Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 125  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກົມໃຫຍ່ການເມືອງກອງທັບ ແລະ ກົມໃຫຍ່ເສນາທິການກອງທັບຈັດບາສີສູ່ຂວັນຕ້ອນຮັບປີໃໝ່ລາວ

ພິທີບາສີສູ່ຂວັນຢູ່ກົມໃຫຍ່ເສນາທິການກອງທັບເນື່ອງໃນໂອກາດສະເຫຼີມສະ ຫຼອງສົ່ງທ້າຍປີເກົ່າ ພສ 2560 ແລະ ຕ້ອນຮັບປີໃໝ່ລາວ ພສ 2561 ທີ່ຈະໝູນວຽນມາຮອດ ອີກບໍ່ພໍເທົ່າໃດວັນຂ້າງໜ້ານີ້, ກົມ ໃຫຍ່ການເມືອງກອງທັບໄດ້ຈັດ ພິທີບາສີສູ່ຂວັນອວຍພອນໄຊ ເຊິ່ງກັນ ແລະ ກັນໃນຂະນະດຽວກັນກໍເປັນການສະຫຼຸບສັງຮວມ ບາງໜ້າວຽກໃນການປະຕິບັດ ເຮັດໜ້າທີ່ວຽກງານວິຊາສະ ເພາະຕະຫຼອດຮອດການເຄື່ອນ ໄຫວດ້ານວັດທະນະທໍາ, ຮີດ ຄອງປະເພນີອັນດີງາມຂອງ ຊາດລາວທີ່ຕິດພັນກັບ

ປີໃໝ່ ລາວໃນຊຸມປີຜ່ານມາ.
ທ່ານ ພົນໂທ ວິໄລ ຫຼ້າຄໍາ ຟອງ ເລຂາທິການສູນກາງພັກ, ຮອງລັດຖະມົນຕີກະຊວງປ້ອງ ກັນປະເທດ, ຫົວໜ້າກົມໃຫຍ່ ການເມືອງກອງທັບ ໄດ້ຍົກໃຫ້ ເຫັນບາງດ້ານໃນປີຜ່ານມາວ່າ: ປີຜ່ານມາກົມໃຫຍ່ການເມືອງ ກອງທັບ ກໍຄືຫຼາຍກົມກອງ,ຫ້ອງການປິ່ນອ້ອມກະຊວງ ປ້ອງກັນປະເທດ ໄດ້ພ້ອມກັນ ຍາດແຍ່ງສ້າງຜົນງານໄດ້ດີບັນ ລຸໄດ້ຕາມຄາດໝາຍ ໃນນັ້ນມີ ຫຼາຍກົມກອງປະຕິບັດໜ້າທີ່ ການເມືອງ ແລະ ເຮັດວຽກງານ ວິຊາສະເພາະຂອງກົມກອງໄດ້ ຮັບໝາກຜົນສູງ, ແຕ່ກໍປະຕິເສດ ບໍ່ໄດ້ບາງກົມກອງຫ້ອງການກໍ ຍັງຕ້ອງໄດ້ປັບປຸງປ່ຽນແປງ ວິທີການເຮັດວຽກຢ່າງມີຈຸດ ສຸມ, ມີແບບແຜນວິທະຍາສາດ. ດັ່ງນັ້ນ, ນະໂອກາດປີໃໝ່ລາວປີ ນີ້ຂ້າພະເຈົ້າຂໍຮຽກຮ້ອງມາຍັງ ພະນັກງານ-ນັກຮົບອັນໃດທີ່ບໍ່ ດີບໍ່ສອດຄ່ອງ ແລະ ບໍ່ແທດເໝາະ ກັບສະພາບຂອງກົມກອງກໍໃຫ້ ມີການຫັນປ່ຽນໄປຕາມປີໃໝ່ ເພື່ອໃຫ້ຍາດໄດ້ຜົນງານໃໝ່ໃຫຍ່ ຫຼວງກວ່າເກົ່າ, ຂໍອວຍພອນໃຫ້ ໝົດທຸກຄົນຈົ່ງປະສົບຜົນສໍາເລັດ ໃນໜ້າທີ່ວຽກງານຕະຫຼອດໄປ.
ກ່ອນໜ້ານັ້ນ, ຫົວໜ້າກອງບັນ ນາທິການໜັງສືພິມກອງທັບໄດ້ ຕາງໜ້າໃຫ້ບັນດາພະນັກງານ-ນັກຮົບໃນທົ່ວກົມໃຫຍ່ການ ເມືອງກອງທັບກ່າວສະແດງ ຄວາມຮູ້ບຸນຄຸນຢ່າງລົ້ນເຫຼືອຕໍ່ ຄະນະພັກ-ຄະນະນໍາກົມໃຫຍ່ ການເມືອງກອງທັບທີ່ໄດ້ເອົາ ໃຈໃສ່ຊີ້ນໍາ-ນໍາພາຢ່າງໃກ້ຊິດ ຕິດແທດ, ເປັນຫ່ວງເປັນໃຍຕໍ່ ການປະຕິບັດໜ້າທີ່ການເມືອງ ຂອງແຕະລະກົມກອງຕະຫຼອດ ມາ. ພ້ອມນັ້ນ ກໍໄດ້ອວຍພອນໄຊ ອັນປະເສີດມາຍັງຫົວໜ້າກົມ ໃຫຍ່ການເມືອງກອງທັບ ພ້ອມ ດ້ວຍຄະນະຈົ່ງມີສຸຂະພາບເຂັ້ມ ແຂງ, ມີຄວາມຜາສຸກໃນຊີວິດ ສ່ວນຕົວ ແລະ ຄອບຄົວ, ສືບຕໍ່ ນໍາພາກອງທັບໃຫ້ເຕີບໃຫຍ່ເຂັ້ມ ແຂງທັນສະໄໝຂຶ້ນໄປເລື້ອຍ.
ໂອກາດດຽວກັນ, ທ່ານ ພົນຕີ ສອນທອງ ພົມລາວົງ ກໍາມະ ການຄະນະພັກກະຊວງ, ຮອງ ຫົວໜ້າກົມໃຫຍ່ການເມືອງກອງ ທັບກໍໄດ້ຕາງໜ້າໃຫ້ຄະນະພັກ ກົມໃຫຍ່ການເມືອງກອງທັບ ກ່າວຮັບຄໍາອວຍພອນໄຊອັນ ປະເສີດຈາກບັນດາກົມກອງຂະ ນະດຽວກັນ ທ່ານກໍໄດ້ຍ້ອງຍໍຊົມ ເຊີຍຕໍ່ທຸກພາກສ່ວນມີຄວາມສາ ມັກຄີ ມີຄວາມເບີກບານມ່ວນຊື່ນ ເຮັດໃຫ້ພິທີສະເຫລີມສະຫຼອງປີ ໃໝ່ປີນີ້ເຕັມໄປດ້ວຍເນື້ອໃນ ແລະ ຄວາມໝາຍເລິກເຊິ່ງ.
ພິທີບາສີສູ່ຂວັນດັ່ງກ່າວ, ໄດ້ ຈັດຂຶ້ນໃນວັນທີ 12 ເມສານີ້, ທີ່ກະຊວງປ້ອງກັນປະເທດ ໂດຍ ການໃຫ້ກຽດເຂົ້າຮ່ວມຂອງ ທ່ານ ພົນໂທ ວິໄລ ຫລ້າຄໍາຟອງ ຫົວໜ້າກົມໃຫຍ່ການເມືອງ ກອງທັບ ພ້ອມດ້ວຍຄະນະ, ມີ ບັນດາທ່ານຄະນະນໍາກະຊວງ, ຫົວໜ້າກົມ,ຫ້ອງການ,ກອງທີ່ ຂຶ້ນກັບ ພ້ອມດ້ວຍພະນັກງານ ຫຼັກແຫຼ່ງອ້ອມຂ້າງກະຊວງ ແລະ ແຂກຖືກເຊີນເຂົ້າຮ່ວມ ຢ່າງເປັນຂະບວນຟົດຟື້ນ.
ໃນວັນດຽວກັນ, ກົມໃຫຍ່ເສ ນາທິການກອງທັບກໍໄດ້ຈັດພິທີ ບາສີສູ່ຂວັນເພື່ອສົ່ງທ້າຍປີເກົ່າ ແລະ ຕ້ອນຮັບປີໃໝ່ລາວ ພສ 2561 ເຊັ່ນດຽວກັນ ໂດຍການ ເຂົ້າຮ່ວມຂອງ ທ່ານພົນໂທ ສຸ ວອນ ເລືອງບຸນມີ ກຳມະການ ສູນກາງພັກ, ຮອງລັດຖະມົນຕີ ກະຊວງປ້ອງກັນປະເທດ, ຫົວ ໜ້າກົມໃຫຍ່ເສນາທິການກອງ ທັບ ພ້ອມຄະນະນຳກົມໃຫຍ່, ມີ ບັນດາຫົວໜ້າກົມ, ຮອງກົມ, ຫ້ອງການ, ພະແນກການ ແລະ ຄະນະພັກ-ຄະນະບັນຊາກົມ ກອງຮາກຖານທີ່ຂຶ້ນກັບກົມໃຫຍ່ ເຂົ້າຮ່ວມຢ່າງຄືກຄື້ນມ່ວນຊື່ນ.
ໃນພິທີທ່ານ ພົນໂທ ສຸວອນ ເລືອງບຸນມີ ໄດ້ມີຄຳເຫັນວ່າ: ການຈັດພິທີບາສີສູ່ຂວັນເພື່ອສົ່ງ ທ້າຍປີເກົ່າ ແລະ ຕ້ອນຮັບປີໃໝ່ ລາວ ເພື່ອເປັນການສຶບທອດ ແລະ ປົກປັກຮັກສາມູນເຊື້ອວັດ ທະນະທຳອັນດີງາມຂອງຊາດ ລາວເຮົາທີ່ເຄີຍປະຕິບັດກັນມາ ແຕ່ຫຼາຍຮຸ່ນຄົນແລ້ວນັ້ນໃຫ້ຄົງ ຢູ່ຄູ່ກັບຄົນລາວຕະຫຼອດໄປ ພ້ອມດຽວກັນນັ້ນກໍເພື່ອເປັນ ການສະແດງຄວາມກະຕັນຍູຮູ້ ບຸນຄຸນ ແລະ ອວຍພອນອັນປະ ເສີດແດ່ຄະນະນຳກົມໃຫຍ່ເສນາ ທິການກອງທັບ ພ້ອມດ້ວຍພະ ນັກງານຫຼັກແຫຼ່ງ, ຕະຫຼອດຮອດ ພະນັກງານ-ນັກຮົບໃນທົ່ວ ກສນ ຈົ່ງມີສຸຂະພາບແຂງແຮງ, ມີອາ ຍຸໝັ້ນຂວັນຍືນຕະຫຼອດປີໃໝ່ປີ ພສ 2561 ນີ້, ຫຼັງຈາກນັ້ນກໍໄດ້ ບາສີສູ່ຂວັນ ແລະ ຜູກແຂນເພື່ອ ອວຍພອນເຊິ່ງກັນ ແລະ ກັນ, ພິ ເສດສະເພາະກົມໃຫຍ່ເສນາທິ ການກອງທັບຈັດພິທີສູ່ຂວັນໃນ ຄັ້ງນີ້ແມ່ນປະຕິບັດໄດ້ຄື: ບໍ່ມີ ສຽງດົນຕີ, ບໍ່ມີການດື່ມເບຍ, ບໍ່ມີການຟ້ອນລຳວົງ ແລະ ບໍ່ມີ ການຫົດນໍ້າກັນ, ມີແຕ່ປະຕິບັດ ຕາມຮີດຄອງປະເພນີທີ່ເປັນມູນ ເຊື້ອອັນດີງາມເທົ່ານັ້ນ.

ພິທີບາສີສູ່ຂວັນຢູ່ກົມໃຫຍ່ການເມືອງກອງທັບ

ຂ່າວມື້ນີ້

ຂ່າວເດັ່ນ