Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 278  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຜົນຂອງການລົງກວດກາ, ບູລະນະ ແລະ ກໍ່ສ້າງຫຼັກໝາຍຊາຍແດນລາວ - ມຽນມາ

ຜົນຂອງການລົງກວດກາ, ບູລະນະ ແລະ ກໍ່ສ້າງຫຼັກໝາຍຊາຍແດນລາວ - ມຽນມາກອງປະຊຸມສະຫຼຸບຜົນຂອງ ການລົງກວດກາ, ບູລະນະ ແລະກໍ່ສ້າງຫຼັກໝາຍຊາຍແດນລາວ- ມຽນມາ ທີ່ເປ່ເພ ຄືນໃໝ່ ຕາມລໍາແມ່ນໍ້າຂອງຮ່ວມກັບຝ່າຍ ມຽນມາ ໄດ້ຈັດຂຶ້ນໃນວັນທີ 3-4 ເມສາ 2018 ທີ່ ເມືອງຫ້ວຍຊາຍ, ແຂວງບໍ່ແກ້ວພາຍໃຕ້ການເປັນປະທານຮ່ວມ ຂອງ ທ່ານ ບຸນຍັງແກ້ວສະຫວ່າງ, ຮອງຫົວໜ້າຫ້ອງການຄະນະກໍາມະການ ຊາຍ ແດນແຫ່ງຊາດ, ກະຊວງການ ຕ່າງປະເທດແຫ່ງ ສປປ ລາວ ແລະ ທ່ານ ພັນເອກ ເຢວິນ,ຮອງຜູ້

ບັນຊາການ, ສູນອຸທົກກະສາດທະຫານເຮືອ, ກະຊວງປ້ອງ ກັນປະເທດ ແຫ່ງ ສສ ມຽນມາ.
ກອງປະຊຸມດັ່ງກ່າວ, ສອງ ຝ່າຍໄດ້ຮ່ວມກັນສັງເກດຕີລາ ຄືນຜົນຂອງການລົງກວດກາ, ບູລະນະ ແລະ ກໍ່ສ້າງຫຼັກໝາຍ ຊາຍແດນ ລາວ-ມຽນມາ ຕາມ ລໍາແມ່ນໍ້າຂອງ, ເຊິ່ງວຽກງານດັ່ງກ່າວໄດ້ເລີ່ມຕົ້ນຈັດຕັ້ງປະຕິບັດມາຕັ້ງແຕ່ວັນທີ 22 ກຸມພາ 2018 ເຖິງວັນທີ 2 ເມສາ 2018 ຈຶ່ງສໍາເລັດຜົນຢ່າງຈົບງາມ.
ສປປ ລາວ ແລະ ສສ ມຽນມາ ມີເສັ້ນຊາຍແດນຕິດຈອດ ຮ່ວມກັນຕາມລໍາແມ່ນໍ້າຂອງ ລວງຍາວປະມານ 236 ກິໂລແມັດ, ຢູ່ເບື້ອງລາວ ມີ 86 ຫຼັກ ໝາຍ ແລະ ຢູ່ເບື້ອງມຽນມາ ມີ 86ຫຼັກໝາຍ ຄູ່ຂະໜານກັນຕາມ ແຄມຝັ່ງແມ່ນໍ້າຂອງທັງສອງ ເບື້ອງ, ຜ່ານການລົງກວດກາ ຮ່ວມກັນເຫັນວ່າສະພາບຫຼັກ ໝາຍເບື້ອງລາວຍັງມີສະພາບດີຈໍານວນ 80 ຫຼັກໝາຍ, ຖືກເຊາະ ເຈື່ອນ ຈໍານວນ 02 ຫຼັກໝາຍ ຄື: ຫຼັກໝາຍເລກທີ 7 ແລະ 62, ສູນຫາຍ ຈໍານວນ 02 ຫຼັກໝາຍ ຄື: ຫຼັກໝາຍເລກທີ 12 ແລະ 19 ແລະ ຢູ່ໃກ້ກັບແຄມຝັ່ງເຫວເລິກ ຈໍານວນ 02 ຫຼັກໝາຍ ຄື: ຫຼັກໝາຍເລກທີ 11 ແລະ 59, ຊຶ່ງຈໍານວນ 06 ຫຼັກໝາຍດັ່ງກ່າວໄດ້ຖືກກໍ່ສ້າງຄືນຢູ່ຈຸດທີ່ຕັ້ງໃໝ່. ສ່ວນຢູ່ເບື້ອງມຽນມາ ແມ່ນມີສະພາບດີຈໍານວນ 81 ຫຼັກໝາຍ, ຢູ່ໃກ້ແຄມຝັ່ງເຫວເລິກ 01 ຫຼັກໝາຍ ຄື: ຫຼັກໝາຍເລກທີ 7, ສູນຫາຍ 01 ຫຼັກໝາຍ ຄື:ຫຼັກໝາຍເລກທີ 70, ຊຶ່ງຈໍານວນ02 ຫຼັກໝາຍດັ່ງກ່າວໄດ້ຖືກກໍ່ ສ້າງຄືນຢູ່ຈຸດທີ່ຕັ້ງໃໝ່, ສ່ວນອີກ05 ຫຼັກໝາຍ ແມ່ນເປ່ເພເລັກນ້ອຍ ແລະ ໄດ້ຮັບການສ້ອມແປງ ຄືນຮຽບຮ້ອຍແລ້ວ, ສ່ວນບັນ ດາຫຼັກໝາຍຊາຍແດນລາວ-ມຽນມາ ທີ່ຍັງເຫຼືອແມ່ນໄດ້ທາສີຄືນໃໝ່ທັງໝົດ. ໃນກອງປະ ຊຸມດັ່ງກ່າວ,ສອງຝ່າຍໄດ້ຮັບຮອງເອົາໝາກຜົນຂອງການຈັດ ຕັ້ງປະຕິບັດວຽກງານພາກສະໜາມ ຊຶ່ງລວມມີບົດສະຫຼຸບລາຍ ງານການລົງກວດກາ, ບູລະນະແລະ ກໍ່ສ້າງຫຼັກໝາຍຊາຍແດນ ຮ່ວມ, ແບບຟອມການລົງກວດ ກາ ແລະ ບັນທຶກສະພາບຫຼັກໝາຍ ແລະ ຕາຕະລາງຄ່າພິກັດຫຼັກ ໝາຍຊາຍແດນທີ່ສ້າງຂຶ້ນມາ ໃໝ່ ແລະ ເອກະສານກ່ຽວຂ້ອງ. ນອກຈາກນີ້້, ສອງຝ່າຍຍັງໄດ້ຖືໂອກາດລົງນາມຮັບຮອງເອົາ ແຜນທີ່ເສັ້ນຊາຍແດນລາວ-ມຽນມາໝາຍເລກ 12 ສະບັບ ປັບປຸງໃໝ່ ໂດຍຫົວໜ້າຄະນະວິຊາການເຕັກນິກຂອງທັງສອງຊຶ່ງແຜນທີ່ສະບັບດັ່ງກ່າວຈະຖືກ ຮັບຮອງໂດຍຕາງໜ້າລັດຖະບານຂອງທັງປະເທດໃນໂອກາດການພົບປະລະດັບຄະນະກໍາມະ ການຊາຍແດນລາວ-ມຽນມາ ຂັ້ນສູນກາງ. ພ້ອມກັນນີ້, ສອງ ຝ່າຍ ຍັງໄດ້ປຶກສາຫາລື ແລະ ຮ່ວມກັນວາງທິດທາງແຜນການທີ່ຈະຮ່ວມກັນປະຕິບັດໃນຕໍ່ໜ້າ.
ຜົນສໍາເລັດຂອງກອງປະຊຸມ ດັ່ງກ່າວ ເປັນການປະກອບສ່ວນ ອັນສໍາຄັນເຂົ້າໃນການຮັດແໜ້ນ ສາຍພົວພັນມິດຕະພາບຖານ ບ້ານໃກ້ເຮືອນຄຽງທີ່ມີມາແຕ່ບູຮານນະການ ແລະ ເພື່ອເຮັດໃຫ້ຊາຍ ແດນຮ່ວມລະຫວ່າງລາວ ແລະ ມຽນມາເປັນເສັ້ນຊາຍແດນ ແຫ່ງສັນຕິພາບມິດຕະພາບ ແລະ ການຮ່ວມມືຕະຫຼອດການ ພ້ອມທັງ ເປັນການຍົກສູງວຽກງານປົກ
ປັກຮັກສາເສັ້ນຊາຍແດນລະ ຫວ່າງສອງປະເທດໃຫ້ໝັ້ນຄົງ ຖາວອນຕະຫຼອດໄປ.

ຂ່າວມື້ນີ້

ຂ່າວເດັ່ນ