Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 274  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ທ່ານນາຍົກລັດຖະມົນຕີ ລົງຕິດຕາມສະພາບໄພພິບັດນ້ຳຖ້ວມຢູ່ ແຂວງຄຳມ່ວນ ພ້ອມມອບເງິນຊ່ວຍເຫຼືອໃນເບື້ອງຕົ້ນ 300 ລ້ານກີບ

ທ່ານນາຍົກລັດຖະມົນຕີ ລົງຕິດຕາມສະພາບໄພພິບັດນ້ຳຖ້ວມຢູ່ ແຂວງຄຳມ່ວນ ພ້ອມມອບເງິນຊ່ວຍເຫຼືອໃນເບື້ງຕົ້ນ 300 ລ້ານກີບທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະເຄື່ອນ ໄຫວລົງຕິດຕາມສະພາບນ້ຳ ຖ້ວມຢູ່ແຂວງຄຳມ່ວນ ໃນວັນ  ທີ 2 ສິງຫາ 2018 ເຊິ່ງທ່ານນາຍົກໄດ້ຮັບຟັງການລາຍງານ ກ່ຽວກັບສະພາບນ້ຳຖ້ວມຈາກ ທ່ານ ໂອໄດ ສຸດາພອນ ເຈົ້າ ແຂວງໆຄຳມ່ວນ.     ໃນທົ່ວແຂວງຄຳມ່ວນ ມີບ້ານທີ່ຖືກຜົນກະທົບນໍ້າ ຖ້ວມມີປະຊາຊົນທີ່ຖືກຜົນກະ ທົບ 20.712 ຄົນ ໃນນັ້ນມີ 34 ບ້ານທີ່ກະທົບແຮງ  ແລະ ໄດ້ຍົກຍ້າຍປະຊາຊົນໄປຢູ່ ຕາມຈຸດພັກຊົ່ວຄາວ, ມີພົນ ລະເມືອງທັງໝົດ 7.300 ຄົນ. ໃນນີ້ມີ

ເມືອງໜອງບົກ 11 ບ້ານ ມີ 88 ຄອບຄົວ, ເມືອງເຊບັ້ງໄຟ9 ບ້ານ ມີ 592 ຄອບຄົວ, ເມືອງມະຫາໄຊ 8 ບ້ານ ມີ 205 ຄອບຄົວ ແລະ ເມືອງຍົມມະ ລາດ 6 ບ້ານ, ມີ 85 ຄອບຄົວ, ມີເນື້ອທີ່ນາຖືກຖ້ວມຈຳນວນ 33.341 ເຮັກຕາ ເທົ່າກັບ 43,47% ຂອງເນື້ອທີ່ນາໃນ ທົ່ວແຂວງ. ນອກນັ້ນຍັງມີສັດ ລ້ຽງ, ໜອງປາຈຳນວນຫຼວງ ຫຼາຍໄດ້ຮັບຄວາມເສຍຫາຍ, ໂຮງຮຽນ, ສຸກສາລາ, ລະບົບ ໄຟຟ້າຢູ່ບາງຈຸດ ແລະ ເສັ້ນທາງ ຫຼາຍສາຍບໍ່ສາມາດສັນຈອນ ໄດ້, ມີເສັ້ນທາງຫຼວງແຫ່ງຊາດ 02 ເສັ້ນຄື: ທາງເລກທີ 12 ແຕ່ 3 ແຍກເມືອງຍົມມະລາດ ໄປຫາ ດ່ານສາກົນນາເພົ້າໄດ້ປິດການ ນຳໃຊ້ ແລະ ທາງເລກທີ 1E  ແຕ່ເມືອງຍົມມະລາດ ຫາເມືອງ ນາກາຍໄດ້ປິດບໍ່ໃຫ້ລົດໜັກ   ຜ່ານ.     ບໍລິສັດໄຟຟ້ານ້ຳເທີນ 2 ກໍ ໄດ້ແຈ້ງກ່ຽວກັບການຕິດຕາມ, ກວດກາທາງດ້ານເຕັກນິກລວມ ເຖິງລະບົບອື່ນໆຂອງເຂື່ອນ ແລະ ລາຍງານກ່ຽວກັບການ ຢຸດເຊົາການຜະລິດກະແສໄຟ ຟ້າເລີ່ມແຕ່ວັນທີ 24 ກໍລະກົດ ເປັນຕົ້ນມາ ເພື່ອຫຼຸດຜ່ອນການ ປ່ອຍນ້ຳລົງຕາມຄອງລະບາຍ ນ້ຳຂອງບໍລິສັດນ້ຳເທີນ 2 ໄຫຼ ລົງສົມທົບກັບແມ່ນ້ຳເຊບັ້ງໄຟ ປະຕິບັດຕາມສັນຍາສຳປະທານ ລະຫວ່າງບໍລິສັດໄຟຟ້ານໍ້າເທີນ 2 ແລະ ລັດຖະບານລາວ ທີ່ກຳ ນົດໄວ້ຄື: ໂຄງການໄຟຟ້າເທີນ 2 ຈະຕ້ອງຫລຸດອັດຕາການ ປ່ອຍນ້ຳອອກສູ່ນ້ຳເຊບັ້ງໄຟ ເມື່ອອັດຕາການໄຫລຂອງນ້ຳ ເຊບັ້ງໄຟຢູ່ເມືອງມະຫາໄຊຂຶ້ນ ຮອດເຂດເຕືອນໄພ.    ທ່ານ ທອງລຸນ ສີສຸລິດ ໄດ້ໂອ້ລົມຕໍ່ການນຳຂອງແຂວງ ເຊິ່ງທ່ານໄດ້ເນັ້ນໃຫ້ເອົາໃຈໃສ່ ສຸມກຳລັງເຈົ້າໜ້າທີ່ເຂົ້າຊ່ວຍ ເຫຼືອກອບກູ້ເອົາຊີວິດ ແລະ ຊັບ ສິນຂອງພໍ່ແມ່ປະຊາຊົນໃຫ້ທັນ ເຫດການ, ສຸມຈິດໃຈຊອກຫາ ວິທີທາງໃນການຊ່ວຍເຫຼືອກອບ ກູ້ເອົາຜົນລະປູກຂອງປະຊາຊົນ, ກະກຽມທາງດ້ານແນວພັນ ຕ່າງໆເພື່ອທົດແທນຜົນຜະລິດ ທີ່ເສຍຫາຍໄປ, ເອົາໃຈໃສ່ຕິດ ຕາມ, ກວດກາເພື່ອປ້ອງກັນ ການເກີດໂລກລະບາດຕ່າງໆທີ່ ອາດຈະເກີດຂຶ້ນພາຍຫຼັງນ້ຳຫຼຸດ ລົງ, ມີສະຕິໃນການບໍລິໂພກຂໍ້ ມູນຂ່າວສານເຊິ່ງອາດຈະມີກຸ່ມ ຄົນບໍ່ດີສວຍໃຊ້ໂອກາດທີ່ສົ່ງ ຜົນສະທ້ອນໃຫ້ແກ່ສັງຄົມ. ພ້ອມ ທັງເອົາໃຈໃສ່ກຽມຄວາມພ້ອມ ເພື່ອຮັບມືກັບພາຍຸລູກໃໝ່ທີ່ ອາດຈະເກີດຂຶ້ນໃນຕໍ່ໜ້າ ແລະ ແຜນການຟື້ນຟູຊີວິດການເປັນຢູ່ ຂອງປະຊາຊົນ. ໂອກາດດັ່ງ ກ່າວ ທ່ານນາຍົກລັດຖະມົນຕີ ຍັງໄດ້ມອບເງິນຈຳນວນ 300 ລ້ານກີບ ເພື່ອຊ່ວຍເຫຼືອບັນເທົາ ທຸກແກ່ປະຊາຊົນຜູ້ທີ່ຖືກຜົນກະ ທົບໃນທົ່ວແຂວງ ພ້ອມທັງເດີນ ທາງໄປຢ້ຽມຢາມສູນລວມຜູ້ ປະສົບໄພນ້ຳຖ້ວມ ໂພນໜອງ ເຢັນ ບ້ານເມືອງຍົມມະລາດ ຕື່ມອີກ.

ໂດຍ: ກອງຄຳ

ຂ່າວມື້ນີ້

ຂ່າວເດັ່ນ