Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 76  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ແຂວງຫົວພັນສະເຫຼີມສະຫຼອງໄຊຊະນະບັ້ນຮົບປົດປ່ອຍຜາຖີ່ ຄົບຮອບ 50 ປີ

ແຂວງຫົວພັນສະເຫຼີມສະຫຼອງໄຊຊະນະບັ້ນຮົບປັດປ່ອຍຜາຖີ່ ຄົບຮອບ 50 ປີພິທີໂຮມຊຸມນຸມສະເຫຼີມສະ ຫຼອງໄຊຊະນະບັ້ນຮົບປົດປ່ອຍ ຜາຖີ່ຄົບຮອບ 50 ປີ (10-11 ມີນາ1968-10-11ມີນາ2018) ໄດ້ຈັດຂຶ້ນຢ່າງຄຶກຄື້ນໃນວັນທີ 10 ມີນາ 2018 ນີ້ ຢູ່ທີ່ສະໜານ ກີລາແຂວງຫົວພັນໂດຍການເປັນ ປະທານຂອງທ່ານ ວັນໄຊ ແພງ ຊຸມມາ ກຳມະການສູນກາງພັກ ເລຂາພັກແຂວງ,ເຈົ້າແຂວງໆຫົວ ພັນ ແລະ ເປັນກຽດເຂົ້າຮ່ວມມີ ທ່ານ ພົນໂທ ຈັນສະໝອນ ຈັນຍາລາດ ກໍາມະການກົມການເມືອງ ສູນກາງພັກ,ລັດຖະມົນຕີກະ

ຊວງປ້ອງກັນປະເທດ, ມີກໍາມະການ ສູນກາງພັກ, 
ການນໍາພັກແຂວງ, ພະນັກງານ ອາວຸໂສ, ວີລະຊົນແຫ່ງຊາດ, ນັກ ຮົບແຂ່ງຂັນ, ບັນດາຕົວແທນກົມ ກອງກໍາລັງປະກອບອາວຸດຈາກ ສູນກາງ, ພາກເໜືອຂອງລາວ ແລະ ຫວຽດນາມ, ບັນດາແຂກ ທີ່ຖືກເຊີນ ຕະຫຼອດຮອດພະນັກ ງານ-ລັດຖະກອນ, ພໍ່ແມ່ປະຊາ ຊົນຊາວແຂວງຫົວພັນເຂົ້າຮ່ວມ.
ທ່ານ ວັນໄຊ ແພງຊຸມມາ ເລຂາພັກແຂວງ, ເຈົ້າແຂວງໆ ຫົວພັນ ໄດ້ຂຶ້ນກ່າວປາໄສວ່າ: ບັ້ນຮົບປົດປ່ອຍຜາຖີ່ເປັນບັ້ນ ຮົບທີ່ຍິ່ງໃຫຍ່ດຸເດືອດຂ້ຽວຂາດ ທີ່ສຸດໄຊຊະນະບັ້ນຮົບປົດປ່ອຍ ຜາຖີ່ແມ່ນໄຊຊະນະຂອງກຳລັງ ແຮງແຫ່ງນໍ້າໃຈຮັກຊາດ, ນໍ້າໃຈ ຄຽດແຄ້ນຈັກກະພັດຜູ້ຮຸກຮານ ແລະ ລູກແຫຼ້ງຕີນມື, ນໍ້າໃຈເສຍ ສະຫຼະອັນສູງສົ່ງຕໍ່ສູ້ພິລາດອາດ ຫານບໍ່ຍອມຈຳນົນຂອງກອງ ທັບ ແລະ ປະຊາຊົນບັນດາເຜົ່າ ໂດຍສະເພາະແມ່ນກອງທັບ ແລະ ປະຊາຊົນແຂວງຫົວພັນ ທັງ ແມ່ນໄຊຊະນະຂອງກຳລັງແຮງ ແຫ່ງຄວາມສາມັກຄີຮ່ວມສຳ ພັນສູ້ຮົບແບບພິເສດ ລະຫວ່າງ ລາວ-ຫວຽດນາມມັນແມ່ນ ໝາກຜົນແຫ່ງຄວາມສາມັກຄີ ແລະ ສະຫນັບສະຫນູນຈາກບັນ ດາເພື່ອນມິດສາກົນໄຊຊະນະ ດັ່ງກ່າວໄດ້ກາຍເປັນຂີດໝາຍ ທາງປະຫວັດສາດ ເພາະເປັນ ການທັບມ້າງເຈດຈຳນົງຍຸດທະ ສາດຂອງຜູ້ມາຮຸກຮານ ແລະ ລູກແຫຼ້ງຕີນມືຂອງພວກເຂົາທີ່ ຫວັງບຽດຍຶດເອົາບໍລິເວນຈອມ ຜາຖີ່ສ້າງເປັນແປ້ນຢັນຢຶດເອົາ ບັນດາແຂວງພາກເໜືອລາວ ແລະ ໜີບຮັດເອົາບັນດາແຂວງ ທາງທິດຕາເວັນຕົກສຽງເໜືອ ຂອງຫວຽດນາມ ໄຊຊະນະບັ້ນ ຮົບປົດປ່ອຍຜາຖີ່ເປັນຂີດໝາຍ ແຫ່ງການປະລາໄຊຂອງຈັກກະ ພັດຜູ້ມາຮຸກຮານ ແລະ ລູກແຫຼ້ງ ຕີນມືຂອງພວກເຂົາ ທີ່ດຳເນີນ ສົງຄາມພິເສດຢູ່ລາວ, ປະຫວັດ ສາດນີ້ ມັນໄດ້ເຮັດໃຫ້ກຳລັງ ການປະຕິວັດເຕີບໃຫຍ່ເຂັ້ມແຂງ ຂຶ້ນ, ເຂດປົດປ່ອຍນັບມື້ນັບຂະ ຫຍາຍຕົວກວ້າງອອກຢ່າງບໍ່ຢຸດ ຢັ້ງບັ້ນຮົບປົດປ່ອຍຜາທີ່ເປັນ ບັ້ນຮົບໃຫຍ່ ແລະ ມີຄວາມໝາຍ ປະຫວັດສາດ ກົມການເມືອງສູນ ກາງພັກກະຊວງປ້ອງກັນປະເທດ ຈິ່ຶງໄດ້ຕົກລົງເປີດກອງປະຊຸມສຳ ມະນາວິທະຍາສາດສະຫຼອງ ບັ້ນຮົບປົດປ່ອຍຜາຖີ່ ຄົບຮອບ 50 ປີ.
ໃນໂອກາດດັ່ງກ່າວນີ້, ທ່ານ ວັນໄຊ ແພງຊຸມມາ ໄດ້ຕາງໜ້າ ໃຫ້ຄະນະພັກ, ອໍານາດການປົກ ຄອງແຂວງຮຽກຮ້ອງມາຍັງ ຄະນະພັກອຳນາດການປົກຄອງ ຂັ້ນຕ່າງໆທົ່ວແຂວງຫົວພັນ ຈົ່ງສືບຕໍ່ເພີ່ມທະວີຄວາມຮັບຜິດ ຊອບ ແລະ ຈັດຕັ້ງປະຕິບັດບັນ ດາຄາດໝາຍສູ້ຊົນ ກໍຄືເນື້ອໃນ ມະຕິກອງປະຊຸມໃຫຍ່ ຄັ້ງທີ 10 ຂອງພັກ ແລະ ມະຕິກອງປະຊຸມ ໃຫຍ່ ຄັ້ງທີ 9 ຂອງອົງຄະນະ ພັກແຂວງຫົວພັນ ກໍຄືແຜນພັດ ທະນາເສດຖະກິດ-ສັງຄົມ 5 ປີ ຄັ້ງທີ 8 ຂອງລັດຖະບານວາງ ອອກໃຫ້ປາກົດຜົນເປັນຈິງບຸກ ບືນແກ້ໄຂຄວາມທຸກຍາກຂອງ ປະຊາຊົນເອົາວຽກງານດັ່ງ ກ່າວເປັນຄວາມຮັບຜິດຊອບ, ເປັນພາລະໜ້າທີ່ການເມືອງ ອັນຮີບດ່ວນຂອງຄະນະພັກ, ອຳ ນາດການປົກຄອງຂັ້ນຕ່າງໆ ພວກເຮົາຕ້ອງບຸກທະລຸໃຫ້ໄດ້ ແລະ ເຂົາໃຈວ່າຄວາມທຸກຍາກ ຂອງປະຊາຊົນ ບໍ່ໄດ້ຮັບການແກ້ ໄຂແຂວງຫົວພັນພວກເຮົາກໍບໍ່ສາມາດຫຼຸດພົ້ນອອກຈາກ ຄວາມດ້ອຍພັດທະນາໄດ້ ເພື່ອເຮັດລ້ອນ
ໜ້າທີ່ອັນໜັກໜ່ວງ ແລະ ຮີບດ່ວນດັ່ງກ່າວມາຂັ້ນເທິງນັ້ນ ແຂວງຫົວພັນພວກເຮົາຕ້ອງ ຮີບຮ້ອນນຳພາປະຕິບັດບາງ ເນື້ອໃນຈິດໃຈດັ່ງນີ້: ເສີມຂະ ຫຍາຍມູນເຊື້ອພິລາດອາດຫານ,
ຄວາມສາມັກຄີເປັນປືກແຜ່ນ ແໜ້ນໜາ ເພື່ອພ້ອມກັນຍາດ ເອົາໄຊຊະນະໃນພາລະກິດປົກ ປັກຮັກສາ ແລະ ສ້າງສາພັດທະນາແຂວງຫົວພັນໃຫ້ຈະເລີນຮຸ່ງ ເຮືອງ, ຕັ້ງໜ້າສຶກສາອົບຮົມ ການເມືອງແນວຄິດໃຫ້ພະນັກ ງານ-ສະມາຊິກພັກ ແລະ ປະຊາ ຊົນບັນດາເຜົ່າເຊີດຊູນໍ້າໃຈຮັກ ຊາດຮັກລະບອບໃໝ່, ເອກະ ລາດເປັນເຈົ້າຕົນເອງສ້າງ ຄວາມເຂັ້ມແຂງດ້ວຍຕົນເອງ ເພື່ອສ້າງແຂວງຫົວພັນໃຫ້ໄດ້ ຮັບການພັດທະນາເຮັດໃຫ້ປະ ຊາຊົນຮັ່ງມີຜາສຸກສັງຄົມມີ ຄວາມສາມັກຄີປອງດອງຍຸຕິທຳ ແລະ ສີວິໄລ, ຕັ້ງໜ້າປົກປັກຮັກ ສາແຂວງຫົວພັນວີລະຊົນທີ່ໝັ້ນຂອງການປະຕິວັດໃຫ້ມີຄວາມ ສະຫງົບໜັກແໜ້ນສັງຄົມ ມີຄວາມເປັນລະບຽບຮຽບຮ້ອຍ, ປຸກລະດົມປະຊາຊົນບັນດາເຜົ່າ ເຂົ້າຮ່ວມວຽກງານປ້ອງກັນ ຊາດ-ປ້ອງກັນຄວາມສະຫງົບ ຢ່າງກວ້າງຂວາງ ອອກແຮງປະ ຕິບັດທິດນຳ ສ້າງແຂວງຫົວພັນ ເປັນຫົວໜ່ວຍຍຸດທະສາດສ້າງ ເມືອງເປັນຫົວໜ່ວຍເຂັ້ມແຂງ ຮອບດ້ານ ແລະ ສ້າງບ້ານເປັນ ຫົວໜ່ວຍພັດທະນາດ້ວຍຈິດໃຈ ບຸກທະລຸ ໂດຍມີການປະສານ ງານຢ່າງກົມກຽວລະຫວ່າງ ຂະແໜງການຕ່າງໆ, ຄະນະພັກ ອຳນາດການປົກຄອງແຕ່ລະຂັ້ນ ຕ້ອງເພີ່ມຄວາມຮັບຜິດຊອບໃຫ້ ມີການຫັນປ່ຽນດີຂຶ້ນເປັນ ກ້າວໆ
ໂອກາດນີ້ໄດ້ຮັບຊົມການສວນ ສະໜາມບັນດາກ້ອນກໍາລັງປະ ກອບອາວຸດ ແລະ ກ້ອນມວນຊົນ
ຊາວແຂວງຫົວພັນອີກດ້ວຍ.
ໂດຍ: ສົມພອນ ສີສຸມັງ

ຂ່າວມື້ນີ້

ຂ່າວເດັ່ນ