Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 184  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກົມລົດຕັງ - ຍານເກາະສະຫຼຸບຖອດຖອນບົດຮຽນວຽກງານຮອບດ້ານປະຈຳປີ 2017

ກົມລົດຕັງ - ຍານເກາະສະຫຼຸບຖອດຖອນບົດຮຽນວຽກງານຮອບດ້ານປະຈຳປີ 2017ໃນວັນທີ 9 ກຸມພາ 2018 ນີ້, ກົມລົດຕັງ-ຍານເກາະ ໄດ້ຈັດ ກອງປະຊຸມສະຫຼຸບຖອດຖອນບົດ ຮຽນວຽກງານຮອບດ້ານປະຈຳ ປີ 2017 ແລະ ວາງທິດທາງແຜນ ການປະຈຳປີ 2018, ໂດຍການ ເປັນປະທານຂອງທ່ານ ພົນຈັດ ຕະວາ ບົວວັນ ບຸດທະຈັນໂທ ຫົວ ໜ້າກົມລົດຕັງ-ຍານເກາະ ກົມ ໃຫຍ່ເສນາທິການກອງທັບ, ມີ ຄະນະກົມ, ຄະນະພັກ-ຄະນະບັນຊາກອງພັນໃຫຍ່ 661, ສູນເຝິກ 620, ພະແນກການ ແລະ ພະ ນັກງານທີ່ກ່ຽວຂ້ອງເຂົ້າຮ່ວມ.


ພັນເອກ ຄຳແພງ ຍຸທະວົງ ຮອງຫົວໜ້າກົມລົດຕັງ-ຍານ ເກາະກົມໃຫຍ່ເສນາທິການກອງ ທັບຂຶ້ນຜ່ານບົດສະຫຼຸບວຽກ ງານຮອບດ້ານປະຈຳປີ 2017, ໂດຍຊີ້ໃຫ້ເຫັນວ່າ: ໃນ 1 ປີຜ່ານ ມາ ຄະນະພັກ-ຄະນະບັນຊາໄດ້ ຖືສຳຄັນວຽກງານສຶກສາອົບຮົມ ການເມືອງນຳພາແນວຄິດ, ຕິດ ພັນແໜ້ນກັບວຽກງານອົບຮົມ- ຫັດແອບກໍ່ສ້າງກຳລັງ, ແມ່ນ ວຽກງານໜຶ່ງທີ່ສຳຄັນຂອງ ກອງທັບເຮົາໃນໄລຍະໃໝ່ ເຫຼົ່າ ຮົບລົດຕັງ-ຍານເກາະໄດ້ເອົາໃຈ ໃສ່ຊີ້ນຳ-ນຳພາກົມກອງເຫຼົ່າຮົບ ອົບຮົມດ້ານການເມືອງຫັດແອບ ດ້ານການທະຫານ ແລະ ວິຊາ ສະເພາະເຕັກນິກຂອງເຫຼົ່າຮົບ ຢ່າງເປັນປົກກະຕິ ອັນພົ້ນເດັ່ນ ແມ່ນເຂົ້າຮ່ວມການແຂ່ງຂັນກີ ລາການທະຫານນາໆຊາດທີ່ ສ ຣັດເຊຍ ປະຕິບັດຄາດໝາຍໄດ້ 85%, ນອກຈາກນັ້ນຍັງໄດ້ເອົາ ໃຈໃສ່ຕໍ່ວຽກງານສ້າງພະລາທິ ການກັບທີ່, ໂດຍປະຕິບັດນ້ຳໃຈ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນ ເອງ ເພື່ອຮັບປະກັນໄດ້ທາງດ້ານ ພະລາທິການ ການກິນຢູ່ ແລະ ຮັບປະກັນດ້ານສຸຂະພາບແຂງ ແຮງດ້ານພາຫະນະເຕັກນິກ ກຽມພ້ອມສູ້ຮົບໃນການບຳລຸງ ຮັກສາຜັດເຊັດອາວຸດບໍ່ໃຫ້ຕົກ ເຫ່ຍເສຍຫາຍຮັບປະກັນການ ກຽມພ້ອມສູ້ຮົບໄດ້ 100% ຄຽງ ຄູ່ກັບວຽກງານໃຈກາງຂອງ ເຫຼົ່າຮົບແລ້ວ, ຍັງໄດ້ເອົາໃຈໃສ່ ວຽກງານພັກ-ວຽກງານການ ເມືອງ ເອົາໃຈໃສ່ປັບປຸງກໍ່ສ້າງ ພັກ, ຊັບຊ້ອນພະນັກງານຢູ່ພາຍ ໃນແຕ່ລະໄລຍະ, ແນໃສ່ເພື່ອໃຫ້ ແທດເໝາະ ແລະ ສົມຄູ່ກັບໜ້າທີ່ ຕຳແໜ່ງ, ຄວາມຮູ້ຄວາມສາ ມາດ ແລະ ມາດຖານຂອງພະ ນັກງານ-ໜ່ວຍພັກໄດ້ຮັບນາ ມະຍົດເປັນໜ່ວຍພັກແຂງ-ຮູ້ນຳ ພາຮອບດ້ານເປັນສະໄໝທີ V, ສະມາຊິກ​ພັກ​ແຂງ​ຮອບດ້ານ​ ກວມ​ເອົາ 90,47% ​ແລະ ​ໄດ້​ຮັບ​ການ​ຢັ້ງຢືນ​ນາມະຍົດ​ເປັນ ກອງ​ປອດ​ໃສ,​ ປອດ​ໄພ, ປອດ ຄະດີ.
​ໃນ​ກອງປະຊຸມທ່ານ​ ພົນ​ຈັດ ຕະວາ ບົວ​ວັນ ບຸດ​ທະ​ຈັນ​ໂທ ກໍ​ໄດ້​ເນັ້ນ​ໃຫ້​ຄະນະ​ນຳ​ບັນດາ​ກົມ ກອງ, ສູນ​ເຝິກ​, ພະ​ແນ​ກການ ຈົ່ງ​ພ້ອມ​ກັນ​ຍົກ​ສູງ​ຄວາມ​ຮັບຜິດ ຊອບ​ການ​ເມືອງ​ຂອງ​ຕົນ, ​ເຝິກ ຝົນ​ຄຸນ​ສົມບັດສິນ​ທຳ​ປະຕິວັດ ​ແລະ ​ແບບ​ແຜນວິທີ​ເຮັດ​ວຽກຂອງ​ຕົນ​ໃຫ້​ສອດຄ່ອງມີ​ວິທະຍາ ສາດ​ ເຮັດ​ວຽກ​ເປັນ​ໝູ່​ຄະນະ, ບຸກຄົນ​ຮັບຜິດຊອບ​, ​ເອົາ​ໃຈ​ໃສ່​ຕິດຕາມ​ກວດກາ​ຊີ້​ນຳ​ບັນດາ​ຮາກ​ຖານ​ກົມກອງຂຶ້ນກັບ​ຢ່າງ​ໃກ້ຊິດ, ​ເພື່ອເຮັດ​​ໃຫ້​ສະພາບ​ກົມ​ກອງ​ມີ​ຄວາມ​ສະຫງົບ ​ແລະ ມີ​ການ​ປັບປຸງ​ໃຫ້​ເຂັ້ມ​ແຂງ​ໜັກ​ແໜ້ນ​ທຸກ​ດ້ານ.

ຂ່າວມື້ນີ້

ຂ່າວເດັ່ນ