Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 275  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງປະຊຸມວ່າດ້ວຍວຽກງານຊາຍແດນແຫ່ງຊາດ

ກອງປະຊຸມວ່າດ້ວຍວຽກງານຊາຍແດນແຫ່ງຊາດໃນວັນທີ 8 ສິງຫາ 2018 ທີ່ສູນການຮ່ວມມືສາກົນ ແລະ ການເຝິກອົບຮົມ (ICTC), ນະ ຄອນຫຼວງວຽງຈັນ, ກະຊວງ ການຕ່າງປະເທດໄດ້ຈັດກອງປະ ຊຸມວຽກງານຊາຍແດນແຫ່ງ ຊາດ, ໂດຍພາຍໃຕ້ການເປັນປະ ທານຂອງທ່ານ ສະເຫຼີມໄຊ ກົມ ມະສິດ, ລັດຖະມົນຕີກະຊວງ ການຕ່າງປະເທດ, ຮອງປະທານ ແລະ ຜູ້ປະຈຳການຄະນະກຳມາ ທິການຊາຍແດນແຫ່ງຊາດ, ມີ ບັນດາທ່ານລັດຖະມົນຕີ ແລະ ຮອງລັດຖະມົນຕີກະຊວງຕ່າງບັນດາທ່ານເຈົ້າແຂວງ, ປະທານ ແລະ ຮອງປະທານຄະນະກຳມາ ທິການຂອງສະພາ

ແຫ່ງຊາດ, ຮອງເຈົ້າຄອງນະຄອນຫຼວງ ວຽງຈັນ ແລະ ຮອງເຈົ້າແຂວງ ຕ່າງໆ, ຕາງໜ້າອົງການຈັດຕັ້ງ ຕ່າງໆທີ່ກ່ຽວຂ້ອງຂອງພັກ ແລະ ລັດ, ອົງການຈັດຕັ້ງມະຫາ ຊົນ, ສະຖາບັນຄົ້ນຄວ້າ ແລະ ການສຶກສາ ພ້ອມດ້ວຍພະນັກ ງານອາວຸໂສບຳນານ,     ພະນັກງານຈາກສູນກາງ ແລະ ທ້ອງ ຖິ່ນເຂົ້າຮ່ວມລວມທັງໝົດ 450 ກວ່າຄົນ.    ໃນກອງປະຊຸມຄັ້ງນີ້, ທ່ານ ແສງເພັດ ຮຸ່ງບຸນຍວງ, ຮອງລັດ ຖະມົນຕີກະຊວງການຕ່າງປະ ເທດໄດ້ຕາງໜ້າກະຊວງການ ຕ່າງປະເທດຂຶ້ນລາຍງານ ແລະ ສັງເກດຕີລາຄາການຈັດຕັ້ງປະ ຕິບັດວຽກງານຊາຍແດນລະ ຫວ່າງ ສປປ ລາວ ກັບບັນດາປະ ເທດໃກ້ຄຽງໃນໄລຍະຜ່ານມາ, ໂດຍສະເພາະວຽກງານການຄຸ້ມ ຄອງຊາຍແດນ, ຫຼັກໝາຍຊາຍ ແດນ ແລະ ການຄຸ້ມຄອງບັນດາ ດ່ານ, ເຊິ່ງໄດ້ຍົກໃຫ້ເຫັນຜົນສຳ ເລັດ ແລະ ບັນດາປາກົດການຫຍໍ້ ທໍ້ຕ່າງໆທີ່ເກີດຂຶ້ນຕາມບໍລິເວນ ຊາຍແດນ, ພ້ອມທັງໄດ້ສະເໜີ ທິດທາງໃນການແກ້ໄຂ ແລະ ມາດຕາການຈັດຕັ້ງປະຕິບັດໃນ ຕໍ່ໜ້າ, ໃນນັ້ນ, ທ່ານໄດ້ກ່າວ ບາງຕອນວ່າ: ຕະຫຼອດໄລຍະ 40 ກວ່າປີທີ່ຜ່ານມາ, ບົດພື້ນ ຖານແນວທາງການຕ່າງປະ ເທດຂອງພັກ ແລະ ລັດຖະບານ ທີ່ໄດ້ວາງອອກຢ່າງຖືກຕ້ອງ ແລະ ສອດຄ່ອງແຕ່ລະໄລຍະ, ຍາມໃດລັດຖະບານກໍໄດ້ຖືເອົາ ວຽກງານຊາຍແດນແຫ່ງຊາດ ເປັນວຽກງານໜຶ່ງທີ່ສຳຄັນ ໃນ ການປົກປັກຮັກສາເອກະລາດ, ອຳນາດອະທິປະໄຕ ແລະ ຜືນ ແຜ່ນດິນອັບຄົບຖ້ວນຂອງຊາດ ໃຫ້ໝັ້ນຄົງ ເພື່ອເປັນພື້ນຖານໃຫ້ ແກ່ການປົກປັກຮັກສາສະຖຽນ ລະພາບທາງດ້ານການເມືອງ, ການພັດທະນາເສດຖະກິດ-ສັງ ຄົມ ແລະ ສ້າງຄວາມໄວ້ເນື້ອ ເຊື່ອໃຈເຊິ່ງກັນ ແລະ ກັນກັບປະ ເທດອ້ອມຂ້າງ ແນໃສ່ເສີມຂະ ຫຍາຍການພົວພັນຮ່ວມມືໃນຂົງ ເຂດພາກພື້ນ ແລະ ສາກົນ, ໂດຍ ໄດ້ກຳນົດຊາຍແດນກັບບັນດາ ປະເທດໃກ້ຄຽງໃຫ້ມີຄວາມຈະ ແຈ້ງຊັດເຈນ, ຫຼີກເວັ້ນບໍ່ໃຫ້ມີ ບັນຫາຂັດແຍ່ງທີ່ເກີດຂຶ້ນ ແລະ ອາດຈະນຳໄປເຖິງການປະທະ ກັນດ້ວຍກຳລັງຍ້ອນບັນຫາຊາຍ ແດນ. ມາຮອດປັດຈຸບັນ, ການ ຈັດຕັ້ງປະຕິບັດວຽກງານຊາຍ ແດນແຫ່ງຊາດໄດ້ປະສົບຜົນສຳ ເລັດຫຼາຍຢ່າງທີ່ເປັນໜ້າເພິ່ງພໍ ໃຈ, ໂດຍໄດ້ສຳເລັດການສຳ ຫຼວດ ແລະ ປັກຫຼັກໝາຍຊາຍ ແດນກັບສາມປະເທດແລ້ວຄື: ສາທາລະນະລັດສັງຄົມນິຍົມ ຫວຽດນາມ, ສາທາລະນະລັດ ປະຊາຊົນຈີນ ແລະ ສາທາລະນະ ລັດສະຫະພາບມຽນມາ ແລະ ກຳລັງສືບຕໍ່ດຳເນີນການສຳ ຫຼວດ ແລະ ປັກຫຼັກໝາຍກັບຣາ ຊະອານາຈັກໄທ ແລະ ຣາຊະອາ ນາຈັກກຳປູເຈຍ. ຜົນສຳເລັດດັ່ງ ກ່າວນັ້ນແມ່ນໝາກຜົນຂອງ ການປະຕິບັດໜ້າທີ່ຢ່າງຕັ້ງໜ້າ ແລະ ດ້ວຍຄວາມເປັນເຈົ້າການ ຂອງພວກເຮົາ, ດ້ວຍການປະ ສານສົມທົບລະຫວ່າງຂະແໜງ ການຕ່າງໆທີ່ກ່ຽວຂ້ອງຢູ່ສູນ ກາງ ແລະ ທ້ອງຖິ່ນຢ່າງແໜ້ນ ແຟ້ນ, ໂດຍພາຍໃຕ້ການຊີ້ນຳ ຢ່າງໃກ້ຊິດ ແລະ ໂດຍກົງຂອງ ພັກ ແລະ ລັດຖະບານເຮົາ.    ແຕ່ເຖິງຢ່າງໃດກໍຕາມ, ຄຽງ ຄູກັບຜົນສຳເລັດດັ່ງກ່າວ, ໃນ ການຄຸ້ມຄອງຫຼັກໝາຍຊາຍ ແດນ ແລະ ການຄຸ້ມຄອງຊາຍ ແດນພວກເຮົາຍັງພະເຊີນກັບສິ່ງ ທ້າຍທາຍ ແລະ ປາກົດການຫຍໍ້ ທໍ້ຫຼາຍຢ່າງທີ່ເກີດຂຶ້ນຢູ່ຕາມບໍລິເວນຊາຍແດນທີ່ພວກເຮົາທັງ ໝົດຢູ່ສູນກາງ ແລະ ທ້ອງຖິ່ນ ຈະຕ້ອງໄດ້ເພີ່ມທະວີການຮ່ວມ ມື ແລະ ມີຄວາມເປັນເອກະພາບ ກັນສຸມໃສ່ແກ້ໄຂຮ່ວມກັນ ເປັນ ຕົ້ນແມ່ນການລັກລອບຂຸດຄົ້ນ ຊັບພະຍາກອນທຳມະຊາດ (ປ່າ ໄມ້, ແຮ່ທາດ,​ ຫີນ, ຊາຍ ແລະ ສັດປ່າຫວງຫ້າມຕ່າງໆ), ການ ຄ້າຂາຍເຖື່ອນ, ຄ້າຢາເສບຕິດ, ຄ້າມະນຸດ, ບັນຫາຕະຝັ່ງເຈື່ອນ, ການບຸກເບີກເສັ້ນທາງທີ່ເຕັງ ເສັ້ນຊາຍແດນ, ໃກ້ເສັ້ນຊາຍ ແດນ ແລະ ເລິກເຂົ້າໃນດິນຂອງ ກັນ ແລະ ກັນ, ການປູກຝັງ ແລະ ລ້ຽງສັດຂ້າມຊາຍແດນ, ການ ຍົກຍ້າຍຕັ້ງພູມລຳເນົາຂ້າມ ຊາຍແດນຕາມລຳພັງໃຈ ແລະ ບັນຫາອື່ນໆ, ບັນຫາທັງໝົດເຫຼົ່າ ນີ້, ຖ້າພວກເຮົາບໍ່ເອົາໃຈໃສ່ແກ້ ໄຂປາກົດການຫຍໍ້ທໍ້ເຫຼົານີ້ຈະ ແຕະຕ້ອງເຖິງອະທິປະໄຕ ແລະ ຄວາມໝັ້ນຄົງຂອງພວກເຮົາ, ຫຼັກຈາກນັ້ນຜູ້ເຂົ້າຮ່ວມຍັງໄດ້ ປະກອບຄຳເຫັັນຕໍ່ບົດລາຍງານ ດັ່ງກ່າວ ໂດຍໄດ້ລົງເລິກຄຳ ຖາມເຈາະຈີ້ມຂອງທ່ານປະ ທານກ່ຽວກັບທິດທາງໃນການ ແກ້ໄຂ ແລະ ມາດຕາການທີ່ ຕ້ອງໄດ້ປະຕິບັດໃນຕໍ່ໜ້າຮ່ວມ ກັນ ເພື່ອຊອກຫາຊ່ອງທາງໃນ ການແກ້ໄຂບັນຫາສິ່ງທ້າທາຍ ແລະ ປາກົດການຫຍໍ້ທໍ້ຕ່າງໆໃຫ້ ມີປະສິດທິຜົນ.     ພ້ອມດຽວກັນ, ໃນກອງປະ ຊຸມຄັ້ງນີ້, ທ່ານນາຍົກລັດຖະມົນ ຕີຍັງໄດ້ໃຫ້ກຽດມາເຂົ້າຮ່ວມ ໂອ້ລົມ ແລະ ໃຫ້ທິດຊີ້ນຳຕໍ່ທີ່ປະ ຊຸມ, ເຊິ່ງກ່ອນອື່ນໝົດທ່ານໄດ້ ສະແດງຄວາມຊົມເຊີຍຕໍ່ຜົນສຳ ເລັດທີ່ພວກເຮົາຍາດມາໄດ້ມາ ຮອດປັດຈຸບັນ ແລະ ໄດ້ເນັ້ນໜັກ ໃຫ້ທຸກຂະແໜງການຈົ່ງສືບຕໍ່ ຮັກສາມູນເຊື້ອຄວາມສາມັກຄີ ກັນ ແລະ ສືບຕໍ່ຍຶດໝັ້ນແນວທາງ ການຕ່າງປະເທດ ສັນຕິພາບ, ເອກະລາດ, ມິດຕະພາບ ແລະ ການຮ່ວມມືຢ່າງສະເໝີຕົ້ນສະ ເໝີປາຍ, ໂດຍນຳເອົາແນວທາງ ດັ່ງກ່າວເປັນທິດໃນການຈັດຕັ້ງ ປະຕິບັດການສຳຫຼວດ ແລະ ປັກ ຫຼັກໝາຍຊາຍແດນແນໃສ່ແກ້ ໄຂຈຸດຄົງຄ້າງກັບປະເທດໃກ້ ຄຽງນັ້ນໃຫ້ສຳເລັດພ້ອມດຽວ ກັນນັ້ນ, ທ່ານຍັງຊີ້ນຳໃຫ້ທຸກ ພາກສ່ວນທີ່ກ່ຽວຂ້ອງພ້ອມກັນ ເອົາໃຈໃສ່ຢ່າງຕັ້ງໜ້າ ແລະ ດ້ວຍຄວາມຮັບຜິດຊອບສູງ ໃນການແກ້ໄຂທຸກປາກົດການ ຫຍໍ້ທໍ້ທີ່ເກີດຂຶ້ນຕາມຊາຍແດນ ຂອງພວກເຮົາໃຫ້ຫຼຸດລົງເທື່ອ ລະກ້າວ, ເອົາໃຈໃສ່ຕິດຕາມ, ກວດກາຕາມບໍລິເວນຊາຍແດນ ແລະ ຫຼັກໝາຍຊາຍແດນຢ່າງ ເປັນປົກກະຕິ ເພື່ອເກັບກຳການ ເຄື່ອນໄຫວທີ່ຜິດກົດໝາຍ ແລະ ຮູ້ໄດ້ຢ່າງທັນການ, ສຸດທ້າຍ ທ່ານຍັງໄດ້ຊີ້ນຳໃຫ້ບັນດາຜູ້ ແທນທີ່ເຂົ້າຮ່ວມກອງປະຊຸມຈົ່ງ ພ້ອມກັນນຳເອົາຜົນຂອງກອງ ປະຊຸມໃນຄັ້ງນີ້ໄປຈັດຕັ້ງຜັນຂະ ຫຍາຍຕາມພາລະບົດບາດ ແລະ ໜ້າທີ່ຂອງຕົນໃຫ້ແຕກດອກ ອອກຜົນ ແລະ ເປັນຮູບປະທຳ, ໂດຍມີການວາງແຜນຍຸດທະ ສາດໄລຍະສັ້ນ ແລະ ໄລຍະຍາວ ຢ່າງເປັນລະບົບເພື່ອສືບຕໍ່ປົກປັກຮັກສາອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງ ປະເທດຊາດໃຫ້ໝັ້ນຄົງ ແນໃສ່ ເຮັດໃຫ້ຊາຍແດນລະຫວ່າງສປປ ລາວກັບບັນດາປະເທດ ໃກ້ຄຽງເປັນຊາຍແດນແຫ່ງສັນ ຕິພາບ, ມິດຕະພາບ ແລະ ການ ຮ່ວມມືພັດທະນາທີ່ຍືນຍົງ.

ຂ່າວມື້ນີ້

ຂ່າວເດັ່ນ