Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 101  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສປປ ລາວ ມີຜົນຄືບໜ້າໃນວຽກງານຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ

ສປປ ລາວ ມີຜົນຄືບໜ້າໃນວຽກງານຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍຄະນະກຳມະການແຫ່ງຊາດ ເພື່ອຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ ການຮ້າຍ ໄດ້ຈັດຕັ້ງກອງປະຊຸມ ຄະນະກຳມະການແຫ່ງຊາດ ເພື່ອ ຕ້ານການຟອກເງິນ ແລະ ການ ສະໜອງທຶນໃຫ້ແກ່ການກໍ່ການ ຮ້າຍສະໄໝສາມັນຄັ້ງທີ I ປະ ຈໍາປີ 2018 ຂຶ້ນ ໃນວັນທີ 12 ມີນາ 2018 ຢູ່ຫ້ອງປະຊຸມທະ ນາຄານແຫ່ງ ສປປ ລາວທີ່ນະ ຄອນຫຼວງວຽງຈັນ ໂດຍພາຍ ໃຕ້ການເປັນປະທານຂອງ ທ່ານ ສົມດີ ດວງດີ ຮອງນາຍົກລັດ ຖະມົນຕີ, ລັດຖະມົນຕີ

ກະຊວງ ການເງິນ, ປະທານຄະນະກຳມະ ການແຫ່ງຊາດ ເພື່ອຕ້ານການ ຟອກເງິນ ແລະ ການສະໜອງ ທຶນໃຫ້ແກ່ການກໍ່ການຮ້າຍ; ພ້ອມນີ້ ຍັງມີຮອງປະທານ ແລະ ບັນດາສະມາຊິກຄະນະກຳມະການແຫ່ງຊາດ ເພື່ອຕ້ານການ ຟອກເງິນ ແລະ ການສະໜອງ ທຶນໃຫ້ແກ່ການກໍ່ການຮ້າຍທີ່ ເປັນການນໍາລະດັບສູງຈາກບັນ ດາກະຊວງ ແລະ ພາກສ່ວນ ກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ ໄດ້ມີການ ລາຍງານເຖິງຄວາມຄືບໜ້າໃນ ການຈັດຕັ້ງປະຕິບັດວຽກງານທີ່ ຜ່ານມາກໍຄືມະຕິຂອງກອງປະ ຊຸມສະໄໝສາມັນ ຄັ້ງທີ III ປີ 2017 ແລະ ຍັງໄດ້ປຶກສາຫາ ລືບາງບັນຫາທີ່ພົ້ນເດັ່ນກ່ຽວກັບ ວຽກງານການຕ້ານການຟອກ ເງິນ ແລະ ສະໜອງທຶນໃຫ້ແກ່ ການກໍ່ການຮ້າຍ ໂດຍສະເພາະ ກ່ຽວກັບຜົນການປະເມີນເບື້ອງ ຕົ້ນຄວາມສ່ຽງລະດັບຊາດການ ຟອກເງິນ ແລະ ການສະໜອງ ທຶນໃຫ້ແກ່ການກໍ່ການຮ້າຍ; ການສ້າງຄວາມສາມາດໃຫ້ບັນ ດາຂະແໜງການຕິດພັນກັບການ ສືບສວນ-ສອບສວນຄະດີການ ຟອກເງິນ ແລະ ການປັບປຸງ ກົນໄກການດໍາເນີນງານ, ປະ ສານງານພາກສ່ວນກ່ຽວຂ້ອງ ເພື່ອຮັບຮອງການຈັດຕັ້ງປະຕິ ບັດ 40 ຂໍ້ແນະນໍາຂອງອົງການ ຕ້ານການຟອກເງິນສາກົນ (FATF) ແລະ ບັນຫາອື່ນໆທີ່ ປິ່ນອ້ອມອີກຈໍານວນໜຶ່ງ.
ທ່ານ ນາງ ແພງສີ ແພງເມືອງ ຫົວໜ້າສໍານັກງານຂໍ້ມູນຕ້ານ ການຟອກເງິນ ໄດ້ລາຍງານ ຢ່າງຈະແຈ້ງກ່ຽວກັບການຈັດ ຕັ້ງປະຕິບັດມະຕິຂອງຄະນະກຳ ມະການແຫ່ງຊາດ ເພື່ອຕ້ານ ການຟອກເງິນ ແລະ ການສະ ໜອງທຶນໃຫ້ແກ່ການກໍ່ການ ຮ້າຍໃນຄັ້ງກ່ອນ; ການຈັດຕັ້ງ ປະຕິບັດວຽກງານຂອງສໍານັກ ງານຂໍ້ມູນຕ້ານການຟອກເງິນ; ການເຂົ້າເປັນສະມາຊິກກຸ່ມຮ່ວມ ມືໃນການແລກປ່ຽນຂໍ້ມູນລະ ຫວ່າງໜ່ວຍງານຂໍ້ມູນຕ້ານ ການຟອກເງິນສາກົນ (Egmont Group) ແລະ ບັນຫາອື່ນໆ ລວມທັງ 4 ຂໍ້ແນະນຳຂອງກຸ່ມ ອາຊີ-ປາຊີຟິກ ເພື່ອຕ້ານການ ຟອກເງິນ(APG); ການຮ່ວມມື ສາກົນ ແລະ ການສ້າງຜູ້ປະເມີນ.
ທັງໝົດນັ້ນ ກໍເພື່ອຮັບປະກັນ ບໍ່ໃຫ້ ສປປ ລາວ ຕົກຢູ່ໃນການ ຕິດຕາມຂອງສາກົນ ທັງເປັນ ການປຶກສາຫາລືເຖິງຄວາມຄືບ ໜ້າ ທີ່ ສປປ ລາວ ໄດ້ມີການຈັດ ຕັ້ງປະຕິບັດກ່ຽວກັບວຽກງານ ຕ້ານການຟອກເງິນ ແລະ ສະ ໜອງທຶນໃຫ້ແກ່ການກໍ່ການຮ້າຍ ຕາມແຜນການທີ່ວາງໄວ້ ແລະ ເພື່ອເຮັດໃຫ້ລະບົບເສດຖະກິດ-ການເງິນ ມີຄວາມເປັນລະບຽບ ຮຽບຮ້ອຍ, ມີຄວາມເຂັ້ມແຂງ, ໝັ້ນຄົງ ແລະ ເຊື່ອມໂຍງກັບພາກພື້ນ ແລະ ສາກົນ.
ໂດຍ: ຣັດສະໝີ ດວງສັດຈະ

ຂ່າວມື້ນີ້

ຂ່າວເດັ່ນ