Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 310  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຄະນະປະຈຳສະພາແຫ່ງຊາດຊີ້ແຈງຂໍ້ຂ້ອງໃຈຂອງ ສສຊ ໃນຂົງເຂດການສ້າງ ແລະ ປັບປຸງກົດໝາຍ

ຄະນະປະຈຳສະພາແຫ່ງຊາດຊີ້ແຈງຂໍ້ຂ້ອງໃຈຂອງ ສສຊ ໃນຂົງເຂດການສ້າງ ແລະ ປັບປຸງກົດໝາຍມື້ທີ 6 ຂອງການດໍາເນີນ  ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ  VIII ໃນຕອນເຊົ້າຂອງວັນທີ 12 ມິຖຸນາ 2018 ນີ້,ໂດຍການເປັນ ປະທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ. ທ່ານ ສົມພັນ ແພງຄຳມີ ຮອງ ປະທານສະພາແຫ່ງຊາດ, ຜູ້ຊີ້ນຳ ວຽກງານການສ້າງ ແລະ ປັບປຸງກົດໝາຍໄດ້ຊີ້ແຈງ ແລະ ຕອບຂໍ້ຂ້ອງໃຈຂອງບັນດາສະ ມາຊິກສະພາແຫ່ງຊາດ(ສສຊ) ກ່ຽວກັບບັນຫາແຜນການ, ຂັ້ນ ຕອນໃນການສ້າງ ແລະ ປັບປຸງກົດໝາຍ, ບັນຫາການສ້າງນິຕິ ກຳຢູ້ຂັ້ນທ້ອງຖິ່ນ, ການ

ລົງປະ ຊາມະຕິບໍ່ໄວ້ວາງໃຈການແກ້ ໄຂຄຳຮ້ອງຂໍຄວາມເປັນທຳ ແລະ ບັນຫາສຳຄັນອື່ນໆຈຳນວນ  ໜຶ່ງ.    ໃນແຜນການສ້າງ ແລະ ປັບ ປຸງກົດໝາຍໄດ້ມີການຮັບຮອງ ເອົາໃນກອງປະຊຸມຄັ້ງປະຖົມມະ ລຶກໃນຜ່ານມາລວມມີ 105 ສະ ບັບ,ໂດຍໄດ້ແຍກອອກເປັນ ແຜນໃນແຕ່ລະປີ ເຊິ່ງໃນແຜນປີ 2018 ນີ້, ກອງປະຊຸມສະໄໝສາ ມັນເທື່ອທີ 4 ຮັບຮອງເອົາ 27 ສະບັບ ແລະ ໄດ້ສະເໜີໃຫ້ພາກ ສ່ວນກ່ຽວຂ້ອງທີ່ມີສິດສ້າງ ແລະ ປັບປຸງກົດໝາຍຮີບຮ້ອນ ກວດກາຄືນວ່າກົດໝາຍທີ່ສະ ເໜີມານັ້ນຈະບໍ່ມີການປ່ຽນແປງ ຕື່ມ, ຖ້າຈຳເປັນຕ້ອງປ່ຽນໃຫ້ຮີບ ຮ້ອນປ່ຽນ ບໍ່ດັ່ງນັ້ນມັນຈະຊັກ ຊ້າ, ກ່ຽວກັບຂັ້ນຕອນໃນການ ສ້າງ ແລະ ປັບປຸງກົດໝາຍນັ້ນ  ສ່ວນຫລາຍແມ່ນພວກເຮົາປະຕິ ບັດໄດ້ ແຕ່ຖ້າເອົາກົດໝາຍມາ ເຍີງໃສ່ແທ້ນັ້ນເຫັນວ່າຫລາຍ ຂັ້ນຕອນກໍຍັງບໍ່ໄດ້ປະຕິບັດຕາມ ກົດໝາຍກຳນົດຢ່າງລະອຽດ ເນື່ອງຈາກຫລາຍເຫດຜົນ ໂດຍ ສະເພາະແມ່ນອີງໃສ່ດ້ານເວລາ ແລະ ຂັ້ນຕອນຕ່າງໆ. ສ່ວນບັນ ຫາ ຂັ້ນຕອນໃນການສະເໜີຜ່ານ ຮ່າງກົດໝາຍປັບປຸງ ຫລື ສ້າງ ໃໝ່ທີ່ມີຂໍ້ຫຍຸ້ງຍາກຂອງບາງ ກົດໝາຍຢູ່ໃນກອງປະຊຸມແຕ່ລະ ຄັ້ງແມ່ນເຫັນດີຕາມການສະເໜີ ຂອງ ສສຊ ວ່າມີເວລາໜ້ອຍໂພດ ເຊິ່ງໃນກອງປະຊຸມເທື່ອນີ້ຄະນະປະຈຳສະພາໄດ້ມີການຄົ້ນຄວ້າພິຈາລະນາຈະຂະຫຍາຍ ເວລາເພີ່ມໃນການພິຈາລະນາ ແລະ ປະກອບຄຳຄິດ ຄຳເຫັນຕໍ່ ຮ່າງກົດໝາຍທີ່ມີຄວາມຫຍຸ້ງ ຍາກ ແລະ ພົວພັນເຖິງສິດຜົນ ປະໂຫຍດຂອງປະຊາຊົນ.   ສ່ວນບັນຫາຄວາມຫຍຸ້ງຍາກ ໃນການສ້າງນິຕິກຳຢູ່ຂັ້ນທ້ອງ ຖິ່ນນັ້ນ, ໃນກົດໝາຍວ່າດ້ວຍ ການສ້າງນິຕິກຳກໍໄດ້ກຳນົດຢ່າງ ຈະແຈ້ງແຕ່ໃນເວລານັ້ນພວກ ເຮົາຍັງບໍ່ທັນມີສະພາປະຊາຊົນ ແຂວງ ແລະ ບໍ່ໄດ້ເວົ້າສະເພາະ ວມີຂັ້ນຕອນສ້າງແນວໃດ ແລະ ຜ່ານຢູ່ໃສ່ແດ່. ໃນເມື່ອກົດໝາຍ ວ່າດ້ວຍສະພາປະຊາຊົນຂັ້ນ ແຂວງໄດ້ເກີດຂຶ້ນ ແລະ ໄດ້ກຳ ນົດທາງດ້ານນິຕິກຳນີ້ ສະພາປະ ຊາຊົນຂັ້ນແຂວງພິຈາລະນາຮັບ ຮອງເອົານິຕິກຳທີ່ສຳຄັນຂອງ ທ້ອງຖິ່ນ ເຊິ່ງພວກເຮົາຍັງບໍ່ທັນ ມີບົດຮຽນໃນການສ້າງນິຕິກຳ ຈັກໜ້ອຍເລີຍ ແຕ່ພວກເຮົາກໍໄດ້ ພະຍາຍາມຄົ້ນຄວ້າ ແລະ ປະ ສານສົມທົບກັນກັບຫ້ອງວ່າການ ລັດຖະບານ, ກະຊວງຍຸຕິທຳ ແລະ ກະຊວງພາຍໃນ ສ້າງຄູ່ມື ກ່ຽວກັບສ້າງນິຕິກຳຢູ່ຂັ້ນທ້ອງ ຖິ່ນຂຶ້ນ ເພື່ອນຳໄປເຜີຍແຜ່ຢູ່ແຕ່ ລະທ້ອງຖິ່ນ ຜ່ານການປະຕິບັດ ຕົວຈິງຕ້ອງໄດ້ມີການປັບປຸງຄືນ ທາງດ້ານເນື້ອໃນ, ໂຄງຮ່າງ ໃຫ້ມີຄວາມເໝາະສົມດີຂຶ້ນກວ່າ ເກົ່າ ເພື່ອບໍ່ໃຫ້ຂັດ ແລະ ຊໍ້າ ຊ້ອນກັບກົດໝາຍທີ່ມີແລ້ວ.  ສ່ວນບັນຫາການລົງປະຊາ ມະຕິບໍ່ໄວ້ວາງໃຈນັ້ນເປັນຫຍັງ ຈຶ່ງບໍ່ລົງປະຊາມະຕິຕໍ່ບັນຫານີ້, ທ່ານຮອງປະທານສະພາແຫ່ງ ຊາດໄດ້ຊີ້ແຈງວ່າ: ໃນລັດຖະທຳ ມະນູນບາງມາດຕາໄດ້ກຳນົດ ວ່າສະມາຊິກລັດຖະບານທ່ານ ໃດທ່ານໜຶ່ງ ຫລື ທັງໝົດຄະນະ ລັດຖະບານຈະຖືກສະມາຊິກສະ ພາແຫ່ງຊາດລົງມະຕິບໍ່ໄວ້ວາງ ໃຈຫາກວ່າມີ ສສຊ ¼ ຂອງ ຈຳນວນ ສສຊ ທັງໝົດສະເໜີ ຫລື ຄະນະປະຈຳສະພາແຫ່ງ ຊາດສະເໜີ ແຕ່ເມື່ອອີງໃສ່ລັດ ຖະທຳມະນູນແລ້ວໄລຍະຜ່ານ ມາ ພວກເຮົາບໍ່ສາມາດຈັດຕັ້ງ ປະຕິບັດໄດ້ ຍ້ອນວ່າຍັງບໍ່ທັນມີ ຜູ້ສະເໜີຮອດ ¼ ເທື່ອ ແລະ ຄະນະປະຈຳສະພາແຫ່ງຊາດກໍ ຍັງ ບໍ່ ໄດ້ສະເໜີວ່າຕ້ອງລົງປະຊາ ມະຕິບໍ່ໄວ້ວາງໃຈ.  ສຳລັບບັນຫາການແກ້ໄຂຄຳ ຮ້ອງຂໍຄວາມເປັນທຳນັ້ນຜູ້ທີ່ ຈະຢື່ນຂໍຄວາມເປັນທຳນັ້ນຕ້ອງ ເບິ່ງວ່າ ພາຍຫລັງທີ່ອົງການປົກ ຄອງຂອງເມືອງ, ຂອງແຂວງ ແກ້ໄຂແລ້ວ ຕົນບໍ່ພໍໃຈພາຍໃນ ກຳນົດ 3 ເດືອນ ຕ້ອງຢື່ນ ຖ້າ ກາຍ 3 ເດືອນແລ້ວຖືວ່າມາຍື່ນກໍ ບໍ່ມີຜົນ, ໃນກໍລະນີຍື່ນແລ້ວຄະ ນະປະຈຳສະພາແຫ່ງຊາດ, ສະ ພາປະຊາຊົນຂັ້ນແຂວງຕ້ອງຄົ້ນ ຄວ້າແກ້ໄຂພາຍໃນ 45 ວັນ ເວັ້ນແຕ່ວ່າບັນຫາດັ່ງກ່າວມີ ຄວາມຫຍຸ້ງຍາກ ແລະ ພົວພັນ ເຖິງຫລາຍພາກສ່ວນ.

ຂ່າວມື້ນີ້

ຂ່າວເດັ່ນ