫວັດສາດການ ທະຫານກອງທັບປະຊາຊົນ ຫວຽດນາມໃຫ້ການຊ່ວຍເຫຼືອ ທັງນີ້ກໍເພື່ອເປັນການຈັດຕັ້ງປະ ຕິບັດອະນຸສັນຍາຮ່ວມມືຊ່ວຍ ເຫຼືອເຊິ່ງກັນ ແລະ ກັນ ແບບ ອ້າຍນ້ອງ ເປັນການປະກອບ ສ່ວນເສີມຂະຫຍາຍສາຍພົວພັນ ມິດຕະພາບ, ຄວາມສາມັກຄີ ແບບພິເສດ ແລະ ການຮ່ວມມື ຮອບດ້ານລະຫວ່າງສອງຊາດ, ສອງກອງທັບ ກໍຄືສອງຫໍພິພິທະ ພັນປະຫວັດສາດການທະຫານ ໄດ້ຮັບການຮ່ວມມືຢ່າງກວ້າງ ຂວາງ ແລະ ດີຂຶ້ນຢ່າງບໍ່ຢຸດຢັ້ງ.    ຕາງຫນ້າໃຫ້ຫໍພິພິທະພັນປະ ຫວັດສາດການທະຫານຫວຽດ ນາມມອບໂດຍ ສະຫາຍ ພັນໂທ ບຸຍແຖງຕຸງ ວິຊາການຫໍພິພິທະ ພັນປະຫວັດສາດການທະຫານ ກອງທັບປະຊາຊົນຫວຽດນາມ ຕາງຫນ້າໃຫ້ຫໍພິພິທະພັນປະ ຫວັດສາດກອງທັບປະຊາຊົນ ລາວ ຮັບໂດຍ ສະຫາຍ ພັນໂທ ຈະເລີນສຸກ ວັງເວີນໂຂງ ອຳ ນວຍການຫໍພິພິທະພັນປະຫວັດ ສາດກອງທັບ ໂດຍຊ້ອງຫນ້າ ພະນັກງານທີ່ກ່ຽວຂ້ອງທັງສອງ ຝ່າຍເຂົ້າຮ່ວມ.

ຂ່າວມື້ນີ້

ຂ່າວເດັ່ນ