Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 108  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ໄຂງານເທສະການກຸດຈີນ 2018 ຢູ່ນະຄອນຫຼວງວຽງຈັນ

ໄຂງານເທສະການກຸດຈີນ 2018 ຢູ່ນະຄອນຫຼວງວຽງຈັນສະຖານທູດ​ ສປ ຈີນ ຮ່ວມ​ກັບສູນວັດທະນະທຳ​ຈີນ ປະຈຳ ສປປ ລາວ ​ແລະ ກະຊວງ​ຖະ​ ​ແຫຼ​ງຂ່າວ​ວັດທະ​ນະ​ທຳ ​ແລະ ທ່ອງທ່ຽວ​ຂອງ ສປປ ລາວ ​ໄດ້​ພ້ອມ​ກັນ​ໄຂ​ງານ​ມະ​​ໂຫລານ​ເທ ສະການ​ກຸດ​ຈີນ 2018 ຂຶ້ນ, ຢູ່​ທີ່ຫໍ​ວັດທະນະທຳ​ແຫ່ງ​ຊາດ, ນະ ຄອນ​ຫຼວງ​ວຽງ​ຈັນ, ​ໃນ​ວັນ​ທີ 10 ກຸມພາ 2018 ນີ້, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ກິ​ແກ້ວ ​ໄຂຄຳ​ພິທູນ ​ເລຂາ​ທິການ​ສູນ​ກາງ​ພັກ, ຫົວໜ້າ​ຄະນະ​ໂຄສະນາ​ອົບຮົມ​ສູນ​ກາງ​ພັກ, ທ່ານ ຄຳ​ມະນີ ອິນ​ທິລາດ ກຳມະການ​ສູນ​ກາງພັກ, ລັດຖະມົນຕີ​ກະຊວງ​ພະ​ລັງງານ ​ແລະ ບໍ່​ແຮ່, ປະ​ທານ​ສະມາຄົມ​ ມິດຕະພາບ ລາວ-ຈີນ,

ທ່ານ ຫວັງ​ເຫວີ​ນທຽນ ​ເອກ​ອັກຄະ​ລັດ ຖະທູ​ດວິສາມັນ​ຜູ້​ມີ​ອຳນາດ​ເຕັມ ​ແຫ່ງ ສປ ຈີນ ປະຈຳ ສປປ ລາວ, ​ແຂກ​ຖືກ​ເຊີນ, ຊາວ​ຈີນ​ທີ່​ດຳລົງ ຊີວິດ​ຢູ່​ລາວ ​ແລະ ມວນ​ຊົນ​ຊາວ ນະຄອນຫຼວງ​ວຽງ​ຈັນ​ເຂົ້າ​ຮ່ວມ ຢ່າງ​ຫຼວງ​ຫຼາຍ.

ທ່ານ ນາງ ຕິ່ງຊິງ ຫົວໜ້າ​ສູນວັດທະນະທຳ​ຈີນ ປະຈຳ ສປປ ລາວ ​ໄດ້​ໃຫ້​ຮູ້​ວ່າ: ງານ​ມະ​ໂຫ ລານ​ເທສະ​ການ​ກຸດ​ຈີນຢູ່ ສປປ ລາວ ​ແມ່ນ​ໄດ້​ຈັດ​ຂຶ້ນ​ຫຼາຍ​ຄັ້ງ ​ແລ້ວ ​ແລະ ປີ​ນີ້​ແມ່ນ​ເປັນ​ປີ​ທີ 4 ຖືວ່າ​ເປັນ​ງານ​ວັດທະນະທຳ​ຈີນ​ທີ່ໃຫຍ່ທີ່​ສຸດ​ໃນ ສປປ ລາວ ທັງ​ນີ້ ​ເພື່ອ​ສະ​ເຫຼີ​ມສະຫຼອງ​ວັນ​ຂຶ້ນ​ປີ​ໃໝ່ ( ຫຼື​ກຸດ​ຈີນ ) ຂອງ​ພີ່ນ້ອງ​ຊາວຈີນ ​ແລະ ​ເປັນ​ການ​ເຜີຍ​ແຜ່​ວັດ ທະ​ນະ​ທຳ​ອັນ​ດີງາມ​ຂອງ ສປ ຈີນ
ອີກ​ດ້ວຍ, ພາຍ​ໃນ​ງານ​ຈະ​ມີ​ ການສະ​ແດງ​ສິລະ​ປະວັດທະນະ ທຳ​ດ້ວຍ​ບົດ​ຟ້ອນ, ບົດ​ຮ້ອງ ​ແລະ ຂັບ​ລຳ​ຈີນ ທັງ​ແບບ​ພື້ນ​ເມືອງ ​​ແລະ ທັນ​ສະ​ໄໝ, ມີ​ການວາງສະ ​ແດງ​ສາທິດ​ການ​ປຸງ​ແຕ່ງອາ ຫານ​ຈີນ, ການ​ຫຼິ້ນ​ເກ​ມ​ເພື່ອ​ຊິງ ລາງວັນ ​ແລະ ຫຼາກ​ຫຼາຍ​ກິດຈະ ກຳ​ເພື່ອ​ເຮັດ​ໃຫ້ການ​ສະ​ເຫຼີ​ມສະ ຫຼອງ​ວັນ​ກຸດ​ຈີນ​ປີ​ນີ້​ມີ​ບັນຍາກາດ ຟົດ​ຟື້ນ​ມ່ວນ​ຊື່ນ​ເຕັມ​ໄປ​ດ້ວຍ​ມິດ ຕະພາບ ​ແລະ ສີສັນ​ອັນ​ງົດ​ງາມ.
​ໂດຍ:​ ຈັນທະ​ວົງ ອຸ່ນວິໄລຫົງ

ຂ່າວມື້ນີ້

ຂ່າວເດັ່ນ