Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 115  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ທ່ານ ພົນໂທ ສຸວອນ ເລືອງບຸນມີ ສຳເລັດການເຂົ້າຮ່ວມກອງປະຊຸມບໍ່ເປັນທາງການຜູ້ບັນຊາການທະຫານສູງສຸດອາຊຽນ ຄັ້ງທີ 15

ທ່ານ ພົນໂທ ສຸວອນ ເລືອງບຸນມີ ສຳເລັດການເຂົ້າຮ່ວມກອງປະຊຸມບໍ່ເປັນທາງການຜູ້ບັນຊາການທະຫານສູງສຸດອາຊຽນ ຄັ້ງທີ 15ໃນລະຫວ່າງວັນທີ 7-9 ມີນາ 2018 ນີ້ ທ່ານ ພົນໂທ ສຸວອນ ເລືອງບຸນມີ ຮອງລັດຖະມົນຕີ ກະຊວງປ້ອງກັນປະເທດ, ຫົວ ໜ້າກົມໃຫຍ່ເສນາທິການກອງ ທັບປະຊາຊົນລາວ ພ້ອມກັບຜູ້ ບັນຊາການທະຫານສູງສຸດ ຈາກ 9 ປະເທດສະມາຊິກອາຊຽນ ໄດ້ ເຂົ້າຮ່ວມກອງປະຊຸມບໍ່ເປັນທາງ ການຜູ້ບັນຊາການທະຫານສູງ ສຸດອາຊຽນ ຄັ້ງທີ 15 ຫຼື (15th ASEAN Chiefs of Defence Forces Informal Meeting) ໂດຍການເປັນປະທານຂອງທ່ານ ພົນ

ໂທ ເພີຣີ ລິມ, ຜູ້ບັນຊາການ ທະຫານສູງສຸດຂອງກອງທັບ ສິງກະໂປ. ພາຍໃຕ້ຫົວຂໍ້ “ເສີມ ຂະຫຍາຍການຮ່ວມມື, ເສີມ ສ້າງຄວາມເຂັ້ມແຂງ”.
ໃນໂອກາດເດີນທາງເຂົ້າຮ່ວມ ກອງປະຊຸມບໍ່ເປັນທາງການການຜູ້ບັນຊາການທະຫານສູງ ສຸດອາຊຽນ ຄັ້ງນີ້ ທ່ານ ພົນໂທ ສຸວອນ ເລືອງບຸນມີ ກໍໄດ້ເປັນ ກຽດຂຶ້ນປະກອບຄຳເຫັນ ເພື່ອ ແລກປ່ຽນສະພາບກ່ຽວກັບ ການເພີ່ມມາດຕະການການສ້າງ ຄວາມໄວ້ເນື້ອເຊື່ອໃຈລະຫວ່າງ ບັນດາປະເທດສະມາຊິກອາ ຊຽນ ຕໍ່ກອງປະຊຸມ ເຊິ່ງພາຍໃຕ້ສະ ພາບການພາກພື້ນ ແລະ ສາກົນ ທີ່ຜັນແປໄປຢ່າງສະຫຼັບຊັບຊ້ອນ ເຊິ່ງຢາກທີ່ຈະຄາດຄະເນໄດ້ອັນ ເຕັມດ້ວຍສິ່ງທ້າທ້າຍທາງດ້ານ ຄວາມໝັ້ນຄົງທັງແບບເກົ່າ ແລະ ແບບໃໝ່ເຊັ່ນ ການກໍ່ການຮ້າຍ, ການຍົກຍ້າຍຖິ່ນຖານແບບບໍ່ເປັນປົກກະຕິ, ບັນຫາໄພພິບັດທາງ ທໍາມະຊາດ ແລະ ອື່ນໆ. ສະນັ້ນ, ການນໍາໃຊ້ບັນດາມາດຕາການ ເສີມສ້າງຄວາມໄວ້ເນື້ອເຊື່ອໃຈ ເຊີ່ງກັນ ແລະ ກັນ ພາຍໃນອາ ຊຽນຍິ່ງມີຄວາມສໍ່າຄັນ ແລະ ຈໍາເປັນ ເພື່ອຮັກສາຄວາມສາ ມັກຄີ, ຄວາມເປັນເອກະພາບ, ຄວາມເປັນແກນກາງຂອງອາ ຊຽນ. ພ້ອມນີ້, ທ່ານ ພົນໂທ ສຸວອນ ເລືອງບຸນມີ ຍັງໃຫ້ການ ສັງເກດວ່າ: ພາຍໃນອາຊຽນກໍ ໄດ້ມີຫຼາຍກົນໄກໃນການເສີມ ສ້າງການຮ່ວມມືທາງທະຫານທີ່ ເປັນຮູບປະທໍາ ແລະ ເຫັນວ່າ ມີປະສິດທິພາບ ທັງໃນຮູບແບບ ສອງຝ່າຍ ແລະ ຫຼາຍຝ່າຍເປັນ ຕົ້ນແມ່ນບັນດາກົນໄກ ແລະ ກິດ ຈະກໍາ ທີ່ນອນຢູ່ໃນຂອບກອງປະ ຊຸມລັດຖະມົນຕີປ້ອງກັນປະເທດ ອາຊຽນ, ອາຊຽນ-ບວກ, ກອງ ປະຊຸມຜູ້ບັນຊາການທະຫານສູງ ສຸດອາຊຽນ ແລະ ສປປ ລາວ ແມ່ນມີຄວາມຍິນດີທັງສະໜັບ ສະໜູນບັນດາກົນໄກທີ່ຫາກໍໄດ້ ຮັບຮອງເອົາໃນປີ 2017 ທີ່ຜ່ານ 

ມາເຊັ່ນ: ການເປີດໂຄງການຕິດ ຕໍ່ສາຍດ່ວນຂອງລັດຖະມົນຕີ ປ້ອງກັນປະເທດອາຊຽນໄລຍະ ທີ 1 ຢ່າງເປັນທາງການ, ກົນ ໄກເຝົ້າລະວັງຄວາມປອດໄພ ອາວໄອສ, ກົນໄກລາດຕະເວນ ສາມຝ່າຍອິນໂດເນເຊຍ, ມາເລ ເຊຍ ແລະ ຟີລິບປິນ ອັນພົ້ນເດັ່ນ ອັນດັບໜຶ່ງແມ່ນກອງປະຊຸມສໍາ ມະນາແລກປ່ຽນຂໍ້ມູນສືບຂ່າວ ກອງທັບບົກອາຊຽນ ເຊິ່ງເປັນ ແນວຄິດລິເລີ່ມຂອງສິງກະໂປ. ນອກນີ້ ທ່ານ ພົນໂທ ສຸວອນ ເລືອງບຸນມີ ຍັງໄດ້ກ່າວອີກວ່າ: ກອງທັບປະຊາຊົນລາວເວລາ ໃດກໍຕີລາຄາສູງຕໍ່ການພົວພັນ ຮ່ວມມືຕາມກົນໄກການຮ່ວມມື ຂອບທະຫານອາຊຽນ ແຕ່ເພື່ອ ເຮັດໃຫ້ການພົວພັນຮ່ວມມືໃຫ້ ມີປະສິດທິພາບ ແລະ ປະສິດທິ ຜົນສູງຂຶ້ນກ່ວາເກົ່າອາຊຽນ ຄວນສຸມໃສ່ບາງບັນຄື: ມີຄວາມ ສາມັກຄີເປັນນໍ້າໜຶ່ງໃຈດຽວ ເພີ່ມທະວີການພົວພັນຮ່ວມມືໃຫ້ ຫຼາຍຂຶ້ນ ພ້ອມກັນນັ້ນກໍຕ້ອງຈິງ ໃຈຊ່ວຍເຫຼືອເຊິ່ງກັນ ແລະ ກັນ ໃນການພັດທະນາເພື່ອພ້ອມກັນ ກ້າວໜ້າໂດຍບໍ່ປະໃຫ້ປະເທດໃດ ອ່ອນແອຫຼ້າຫຼັງທັງສອດຄ່ອງກັບວິໄສທັດອາຊຽນທີ່ວ່າ: ພ້ອມກັນກ້າວໄປຂ້າງໜ້າຢ່າງບໍ່ຢຸດ ຢັ້ງ; ອາຊຽນຕ້ອງຢຶດໝັ້ນຫຼັກການແກ້ໄຂຂໍ້ຂັດແຍ່ງດ້ວຍສັນ ຕິວິທີຫຼີກລ້ຽງການນາບຂູ່ທີ່ຈະ ໃຊ້ກໍາລັງ ແລະ ການນໍາໃຊ້ ຄວາມຮຸນແຮງທຸກຮູບແບບ ເຊິ່ງໄດ້ລະບຸໄວ້ຢ່າງຈະແຈ້ງຢູ່ໃນກົດບັດ ອາຊຽນ, ວິໄສທັດອາຊຽນ 2025 ກໍຄືກົດໝາຍສາກົນທີ່ກ່ຽວຂອງ ອື່ນໆ ໂດຍຄໍານຶງເຖິງສິດຜົນປະ ໂຫຍດອັນຊອບທໍາຂອງກັນ ແລະ ກັນ ເພື່ອຮັກສາສາຍພົວພັນຮ່ວມ ມືຄວາມສາມັກຄີອັນດີງາມ ຂອງກັນ ແລະ ກັນໄວ້; ອາຊຽນ ຕ້ອງສືບຕໍ່ຄວາມເປັນເຈົ້າການ ໃນການກໍານົດ ແລະ ຂັບເຄື່ອນ ໂຄງສ້າງຄວາມໝັ້ນຄົງພາກພື້ນ ໂດຍຢຶດໜັ້ນຫຼັກການຄວາມເປັນ ເອກະສັນ ຄວາມເປັນແກນກາງ ວິທີທາງອາຊຽເພື່ອຊ່ວຍໃຫ້ອາ ຊຽນສາມາດຮັບມືກັບສີ່ງທ້າ ທາຍຕ່າງໆທີ່ເກີດຂື້ນໄດ້ຢ່າງມີ ປະສິດທິຜົນສູງ; ໃນຂະນະດຽວ ກັນອາຊຽນຕ້ອງຮັບປະກັນວ່າ ການສ້າງມາດຕາການການ ສ້າງຄວາມໄວ້ເນື້ອເຊື່ອໃຈເຊິ່ງ ກັນ ແລະ ກັນ ແມ່ນມີຄວາມຈໍາ ເປັນທີ່ອາຊຽນຄວນໄດ້ຮ່ວມກັນ ສືບຕໍ່ປະຕິບັດແຕ່ວ່າການສ້າງ ບັນດາມາດຕາການນັ້ນຄວນມີ ການເລືອກເຟັ້ນມີຈຸດສຸມອັນລະ ອຽດ ເພື່ອຫຼີກລ້ຽງການທັບຊ້ອນ ກັນຂອງບັນດາກົນໄກຮ່ວມມືທີ່ມີຢູ່ໃນປັດຈຸບັນ ແລະ ເພື່ອນໍາໃຊ້ ຜົນປະໂຫດສູງສຸດມາສູ່ບັນດາ ປະເທດສະມາຊິກອາຊຽນ ກໍຄື ປະຊາຊົນຊອງປະເທດອາຊຽນ ນັ້ນເອງ.
ກອງປະຊຸມບໍ່ເປັນທາງການ ຜູ້ບັນຊາການທະຫານສູງສຸດອາ ຊຽນ ຄັ້ງທີ 15 ທີ່ກອງທັບສິງ ກະໂປເປັນເຈົ້າພາບແມ່ນສໍາ ເລັດລົງດ້ວຍໝາກຜົນອັນຈົບ ງາມ ເຊິ່ງມັນສະແດງອອກຄື ກອງປະຊຸມສາມາດຕົກລົງກັນ ໄດ້ທຸກໆບັນຫາທີ່ນໍາມາປຶກສາ ຫາລື ແລະ ບັນດາຜູ້ບັນຊາການ ທະຫານສູງສຸດອາຊຽນ ກໍໄດ້ ພ້ອມກັນລົງນາມຖະແຫຼງການ ຮ່ວມສໍາລັບກອງປະຊຸມບໍ່ເປັນ ທາງການຜູ່ບັນຊາການທະຫານ ສູງສຸດອາຊຽນ ຄັ້ງທີ 15 ເຊິ່ງ ເນັ້ນເຖິງການເພີ່ມທະວີການ ຮ່ວມມືລະຫວ່າງກອງທັບອາ ຊຽນ ເພື່ອຮັບມືກັບສິ່ງທ້າທາຍ ທາງດ້ານຄວາມໝັ້ນຄົງໃຫ້ມີປະ ສິດທິພາບສູງຂຶ້ນ ແລະ ສິ່ງທີ່ພົ້ນ ເດັ່ນແມ່ນກອງປະຊຸມໃນຄັ້ງນີ້ ແມ່ນໄດ້ຕົກລົງເຫັນດີໃຫ້ປ່ຽນຊື່ ກອງປະຊຸມດັ່ງກ່າວ ຈາກກອງ ປະຊຸມບໍ່ເປັນທາງການມາເປັນ ກອງປະຊຸມຜູ່ບັນຊາການທະ ຫານສູງສຸດອາຊຽນ (ASEAN Chiefs of Defence Forces Meeting). ໃນຕອນທ້າຍຂອງ ກອງປະຊຸມ, ກອງທັບສິງກະໂປ ໄດ້ມອບການເປັນປະທານກອງ ປະຊຸມຜູ້ບັນຊາການທະຫານສູງ ສຸດ ຄັ້ງທີ 16 ໃຫ້ແກ່ກອງທັບ ຣາຊະອານາຈັກໄທ ເຊິ່ງຈະຈັດ ຂຶ້ນໃນປີ 2019.
ໃນໂອກາດເດີນທາງເຂົ້າຮ່ວມ ກອງປະຊຸມຄັ້ງນີ້ ທ່ານ ພົນໂທ ສຸວອນ ເລືອງບຸນມີ ຮອງລັດຖະ ມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການ ກອງທັບປະຊາຊົນລາວ ຍັງໄດ້ ພົບປະສອງຝ່າຍກັບທ່ານ ພົນໂທ ເພີຣີ ລີມ ຜູ້ບັນຊາການທະຫານ ສູງສຸດກອງທັບສີງກະໂປ, ທ່ານ ພົນຕີ ເຟັນຈີຣານ ດາໂຕ ສິຣິ ພາລາວັນ ອາມິນັນ ບິນເຟັນຈີ ຣານ ຣາຈິ ອາມຸດ ຜູ້ບັນຊາການ ທະຫານສູງສຸດ ບຣູໄນ ແລະ ທ່ານ ພົນເອກ ຕັນ ສຣິ ຣາຈາ ໂມຫາເມັດ ອັບຟັນດີ ບິນ ຣາຈາ ໂມຫາເມັດ ນໍ ຜູ້ບັນຊາການທະ ຫານສູງສຸດກອງທັບມາເລເຊຍ ເພື່ອຮັດແໜ້ນສາຍພົວພັນຮ່ວມມື ແບບສອງຝ່າຍ.
ໂດຍ: ຊາຍສົມສັກ ວິໄລສັນ

ຂ່າວມື້ນີ້

ຂ່າວເດັ່ນ