Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 109  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມເຄື່ອນໄຫວຢ້ຽມຢາມ ແລະ ເຮັດວຽກຢູ່ກອງພົນທີ 1

ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມເຄື່ອນໄຫວຢ້ຽມຢາມ ແລະ ເຮັດວຽກຢູ່ກອງພົນທີ 1ວັນທີ 10 ມີນາ 2018 ນີ້, ທ່ານ ສົມມາດ ພົນເສນາ ກໍາມະ ການສູນກາງພັກ, ລັດຖະມົນຕີ ກະຊວງຊັບພະຍາກອນທໍາມະ ຊາດ ແລະ ສິ່ງແວດລ້ອມ ພ້ອມ ຄະນະ ແລະ ບັນດາກົມວິຊາ ການ, ພະແນກການທີ່ກ່ຽວຂ້ອງ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ກອງພົນທີ 1 ເຊິ່ງໃຫ້ ການຕ້ອນຮັບຈາກ ພັນເອກ ແສງຍືນ ລັດສະໝີ ເລຂາຄະນະ ພັກ, ຫົວໜ້າການເມືອງກອງ ພົນທີ 1 ພ້ອມຄະນະ.


ໂອກາດດັ່ງກ່າວຄະນະໄດ້ ຮັບຟັງ ການລາຍງານຫຍໍ້ຈາກ ພັນເອກ ແສງຍືນ ລັດສະໝີ ກ່ຽວກັບປະຫວັດການກໍາເນີດ ແລະ ເຕີບໃຫຍ່ຂະຫຍາຍຕົວ ແລະ ການເຄື່ອນໄຫວເຮັດໜ້າທີ່ຕາມພາ ລະບົດບາດ, ຂອບເຂດ, ສິດ, ໜ້າທີ່ ທີ່ໄດ້ຮັບການມອບໝາຍຈາກ ພັກ-ລັດ ກໍຄືປະຊາຊົນລາວບັນ ດາເຜົ່າ ຕະຫຼອດໄລຍະຜ່ານມາກໍຄືໃນປັດຈຸບັນ ເຊິ່ງໄດ້ເຮັດໃຫ້
ຂອບເຂດກົມກອງຮັບຜິດຊອບ ມີຄວາມສະຫງົບໂດຍພື້ນຖານ. ໂອກາດນີ້ ທ່ານ ສົມມາດ ພົນເສນາ ໄດ້ສະແດງຄວາມຍ້ອງຍໍ ຊົມເຊີຍຕໍ່ຜົນງານ ແລະ ໄຊຊະນະທີ່ກອງພົນທີ 1 ໄດ້ອອກແຮງເຄື່ອນໄຫວ ແລະ ຍາດໄດ້ຜົນ ສໍາເລັດໃນຫຼາຍດ້ານໃນການເຮັດໜ້າທີ່ອັນມີກຽດສະຫງ່າ ງາມຂອງຕົນໃນໄລຍະຜ່ານມາ. ພ້ອມທັງເຊື່ອໝັ້ນວ່າຄະນະ ພັກ-ຄະນະບັນຊາການກອງພົນ ທີ 1 ອອກແຮງເສີມຂະຫຍາຍຮັກສາທາດແທ້ມູນເຊື້ອນໍ້າໃຈ ປະຫວັດຢ່າງອົງອາດ, ກ້າຫານ,ເດັດດ່ຽວ, ໜຽວແໜ້ນ, ບໍ່ຍອມຈໍານົນ, ໂດຍປະຊາຊົນ ແລະ ເພື່ອປະຊາຊົນ, ພາຍໃຕ້ການນໍາພາ ແລະ ສຶກສາອົບຮົມຈາກພັກ, ຍາມໃດກໍມີຄວາມ ຈົງຮັກພັກດີ, ມີຄວາມບໍລິສຸດຜຸດຜ່ອງ, ມີລະບຽບແບບແຜນທີ່ເຂັ້ມງວດ, ເຊື່ອຫມັ້ນຕໍ່ການນຳ ພາຂອງພັກ, ເຊື່ອໝັ້ນຕໍ່ກໍາລັງແຮງຂອງຕົນ, ມີ ຄວາມເດັດດ່ຽວໜຽວແໜ້ນ, ພິລາດອາດຫານ, ມີນໍ້າໃຈເສຍສະຫຼະອັນສູງສົ່ງຜ່ານຜ່າຄວາມຫຍຸ້ງຍາກຍາກນາໆປະການ 

ມີນໍ້າໃຈດຸໝັ່ນຂະຫຍັນພຽນໃນ ການອອກແຮງງານ, ເພີ່ມພູນຜະລິດຜົນ ແລະ ປະຢັດທັດທ່ຽງ,ໂອກາດລົງເຄື່ອນໄຫວໃນຄັ້ງ ນີ້, ທ່ານລັດຖະມົນຕີກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ຍັງໄດ້ນຳເອົາ ເຄື່ອງຈຳນວນຫນຶ່ງໄປມອບ ເພື່ອຊຸກຍູ້ນໍ້າໃຈຟົດຟື້ນປະຕິວັດ ຂອງພະນັກງານ-ນັກຮົບ ກອງ ພົນທີ 1 ເຊິ່ງປະກອບມີ: ຄອມພີວ ເຕີ ຕັ້ງໂຕະ ຈໍານວນ 2 ຊຸດ, ເຄື່ອງນຸ່ງກີລາ 30 ຊຸດ, ບານ ເຕະ 3 ໜ່ວຍ, ກະຕໍໍ້ 3 ໜ່ວຍ. ພິເສດກໍແມ່ນທາງສະຫະພັນແມ່ ຍິງກະຊວງຊັບພະຍາກອນທໍາ ມະຊາດ ແລະ ສິ່ງແວດລ້ອມ ໄດ້ມອບເງິນສົດຈໍານວນ 10.000.000 ກີບ ໃຫ້ສະຫະ ພັນແມ່ຍິງກອງພົນທີ 1 ເນື່ອງໃນ ໂອກາດວັນແມ່ຍິງສາກົນຕື່ມ ອີກ.
ໂດຍ: ໂກຮັງ ພັນທະວົງ

ຂ່າວມື້ນີ້

ຂ່າວເດັ່ນ