Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 156  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ລັດຖະມົນຕີກະຊວງການຕ່າງປະເທດເຂົ້າຮ່ວມກອງປະຊຸມກາງສະໄໝລະດັບລັດຖະມົນຕີ ຄັ້ງທີ 18 ຂອງຂະບວນການບໍ່ຮ່ວມກຸ່ມ

ລັດຖະມົນຕີກະຊວງການຕ່າງປະເທດເຂົ້າຮ່ວມກອງປະຊຸມກາງສະໄໝລະດັບລັດຖະມົນຕີ ຄັ້ງທີ 18 ຂອງຂະບວນການບໍ່ຮ່ວມກຸ່ມທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງ ປະເທດ ໄດ້ນໍາພາຄະນະຜູ້ແທນ ສປປລາວເຂົ້າຮ່ວມກອງປະຊຸມ ກາງສະໄໝລະດັບລັດຖະມົນຕີ ຄັ້ງທີ 18 ຂອງຂະບວນການບໍ່ ຮ່ວມກຸ່ມ (NAM) ທີ່ຈັດຂຶ້ນທີ່ ເມືອງບາກູ, ປະເທດ ອາແຊັກ ໄບຊານ ໃນລະຫວ່າງວັນທີ 5-6 ເມສາ 2018. ກອງປະຊຸມໃນ ຄັ້ງນີ້ຈັດຂຶ້ນໂດຍພາຍໃຕ້ການເປັນປະທານຂອງ ລັດຖະມົນຕີ ກະຊວງການຕ່າງປະເທດ ແຫ່ງ ສ ອາແຊັກໄບຊານ ໄດ້ດໍາເນີນ ພາຍໃຕ້ຫົວຂໍ້

‘ການສົ່ງເສີມສັນ ຕິພາບ ແລະ ຄວາມໝັ້ນຄົງສາ ກົນເພື່ອການພັດທະນາແບບຍືນ ຍົງ’ ເຊິ່ງມີຄະນະຜູ້ແທນຂັ້ນສູງ ຈາກ 175 ປະເທດ ເຂົ້າຮ່ວມ, ໃນນັ້ນ 120 ປະເທດແມ່ນສະມາ ຊິກຂອງຂະບວນການບໍ່ຮ່ວມ ກຸ່ມ, 17 ປະເທດສັງເກດການ ແລະ 38 ປະເທດເຂົ້າຮ່ວມໃນ ຖານະແຂກຮັບເຊີນ. ນອກຈາກ ນີ້, ຍັງມີຕົວແທນຈາກອົງການ ຈັດຕັ້ງສາກົນຈຳນວນໜຶ່ງລວມ ທັງປະທານກອງປະຊຸມສະມັດ ຊາໃຫຍ່ ສປຊ ສະໄໝທີ 72.
ໃນການປະກອບຄໍາເຫັນຂອງ ບັນດາຄະນະຜູ້ແທນສ່ວນໃຫຍ່ ໄດ້ຍົກໃຫ້ເຫັນສະພາບການສາ ກົນ ແລະ ພາກພື້ນ ທີ່ເຕັມໄປ ດ້ວຍສິ່ງທ້າທາຍຕໍ່ສັນຕິພາບ ແລະ ຄວາມໝັ້ນຄົງສາກົນ ພ້ອມທັງເປັນອຸປະສັກຕໍ່ການພັດ ທະນາ. ນອກຈາກນັ້ນຍັງໄດ້ ຢໍ້າຄືນບັນດາຫຼັກການຕົ້ນຕໍ ແລະ ເປົ້າໝາຍຂອງຂະບວນການບໍ່ ຮ່ວມກຸ່ມ ໂດຍສະເພາະຫຼັກການ ຢູ່ຮ່ວມກັນໂດຍສັນຕິ, ເຄົາລົບອໍາ ນາດອະທິປະໄຕຂອງກັນ ແລະ ກັນ ແລະ ບໍ່ແຊກແຊງເຂົ້າໃນກິດ ຈະການພາຍໃນຂອງປະເທດ ອື່ນ. ກອງປະຊຸມໄດ້ຮັບຮອງເອົາ ເອກະສານ 3 ສະບັບຄື: ເອກະ ສານຜົນກອງປະຊຸມ, ຖະແຫຼງ ການບາກູ ແລະ ຖະແຫຼງການ ວ່າດ້ວຍບັນຫາ ປາແລັດສະຕິນ.
ທ່ານລັດຖະມົນຕີກະຊວງ ການຕ່າງປະເທດ ສປປ ລາວ ໄດ້ກ່າວບົດປາໄສໃນກອງປະ ຊຸມໂດຍໄດ້ເນັ້ນເຖິງຄວາມສຳ ຄັນຂອງສັນຕິພາບ ແລະ ຄວາມ ໝັ້ນຄົງສາກົນທີ່ເປັນພື້ນຖານສໍາ ຄັນເພື່ອຮັບປະກັັນການພັດທະ ນາແບບຍືນຍົງ ແລະ ຄວາມຜາ ສຸກຂອງປະຊາຊົນໃນທົ່ວໂລກ, ພ້ອມທັງຮຽກຮ້ອງໃຫ້ບັນດາ ປະເທດສະມາຊິກຂະບວນການ ບໍ່ຮ່ວມກຸ່ມຈົ່ງເພີ້ມທະວີຮັດ ແຫນ້ນສາມັກຄີກັນ, ເຄົາລົບ ແລະ ປົກປ້ອງຫຼັກການຢູ່ຮ່ວມ ກັນໂດຍສັນຕິຂອງຂະບວນການ ບໍ່ຮ່ວມກຸ່ມ. ນອກຈາກນີ້, ທ່ານ ຍັງໄດ້ລາຍງານຄວາມຄືບໜ້າ ດ້ານການພັດທະນາ ຢູ່ ສປປ ລາວ, ໂດຍສະເພາະການຈັດຕັ້ງ ປະຕິບັດແຜນພັດທະນາເສດຖະ ກິດ-ສັງຄົມແຫ່ງຊາດ ກໍຄືການ ຈັດຕັ້ງປະຕິບັດເປົ້າໝາຍການ ພັດທະນາແບບຍືນຍົງ, ລວມເຖິງ ແຈ້ງຜົນການປະເມີນຄັ້ງທຳອິດ ຂອງອົງການ ສປຊ ກ່ຽວກັບ ການບັນລຸຕາມເງື່ອນໄຂທີ່ຈະ ສາມາດຫຼຸດພົ້ນອອກຈາກສະ ຖານະພາບປະເທດດ້ອຍພັດທະ ນາຂອງ ສປປ ລາວ ໃນໄລຍະ ບໍ່ດົນຜ່ານມານີ້.
ໃນໂອກາດເຂົ້າຮ່ວມກອງປະ ຊຸມຄັ້ງນີ້, ທ່ານ ສະເຫຼີມໄຊ ກົມ ມະສິດ ຍັງໄດ້ພົບປະສອງຝ່າຍ ກັບຄູ່ຮ່ວມຕຳແໜ່ງຈາກບັນດາ ປະເທດສະມາຊິກ ແລະ ປະເທດ ສັງເກດການຂະບວນການບໍ່ ຮ່ວມກຸ່ມຈຳນວນໜຶ່ງເຊັ່ນ: ພົບ ປະກັບຮອງນາຍົກລັດຖະມົນຕີ ແລະ ລັດຖະມົນຕີການຕ່າງປະ ເທດ ແຊັກບີ, ລັດຖະມົນຕີການ ຕ່າງປະເທດເອກົວດໍ, ລັດຖະມົນ ຕີການຕ່າງປະເທດ ເວເນຊູເອ ລາ, ລັດຖະມົນຕີການຕ່າງປະ ເທດ ຕວກກີ ແລະ ທີ່ປຶກສາຮອງ ປະທານາທິບໍດີ ອາແຊັກໄບຊານ ເພື່ອປຶກສາຫາລື ໃນການສົ່ງ ເສີມການຮ່ວມມືນຳກັນໃນຂອບ ສອງຝ່າຍ ແລະ ຫລາຍຝ່າຍ.
ຂະບວນການບໍ່ຮ່ວມກຸ່ມ (Non-AlignedMovement - NAM)ໄດ້ຮັບການສ້າງຕັ້ງຂຶ້ນ ພາຍຫຼັງສົງຄາມໂລກຄັ້ງທີ II ໂດຍບັນດາປະເທດກຳລັງພັດ ທະນາ ແລະ ດ້ອຍພັດທະນາ ເພື່ອ ປ້ອງກັນການຖືກນາບຂູ່, ຖືກກົດ ດັນ ແລະ ບີບບັງຄັບ ຂອງປະ ເທດມະຫາອຳນາດເຊິ່ງກອງປະ ຊຸມຄັ້ງທຳອິດຂອງຂະບວນ ການບໍ່ຮ່ວມກຸ່ມແມ່ນຈັດຂຶ້ນໃນ ປີ 1961 ທີ່ ແບນກຣາດ, ອະດີດ ຢູໂກສະລາວີ. ຂະບວນການບໍ່ ຮ່ວມກຸ່ມຖືກສ້າງຂຶ້ນເພື່ອເດີນ ຕາມແນວທາງທີ່ເປັນກາງບໍ່ ເຂົ້າຂ້າງຝ່າຍໃດໃນເວທີການ ເມືອງສາກົນພ້ອມທັງຍຶດຫມັ້ນ ຫຼັກການຢູ່ຮ່ວມກັນໂດຍສັນຕິ ເພື່ອສົ່ງເສີມສັນຕິພາບ ແລະ ການຮ່ວມມືສາກົນ.
ຂ່າວໃຫ້ຮູ້ຕື່ມອີກວ່າ: ກ່ອນ ໜ້ານັ້ນ ທ່ານ ທອງຜ່ານ ສະ ຫວັນເພັດ, ຮອງລັດຖະມົນຕີກະ ຊວງການຕ່າງປະເທດ ທັງເປັນ ຫົວໜ້າເຈົ້າໜ້າທີ່ອາວຸໂສອາ ຊຽນ ຂອງ ສປປ ລາວ ໄດ້ນຳພາ ຄະນະຜູ້ແທນລາວ ເຂົ້າຮ່ວມ ກອງປະຊຸມປຶກສາຫາລືອາ ຊຽນ-ສະຫະລັດອາເມຣິກາ ຄັ້ງທີ 31, ເຊິ່ງໄດ້ຈັດຂຶ້ນໃນວັນ ທີ 2-3 ເມສາ 2018 ທີ່ ເຊລັງກໍ, ມາເລເຊຍ ພາຍໃຕ້ການເປັນປະ ທານຮ່ວມຂອງ ຫົວໜ້າຫ້ອງ ການກະຊວງການຕ່າງປະເທດ ທັງເປັນເຈົ້າໜ້າທີ່ອາວຸໂສ ອາ ຊຽນ ຂອງ ມາເລເຊຍ ແລະ ທ່ານ ນາງຊູຊານ, ຮັກສາການ ຜູ້ຊ່ວຍລັດຖະມົນຕີ ທັງເປັນເຈົ້າ ໜ້າທີ່ອາວຸໂສອາຊຽນ ຂອງ ສະ ຫະລັດ ອາເມຣິກາ.
ກອງປະຊຸມ ໄດ້ທົບທວນຄືນ ຄວາມຄືບໜ້າຂອງການຮ່ວມ ມືອາຊຽນ-ສະຫະລັດ ໃນໄລຍະ ໜຶ່ງປີຜ່ານມາ ກວມເອົາຂົງເຂດ ການເມືອງ-ຄວາມໝັ້ນຄົງ, ເສດ ຖະກິດ ແລະ ວັດທະນາທຳ-ສັງ ຄົມ ລວມທັງການຈັດຕັງປະຕິ ບັດແຜນປະຕິບັດງານ ເພື່ອຜັນ ຂະຫຍາຍການເປັນຄູ່ຮ່ວມຍຸດ ທະສາດ ອາຊຽນ-ສະຫະລັດ ສໍາ ລັບປີ 2016-2020 ເປັນຕົ້ນ ໃນຂົງເຂດການຮ່ວມມືດ້ານ ເສດຖະກິດ, ການຄ້າ ແລະ ການ ລົງທຶນ, ການເຊື່ອມຈອດ, ການ ສຶກສາ, ຊາວໜຸ່ມ ແລະ ການໄປ ມາຫາສູ່ລະຫວ່າງປະຊາຊົນ ເຊິ່ງເຫັນວ່າມີຄວາມຄືບໜ້າດີ. ກອງປະຊຸມໄດ້ຕີລາຄາສູງຕໍ່ ການສະເຫຼີມສະຫຼອງຄົບຮອບ 40 ປີ ແຫ່ງການພົວພັນອາ ຊຽນ-ສະຫະລັດ ໃນປີ 2017 ທີ່ຜ່ານມາ ເຊິ່ງໄດ້ຢືນຢັນຄືນ ຄວາມໝາຍໝັ້ນທີ່ຈະສືບຕໍ່ຮັດ ແໜ້ນການຮ່ວມມືໃນທຸກຂົງເຂດ ແລະ ໄດ້ປຶກສາຫາລືກ່ຽວກັບ ທິດທາງໃນການເສີມຂະຫຍາຍ ການຮ່ວມມືໃນຕໍ່ໜ້າ. ນອກນັ້ນ, ກອງປະຊຸມຍັງໄດ້ແລກປ່ຽນຄຳ ຄິດຄຳເຫັນກ່ຽວກັບບັນຫາພາກ ພື້ນ ແລະ ສາກົນ ທີ່ມີຄວາມສົນ ໃຈຮ່ວມກັນ ແລະ ໄດ້ປຶກສາຫາ ລືກ່ຽວກັບການກະກຽມໃຫ້ແກ່ ກອງປະຊຸມລັດຖະມົນຕີຕ່າງປະ ເທດອາຊຽນ-ສະຫະລັດ ທີ່ຈະ ຈັດຂຶ້ນໃນເດືອນສິງຫາ ປີ 2018 ຢູ່ ສິງກະໂປ ນີ້.
ເນື່ອງໃນໂອກາດບຸນປີໃຫມ່ ລາວ ໃນວັນທີ 11 ເມສາ 2018, ກະຊວງການຕ່າງປະ ເທດ ໄດ້ຈັດພິທີບາສີສູ່ຂວັນສະ ເຫຼີມສະຫຼອງບຸນປີໃຫມ່ລາວຂຶ້ນ ທີ່ ສວນອາຫານພອຍໄພລິນ, ເມືອງສີໂຄດຕະບອງ, ນະຄອນ ຫລວງວຽງຈັນ, ເພື່ອເປັນການ ສົ່ງທ້າຍປີເກົ່າ ພສ 2560 ແລະ ຕ້ອນຮັບປີໃໝ່ ພສ 2561. ໃນ ການສະເຫຼີມສະຫຼອງບຸນປະເພ ນີປີໃໝ່ລາວໃນຄັ້ງນີ້ ໂດຍການ ເປັນກຽດເຂົ້າຮ່ວມຂອງ ທ່ານ ສະເຫຼີມໄຊ ກົມມະສິດ, ກໍາມະ ການສູນກາງພັກ, ເລຂາຄະນະ ພັກກະຊວງ, ລັດຖະມົນຕີກະ ຊວງການຕ່າງປະເທດ ພ້ອມ ດ້ວຍພັນລະຍາ, ຄະນະພັກ-ຄະ ນະນຳກະຊວງ ພ້ອມດ້ວຍຄູ່ສົມ ລົດ, ພະນັກງານອາວຸໂສບຳ ນານ, ບັນດາຄະນະຫ້ອງການ-ຄະນະກົມ, ຄະນະພະແນກ, ອົງ ການຈັດຕັ້ງຊາວໜຸ່ມ, ແມ່ຍິງ ແລະ ກຳມະບານ ແລະ ພະນັກ ງານວິຊາການກະຊວງການ ຕ່າງປະເທດ ເຂົ້າຮ່ວມຢ່າງພ້ອມ ພຽງ. ພ້ອມດຽວກັນນັ້ນ, ບັນດາ ທູຕານຸທູດ, ກົງສູນກິດຕິມະສັກ, ຜູ້ຕາງໜ້າອົງການຈັດຕັ້ງສາກົນ ປະຈຳສ ສປປ ລາວ ພ້ອມດ້ວຍຄູ່ ສົມລົດ ແລະ ແຂກທີ່ມີກຽດຈຳ ນວນໜຶ່ງກໍຖືກເຊີນເຂົ້າຮ່ວມ.

ຂ່າວມື້ນີ້

ຂ່າວເດັ່ນ