Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 110  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ທ່ານນາຍົກລັດຖະມົນຕີ ຕ້ອນຮັບລັດຖະມົນຕີກະຊວງການຕ່າງປະເທດຍີ່ປຸ່ນ

ທ່ານນາຍົກລັດຖະມົນຕີ ຕ້ອນຮັບລັດຖະມົນຕີກະຊວງການຕ່າງປະເທດຍີ່ປຸ່ນໃນວັນທີ 7 ເມສາ 2018, ທີ່ ສຳນັກງານນາຍົກລັດຖະມົນຕີ, ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ, ໄດ້ຕ້ອນຮັບການເຂົ້າຢ້ຽມ ຂ່ຳນັບຂອງ ພະນະທ່ານ ທະໂຣ ໂຄໂນະ, ລັດຖະມົນຕີກະຊວງ ການຕ່າງປະເທດຍີ່ປຸ່ນ ໃນໂອກາດທີ່ເດີນ ທາງມາຢ້ຽມຢາມ ສປປ ລາວ ໃນລະຫວ່າງວັນທີ 7-8 ເມສາ 2018.


ໃນໂອກາດດັ່ງກ່າວ, ທ່ານ ນາຍົກລັດຖະມົນຕີ ທອງລຸນ ສີ ສຸລິດ ໄດ້ຕີລາຄາສູງຕໍ່ການຢ້ຽມ ຢາມ ສປປ ລາວ ຂອງທ່ານລັດ ຖະມົນຕີໃນຄັ້ງນີ້ ເຊິ່ງເປັນຄັ້ງ ທຳອິດ ພາຍຫຼັງເຂົ້າຮັບຕຳແໜ່ງ ໃໝ່ ແລະ ເປັນນິມິດໝາຍທີ່ສຳຄັນ ໃນການສືບຕໍ່ເພີ່ມທະວີສາຍພົວພັນມິດຕະພາບ, ການເປັນຄູ່ຮ່ວມ ຍຸດທະສາດຂອງສອງປະເທດ ລະຫວ່າງ ລາວ ແລະ ຍີ່ປຸ່ນ ໃຫ້ ຂະຫຍາຍຕົວທັງລວງກວ້າງ ແລະ ລວງເລິກໃຫ້ເປັນຮູບປະ ທໍາ ຍິ່ງໆຂຶ້ນ. ການພົວພັນຮ່ວມ ມືລະຫວ່າງ ສປປ ລາວ ແລະ ຍີ່ປຸ່ນແມ່ນສາຍພົວພັນທີ່ມິດຕະ ພາບອັນດີງາມມາແຕ່ດົນນານ, ປະຊາຊົນສອງຊາດໄດ້ມີການ ແລກປ່ຽນການໄປມາຫາສູ່ກັນ ເປັນປົກກະຕິ ແລະ ເຂົ້າອົກເຂົ້າ ໃຈເຊິ່ງກັນ ແລະ ກັນ ເປັນຢ່າງ ດີ. ນອກຈາກນີ້, ທ່ານນາຍົກລັດ ຖະມົນຕີ ທອງລຸນ ສີສຸລິດ ຍັງ ໄດ້ໃຫ້ຄວາມສຳຄັນ ແລະ ເອົາ ໃຈໃສ່ຕໍ່ການຊຸກຍູ້ສົ່ງເສີມການ ຮ່ວມມືໃນໂຄງການຕ່າງໆ, ໂດຍ ສະເພາະ ໂຄງການຄຸ້ມຄອງເສດ ຖະກິດມະຫາພາກຂອງ ສປປ ລາວ ແລະ ໂຄງການສຶກສາ ຄວາມເປັນໄປໄດ້ໃນການສ້າງ ເສັ້ນທາງດ່ວນວຽງຈັນ-ຮ່າ ໂນ້ຍ; ສືບຕໍ່ຊຸກຍູ້ກອງທຶນເພື່ອ ການເຊື່ອມໂຍງ ອາຊຽນ-ຍີ່ປຸ່ນ, ເຊິ່ງກອງທຶນນີ້ເປັນປະໂຫຍດໃນ ການພັດທະນາເສດຖະກິດ-ສັງ ຄົມ ຂອງ ສປປ ລາວ.
ໃນຂະນະດຽວກັນ, ທ່ານ ທະໂຣ ໂຄໂນະ ກໍໄດ້ສະແດງ ຄວາມຂອບໃຈຕໍ່ການຕ້ອນຮັບ ອັນອົບອຸ່ນ ແລະ ສະແດງຄວາມ ຍິນດີຈະສືບຕໍ່ຊຸກຍູ້ໃຫ້ພາກສ່ວນ ກ່ຽວຂ້ອງຂອງທັງສອງຝ່າຍ ປຶກສາຫາລື ແລະ ເຮັດວຽກ ຮ່ວມກັນໃຫ້ຫຼາຍຂຶ້ນ ເພື່ອປະຕິ ບັດບັນດາໂຄງການຕ່າງໆໃຫ້ມີ ໝາກຜົນຫຼາຍຂຶ້ນ.

ຂ່າວມື້ນີ້

ຂ່າວເດັ່ນ