Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 72  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ພິທີມອບ - ຮັບໂຄງການກໍ່ສ້າງຂົວມິດຕະພາບ ລາວ - ຍີ່ປຸ່ນ ແຂວງເຊກອງ

ພິທີມອບ - ຮັບໂຄງການກໍ່ສ້າງຂົວມິດຕະພາບ ລາວ - ຍີ່ປຸ່ນ ແຂວງເຊກອງໃນວັນທີ 12 ກຸມພາ 2018 ນີ້, ທີ່ເມືອງລະມາມ, ແຂວງເຊ ກອງ ໄດ້ຈັດພິທີມອບ-ຮັບໂຄງ ການກໍ່ສ້າງຂົວມິດຕະພາບ ລາວ-ຍີ່ປຸ່ນ ເຊິ່ງເປັນຂົວຂ້າມ ນໍ້າເຊກອງແຕ່ເມືອງລະມາມ ຫາ ເມືອງດາກຈຶງ ແຂວງເຊ ກອງ ໂດຍການເຂົ້າຮ່ວມຂອງ ທ່ານ ປອ ບຸນທອງ ຈິດມະນີ ກໍາມະການກົມການເມືອງສູນ ກາງພັກ, ເລຂາທິການສູນກາງ ພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງ ພັກ-ປະທານອົງການກວດກາ ລັດຖະບານ, ທ່ານ ທາເຄຊິ ຮິ ຄິຮາຣະ ເອກອັກຄະລາຊະທູດ ຍີ່ປຸ່ນປະຈໍາລາວ, ທ່ານ ປອ ບຸນ ຈັນ ສິນທະວົງ ລັດຖະມົນຕີກະ

ຊວງໂຍທາທິການ ແລະ ຂົນສົ່ງ, ມີທ່ານ ຄໍາເຜີຍ ບຸດດາວຽງ ເຈົ້າ ແຂວງໆເຊກອງ, ທ່ານລັດຖະ ມົນຕີກະຊວງແຜນການ ແລະ ການລົງທຶນ, ທ່ານປະທານກໍາ ມາທິການແຜນການ, ການເງິນ ແລະ ກວດສອບ, ຕາງໜ້າຈາກ ອົງການໄຈກາ, ພ້ອມດ້ວຍການ ນໍາຂອງແຂວງ, ຂອງເມືອງ, ປະທານກຸ່ມບໍລິສັດຜູ້ຮັບເໝົາ ໂຄງການ, ບັນດາແຂກຖືກເຊີນ ແລະ ມວນຊົນຊາວແຂວງເຊ ກອງເຂົ້າຮ່ວມຢ່າງຫຼວງຫຼາຍ.
ໂຄງການກໍ່ສ້າງຂົວນໍ້າເຊ ກອງມິດຕະພາບລາວ-ຍີ່ປຸ່ນ ແມ່ນໄດ້ສ້າງມາແຕ່ຕົ້ນປີ 2015 ເຊິ່ງໃຊ້ເວລາກໍ່ສ້າງ 39 ເດືອນ, ຂົວມີຄວາມຍາວ 300 ແມັດ, ອອກແບບກໍ່ສ້າງຕາມມາດຖານ ເຕັກນິກຂອງສາກົນ, ເປັນຂົວ ເບຕົງເສີມເຫຼັກອັດແຮງແບບປະ ສົມລະຫວ່າງສາຍກາບຖ່ວງດຶງ ແລະ ຂາງແບບຮູບກັບ 4 ຫຼ່ຽມ; ສາມາດຮັບນໍ້າໜັກໄດ້ 800 ໂຕນ. ມີ 3 ເສົາກາງນໍ້າ ແລະ ເສົາຫົວຂົວ 2 ເສົາ; ລະບົບຮາກ ຖານຈໍານວນໜຶ່ງຕອກເສົາເຂັມ, ມີຈໍານວນ 17 ຕົ້ນ; ມີ 4 ຊ່ວງ, ຊ່ວງກາງນໍ້າທີ່ກວ້າງທີ່ສຸດ 110 ແມັດ; ຄວາມກວ້າງຂອງ ໜ້າຂົວ 11 ແມັດ, ໜ້າທາງລົດ ແລ່ນ 8 ແມັດ; ທາງຍ່າງເບື້ອງ ລະ 1,5 ແມັດ, ປູດ້ວຍຢາງຂົ້ວ, ໜາ 8 ຊັ່ງຕີແມັດ; ມີທາງເຂົ້າ ຂົວ 2 ເບື້ອງ, ຍາວ 528 ແມັດ, ກວ້າງ 10 ແມັດ, ປູດ້ວຍຢາງ ຂົ້ວ, ໜາ 10 ຊັງຕີແມັດ; ມີລະ ບົບໄຟເຍືອງທາງເພື່ອຮັບປະ ກັນຄວາມປອດໄພໃນເວລາ ການສັນຈອນ.
ໂອກາດນີ້, ທ່ານ ປອ ບຸນຈັນ ສິນທະວົງ ໄດ້ກ່າວວ່າ: ໂຄງ ການກໍ່ສ້າງຂົວຂ້າມນໍ້າເຊກອງ ແຕ່ເມືອງລະມາມ ຫາ ເມືອງ ດາກຈຶງ ແຂວງເຊກອງແມ່ນ ໄດ້ຮັບການຊ່ວຍເຫຼືອລ້າຈາກ ລັດຖະບານ ແລະ ປະຊາຊົນຍີ່ ປຸ່ນໃນມູນຄ່າທັງໝົດ 1,62 ຕື້ ເຢັນ ຫຼື ປະມານ 16,20 ລ້ານ ໂດລາສະຫະລັດ ໂດຍຜ່ານອົງ ການໄຈກາ, ພິເສດແມ່ນທ່ານ ເອກອັກຄະລາຊະທູດຍີ່ປຸ່ນປະ ຈໍາລາວ ທີ່ໄດ້ໃຫ້ການສະໜັບ ສະໜູນຊ່ວຍເຫຼືອລັດຖະບານ ລາວ, ຕາງໜ້າໃຫ້ລັດຖະບານ ລັດ ແຫ່ງ ສປປ ລາວ ຂໍຂອບໃຈ ຕໍ່ລັດຖະບານ ແລະ ປະຊາຊົນຍີ່ ປຸ່ນ ແລະ ອົງການໃຈກາ. ໂອ ກາດນີ້, ຂ້າພະເຂົ້າຂໍຮັບເອົາ ໂຄງການຈາກທ່ານເອກອັກຄະ ລາຊະທູດຍີ່ປຸ່ນປະຈໍາລາວ, ເຊິ່ງເປັນຂອງຂວັນອັນລໍ້າຄ່າ ຈາກລັດຖະບານ ແລະ ປະຊາ ຊົນຍີ່ປຸ່ນທີ່ມອບໃຫ້ລັດຖະບານ ແລະ ປະຊາຊົນລາວ ແລະ ພ້ອມ ດຽວກັນນີ້ ຂ້າພະເຈົ້າຂໍມອບ ຂົວນີ້ໃຫ້ທ່ານເຈົ້າແຂວງໆເຊ ກອງເພື່ອສືບຕໍ່ຄຸ້ມຄອງປົກປັກ ຮັກສານໍາໃຊ້ໃຫ້ຍາວນານ ແລະ ມີປະໂຫຍດສູງສຸດ.
ພິທີດັ່ງກ່າວທ່ານເຈົ້າແຂວງໆ ເຊກອງກ່າວຕື່ມອີກວ່າ: ການ ເປີດນໍາໃຊ້ຂົວຂ້າມນໍ້າເຊກອງ ໃນມື້ນີ້ນອກຈາກສ້າງຄວາມສະ ດວກໃຫ້ແກ່ການຄົມມະນາຄົມ ຂົນສົ່ງ, ການໄປມາຫາສູ່ຄ້າ ຂາຍ ແລະ ການເຂົ້າເຖິງການບໍ ລິການດ້ານການສຶກສາ-ສາທາ ລະນະສຸກຂອງປະຊາຊົນທີ່ອາ ໄສຢູ່ 2 ຟາກຝັ່ງແມ່ນໍ້າເຊກອງ ແລ້ວ, ຍັງເປັນການເປີດເສັ້ນ ທາງໃຫ້ແກ່ການເຊື່ອມໂຍງດ້ານ ເສດຖະກິດ, ການຄ້າ, ການລົງ ທຶນ ແລະ ການທ່ຽວທ່ອງທີ່ອັດ ຕັນມາດົນນານລະຫວ່າງພາກ ພື້ນ ແລະ ອະນຸພາກພື້ນ, ການ ເຊື່ອມໂຍງລະຫວ່າງ ສປປ ລາວ, ສສ ຫວຽດນາມ, ກໍາປູ ເຈຍ ແລະ ຣາຊະອານາຈັກໄທ. ຈາກການເຊື່ອມໂຍງດັ່ງກ່າວຈະ ເຮັດໃຫ້ມູນຄ່າດ້ານການຄ້າ, ການລົງທຶນ ແລະ ການຂົນສົ່ງ ສິນຄ້າຂະຫຍາຍໄປເຖິງຊາຍ ແດນຈີນ ໂດຍຜ່ານ ສສ ຫວຽດ ນາມອີກດ້ວຍ.
ພິທີດັ່ງກ່າວຍັງໄດ້ປະດັບ ຫຼຽນໄຊພັດທະນາ ແລະ ຫຼຽນ ໄຊແຮງງານໃຫ້ຜູ້ສະໜອງທຶນ ແລະ ລັ່ນຄ້ອງເປີດການນຳໃຊ້ ຢ່າງເປັນທາງການ ໂດຍທ່ານ ປອ ບຸນທອງ ຈິດມະນີ ຮອງ ນາຍົກລັດຖະມົນຕີ ແຫ່ງ ສປປ ລາວ.

ຂ່າວມື້ນີ້

ຂ່າວເດັ່ນ