Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 227  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງປະຊຸມສຳມະນາກ່ຽວກັບຊົນເຜົ່າບຣູ

ກອງປະຊຸມສໍາມະນາເປີດ ກວ້າງປະກອບຄໍາຄິດຄໍາເຫັນ ກ່ຽວກັບຊົນເຜົ່າ ບຣູ ໄດ້ຈັດຂຶ້ນ ໃນວັນທີ 9 ສິງຫາ 2018 ທີ່ສູນ ກາງແນວລາວສ້າງຊາດ ພາຍ ໃຕ້ການເປັນປະທານຂອງ  ທ່ານ ແສງນວນ ໄຊຍະລາດ ຮອງປະ ທານສະພາແຫ່ງຊາດ, ມີບັນດາ ທ່ານຄະນະປະຈຳ, ກໍາມາທິ ການ, ຫົວໜ້າກົມ, ຮອງກົມ, ພະ ນັກງານອາວຸໂສບໍານານ ແລະ ນັກວິຊາການດ້ານຊົນເຜົ່າເຂົ້າ ຮ່ວມ.    ໃນກອງປະຊຸມຄະນະຮັບ ຜິດຊອບຈາກ 4 ພາກສ່ວນ ຄື: ກໍາມາທິການບັນດາເຜົ່າສະພາ ແຫ່ງຊາດ, ສູນກາງແນວລາວ ສ້າງຊາດ, ກະຊວງພາຍໃນ ແລະ ສະຖາບັນວິທະຍາສາດ-ສັງຄົມ ແຫ່ງຊາດ ໄດ້

ພ້ອມກັນຄົ້ນຄວ້າ ແລະ ປະກອບຄຳຄິດຄຳເຫັນ ກ່ຽວກັບຊື່ເອີ້ນຊົນເຜົ່າໃດໜຶ່ງ ຂອງ ສປປ ລາວ ຢ່າງມີວິທະຍາ ສາດ, ຖືກຕ້ອງຕາມຫລັກການ ຕິດພັນກັບແນວທາງນະໂຍບາຍ ທີ່ພັກ-ລັດວາງອອກ, ຖືກຕ້ອງ ກັບສະພາບຈຸດພິເສດຂອງຊົນ ເຜົ່າຢູ່ໃນລາວ, ຖືກກັບຊື່ຕົວຈິງ ທີ່ຊົນເຜົ່າເຂົາເຈົ້າມັກ ພ້ອມກັນ ນີ້ກໍເພື່ອກຳຈັດ, ແກ້ໄຂ ແລະ ກ້າວໄປເຖິງການລືບລ້າງຊື່ຊົນ ເຜົ່າທີ່ມີລັກສະນະສຽດສີ ແລະ ດູຖູກໝິ່ນປະໝາດ ແລະ ຮັບຟັງ ການສະເໜີບັນດາເອກະສານທີ່ ສຳຄັນຈາກບັນດາພາກສ່ວນທີ່ຮັບຜິດຊອບ ເປັນຕົ້ນແມ່ນຫລັກ ການຄົ້ນຄວ້າຊົນເຜົ່າວິທະຍາ, ບົດລາຍງານຜົນຂອງກອງປະ ຊຸມຊົນເຜົ່າ ບຣູ ຢູ່ແຂວງສະ ຫວັນນະເຂດ, ຜົນຂອງການຕິດ ຕາມກວດກາການປະຕິບັດມະຕິ ຕົກລົງຂອງກອງປະຊຸມສະໄໝ ສາມັນເທື່ອທີ 6 ສະພາແຫ່ງ ຊາດຊຸດທີ VI ກ່ຽວກັບການຮັບ ຮອງເອົາຊື່ເອີ້ນ ແລະ ຈຳນວນ ຊົນເຜົ່າ, ການລາຍງານ ແລະ ການຢືນຢັນກ່ຽວກັບຕົ້ນກຳ ເນີດ, ປະຫວັດຄວາມເປັນມາ ແລະ ຮີດຄອງປະເພນີທີ່ເປັນເອ ກະລັກສະເພາະຂອງຊົນເຜົ່າທີ່ມີ ຊື່ເອີ້ນວ່າ ບຣູ ແລະ ອື່ນໆ.    ຈາກຄໍາສະເໜີຂອງພະນັກ ງານບໍານານ ແລະ ປະຊາຊົນ ຈໍານວນໜຶ່ງຂອງແຂວງສະ ຫວັນນະເຂດທີ່ຢາກໄດ້ຊື່ເອີ້ນ ຊົນເຜົ່າຕົນເອງວ່າ ບຣູ ເຊິ່ງຜ່ານ ການຄົ້ນຄວ້າຄຳສະເໜີຂອງປະ ຊາຊົນນັ້ນເຫັນວ່າມີເຫດຜົນ ສະ ນັ້ນ, ໃນລະຫວ່າງວັນທີ 29-30 ພຶດສະພາ 2018  ຜ່ານມາ 4 ພາກສ່ວນດັ່ງກ່າວຈຶ່ງໄດ້ຈັດ ກອງປະຊຸມຄົ້ນຄວ້າປະກອບຄຳ ຄິດຄຳເຫັນກ່ຽວກັບຊົນເຜົ່າທີ່ມີ ຊື່ເອີ້ນວ່າ ບຣູ ຢູ່ແຂວງສະຫວັນ ນະເຂດເພື່ອເຕົ້າໂຮມຄຳຄິດຄຳ ເຫັນຂອງຜູ້ເຂົ້າຮ່ວມກອງປະ ຊຸມ ຈາກພື້ນຖານຂຶ້ນມາບວກ ກັບຄຳເຫັນຂອງຜູ້ແທນກອງປະ ຊຸມໃນຄັ້ງນີ້ເພື່ອນຳໄປຄົ້ນຄວ້າ ແລະ ສະຫລຸບລະອຽດຄົບຖ້ວນ ເພື່ອລາຍງານຕໍ່ກົມການເມືອງ ສູນກາງພັກ, ຄະນະປະຈຳສະພາ ແຫ່ງຊາດ ແລະ ລັດຖະບານໃນ ຄັ້ງຕໍ່ໄປ.

ຂ່າວມື້ນີ້

ຂ່າວເດັ່ນ