Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 59  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຫາຍ ພົນຕີ ແອສະໄໝ ເລືອງວັນໄຊ ຕ້ອນຮັບຄະນະຜູ້ແທນກົມໃຫຍ່ເຕັກນິກກອງທັບປະຊາຊົນຫວຽດນາມ

ສະຫາຍ ພົນຕີ ແອສະໄໝ ເລືອງວັນໄຊ ຕ້ອນຮັບຄະນະຜູ້ແທນກົມໃຫຍ່ເຕັກນິກກອງທັບປະຊາຊົນຫວຽດນາມໃນວັນທີ 14 ພຶດສະພາ2018 ນີ້, ຢູ່ທີ່ຫ້ອງຮັບແຂກກະຊວງປ້ອງກັນປະເທດ, ສະຫາຍ ພົນຕີ ແອສະໄໝ ເລືອງວັນໄຊ ຮອງລັດຖະມົນຕີກະຊວງປ້ອງ ກັນປະເທດ ໄດ້ໃຫ້ກຽດຕ້ອນຮັບ ສະຫາຍ ພົນຕີ ເລກຸຍດາມ ຫົວ ໜ້າກົມໃຫຍ່ເຕັກນິກກອງທັບປະ ຊາຊົນຫວຽດນາມ ພ້ອມດ້ວຍ ຄະນະ ເນື່ອງໃນໂອກາດເດີນ ທາງມາຢ້ຽມຢາມ ແລະ ເຮັດ ວຽກຢູ່ ສປປ ລາວ.ສະຫາຍ ພົນຕີ ແອສະໄໝ ເລືອງວັນໄຊ ໄດ້ກ່າວສະແດງ ຄວາມຕ້ອນຮັບອັບອົບອຸ່ນ ແລະ ຕີລາຄາສູງຕໍ່ການມາຢ້ຽມຢາມ ສປປ ລາວ ຂອງຄະນະຄັ້ງນີ້ເປັນການເສີມ

ຂະຫຍາຍສາຍພົວພັນ ພິເສດ ແລະ ການຮ່ວມມືຮອບ ດ້ານຂອງສອງພັກ ສອງລັດ ແລະ ປະຊາຊົນສອງຊາດ ລາວ- ຫວຽດນາມ, ເວົ້າລວມ, ເວົ້າສະ ເພາະກໍແມ່ນສອງກອງທັບປະ ຊາຊົນລາວກັບກອງທັບປະຊາ ຊົນຫວຽດນາມໃຫ້ແໜ້ນແຟ້ນ ແລະ ຈະເລີນງອກງາມ. ໂອກາດ ດຽວກັນ ທ່ານຮອງລັດຖະມົນຕີ ກະຊວງປ້ອງກັນປະເທດລາວ ໄດ້ສະແດງຄວາມຂອບໃຈຕໍ່ ການຊ່ວຍເຫຼືອຂອງກອງທັບປະ ຊາຊົນຫວຽດນາມໃນໄລຍະ ຜ່ານມາ ພ້ອມອວຍພອນໃຫ້ສະ ຫາຍຫົວໜ້າກົມໃຫຍ່ເຕັກນິກ ກອງທັບປະຊາຊົນຫວຽດນາມ ພ້ອມຄະນະ ປະສົບຜົນສຳເລັດ ໃນການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນ ຄັ້ງນີ້.
ສະຫາຍ ພົນຕີ ເລກຸຍດາມ ກໍໄດ້ສະແດງຄວາມຂອບອົກ ຂອບໃຈຕໍ່ການຕ້ອນຮັບອັນອົບ ອຸ່ນຂອງສະຫາຍຮອງລັດຖະມົນ ຕີກະຊວງປ້ອງກັນປະເທດເຮົາ ພ້ອມທັງເຊື່ອໝັ້ນວ່າສາຍພົວພັນ ມິດຕະພາບ, ຄວາມສາມັກຄີ ແບບພິເສດ ແລະ ການຮ່ວມມື ຮອບດ້ານລະຫວ່າງສອງຊາດ ສອງກອງທັບ ຫວຽດນາມ-ລາວທີ່ມີມູນເຊື້ອມາແຕ່ດົນນານແລ້ວ ນັ້ນຈະໄດ້ຮັບການຮັດແໜ້ນ ແລະ ຈະເລີນງອກງາມຍິ່ງໆຂຶ້ນ. ສະຫາຍຍັງໄດ້ໃຫ້ຄຳໝັ້ນສັນຍາ ວ່າ: ກອງທັບປະຊາຊົນຫວຽດ ນາມຈະສືບຕໍ່ໃຫ້ການຊ່ວຍເຫຼືອ ກອງທັບປະຊາຊົນລາວ ໂດຍສະ ເພາະແມ່ນການກໍ່ສ້າງຍົກລະດັບ ໃຫ້ພະນັກງານໃນຂະແໜງການ ຕ່າງໆ.

ຂ່າວມື້ນີ້

ຂ່າວເດັ່ນ