Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 271  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຄະນະສູນບັນຊາພາກສະໜາມ ລົງກວດກາສະພາບພື້ນທີ່ບ້ານຫີນລາດ

      ໃນຕອນເຊົ້າ ມື້ນີ້ວັນທີ 9 ສິງຫາ 2018ນີ້, ທ່ານ ພົນຈັດຕະວາ ຄຳເພັດ ສີຊານົນ ຮອງຫົວໜ້າກົມໃຫຍ່ພະລາທິການກອງທັບ ຄະນະຮັບຜິດຊອບຊີ້ນຳກອບກູ້ໄພພິບັດທາງທໍາມະຊາດພາກສະໜາມຢູ່ແຂວງອັດຕະປື   ພ້ອມຄະນະຊີ້ນໍາກອງພົນທີ 5 ໄດ້ລົງເຄື່ອນໄຫວກວດສະພາບພື້ນທີ່ຂອງບ້ານຫີນລາດ ແລະ ຊຸກຍູ້ພາລະກິດການຄົ້ນຫາຜູ້ຫາຍສາບສູນຢູ່ບ້ານດັ່ງກ່າວ ເຊິ່ງເປັນໜຶ່ງໃນບ້ານທີ່ໄດ້ຮັບຜົນກະທົບຢ່າງໜັກໜ່ວງຈາກອຸບັດຕິເຫດຄູກັນນໍ້າເຂື່ອນເຊປຽນ-ເຊນໍ້ານ້ອຍແຕກເມື່ອວັນທີ 23 ກໍລະກົດ 2018 ທີ່ຜ່ານມາ.


       ໂອກາດນີ້, ທ່ານ ພົນຈັດຕະວາ ຄໍາເພັດ ສີຊານົນ ໄດ້ຊີ້ນໍາ ແລະ ໃຫ້ກໍາລັງໃຈຕໍ່ອ້າຍນ້ອງທີ່ກໍາລັງປະຕິບັດພາລະກິດຊອກຄົ້ນຫາຜູ້ສູນຫາຍຈາກໄພພິບັດນໍ້າຖ້ວມໃນຄັ້ງນີ້, ເຊິ່ງນັບແຕ່ມື້ເກີດເຫດເປັນຕົ້ນມາ,  ຄະນະບັນຊາພາກສະໜາມໄດ້ສົ່ງກຳລັງກອງພົນທີ 5 ມາຄົ້ນຫາຢູ່ເຂດບ້ານ ຫີນລາດ ເປັນຄັ້ງທີ່ 4 ແລ້ວ ເຫັນວ່າບໍ່ພົບຜູ້ສູນຫາຍ. ສະນັ້ນ ແຜນການຕໍ່ໜ້າຈະໄດ້ມອບພື້ນທີ່ບ້ານຫີນລາດໃຫ້ອຳ ນາດການປົກທ້ອງຖິ່ນນໍາເອົາປະຊາຊົນເຂົ້າມາ, ສ່ວນອ້າຍນ້ອງທະຫານຈະໄດ້ສືບຕໍ່ຂະຫຍາຍການຄົ້ນຫາໃຫ້ກ້ວາງອອກຕື່ມອີກ.

      ທ່ານ ຮອງຫົວໜ້າກົມໃຫຍ່ພະລາທິການກອງທັບຍັງໃຫ້ຮູ້ຕື່ມວ່າ:  ກໍາລັງກອບກູ້ໄພພິບັດກະຊວງປ້ອງກັນປະເທດຂອງພວກເຮົາ ມີໜ້າທີ່ຫຼັກແມ່ນຊອກຄົ້ນຫາຜູ້ສູນຫາຍ ແລະ ຜູ້ເສຍຊີວິດ ເຊິ່ງໄດ້ນຳໃຊ້ກຳລັງຊອກຄົ້ນແມ່ນໄປຕາມແລວນ້ຳເຊປຽນ-ເຊນ້ຳນ້ອຍ ໃນນີ້ກຳລັງຫຼັກໃນການຊອກຄົ້ນແມ່ນມາຈາກກອງພົນທີ 5 ແລະ ກອງບັນຊາການທະຫານແຂວງອັດຕະປື.  

ໂດຍ: ອາຫວຸ້ນ

ຂ່າວມື້ນີ້

ຂ່າວເດັ່ນ