Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 119  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ແຂວງເຊກອງ ຕີລາຄາການເຄື່ອນໄຫວວຽກງານສາທາລະນະສຸກປະຈຳປີ 2018

ທ່ານ ດຣ ພູຂັນ ຈັນທະວົງ ຮອງຫົວໜ້າພະແນກສາທາລະ ນະສຸກແຂວງເຊກອງລາຍງານ ຕໍ່ກອງປະຊຸມສະຫຼຸບຕີລາຄາຄືນ ການຈັດຕັ້ງປະຕິບັດວຽກງານ ສາທາລະນະສຸກແຂວງເຊກອງ ປະຈຳປີ 2017 ແລະ ວາງທິດ ທາງແຜນການປີ 2018 ໄດ້ຈັດ ຂຶ້ນໃນວັນທີ 31 ມັງກອນ 2018 ນີ້ ທີ່ສະໂມສອນສະພາປະຊາຊົນ ແຂວງເຊກອງວ່າ: ປີ 2017 ຜ່ານມານີ້ພະແນກສາທາລະນະ ສຸກແຂວງເຊກອງ ໄດ້ເອົາໃຈໃສ່ ເຄື່ອນໄຫວຢ່າງຕັ້ງໜ້າໂດຍສະ ເພາະໄດ້ສຸມໃສ່ຈັດຕັ້ງປະຕິບັດ 10 ຕົວຊີ້ວັດຂອງຂະແໜງສາ ທາລະນະສຸກໄດ້ຢ່າງມີຜົນສຳ ເລັດເປັນຕົ້ນ: ອັດຕາເດັກນ້ອຍ ລຸ່ມ 5 ປີ ທີ່ມີນ້ຳໜັກຕ່ຳກວ່າ ມາດຕະຖານຂອງປະຊາກອນ

ກຸ່ມເປົ້າໝາຍຄາດໝາຍປີ 2017 ໃຫ້ຫຼຸດລົງຍັງເຫຼືອ 43% ປະຕິ ບັດຕົວຈິງຫຼຸດລົງຍັງເຫຼືອ 20% ລື່ນແຜນການທີ່ໄດ້ກໍານົດໄວ້, ອັດຕາການຕາຍຂອງເດັກນ້ອຍ ລຸ່ມ 1 ປີ ຄາດໝາຍປີ 2017 ອັດ ຕາສ່ວນ 1.000 ຄົນ/44 ຄົນທີ່ ເສຍຊີວິດ ປະຕິບັດຕົວຈິງອັດຕາ ສ່ວນ 1.000/22 ຄົນ ທີ່ເສຍຊີ ວິດລື່ນແຜນການທີ່ກໍານົດໄວ້, ອັດຕາການຕາຍຂອງເດັກນ້ອຍ ລຸ່ມ 5 ປີ ຄາດໝາຍປີ 2017 ອັດ ຕາສ່ວນ 1.000/52 ຄົນ ທີ່ເສຍ ຊີວິດປະຕິບັດຕົວຈິງອັດຕາສ່ວນ 1.000/26 ຄົນ ທີ່ເສຍຊີວິດລື່ນແຜນການທີ່ກໍານົດໄວ້, ອັດຕາ ການຕາຍຂອງແມ່ຄາດໝາຍປີ 2017 ອັດຕາສ່ວນ 100.000/ 195 ຄົນ ທີ່ເສຍຊີວິດ ປະຕິບັດ ຕົວຈິງອັດຕາການຕາຍຂອງແມ່ 100.000/64 ຄົນ ລື່ນແຜນ ການທີ່ກໍານົດໄວ້, ອັດຕາການ ເກີດລູກມີແພດຊ່ວຍຄາດໝາຍປີ 2017 ໃຫ້ເພີ່ມຂຶ້ນ 40% ປະ ຕິບັດຕົວຈິງໄດ້ 45% ລື່ນຄາດ ໝາຍທີ່ກໍານົດໄວ້, ອັດຕາການ ສັກຢາກັນພະຍາດໃຫ້ເດັກນ້ອຍ ລຸ່ມ 1 ປີຂອງປະຊາກອນກຸ່ມເປົ້າໝາຍຄາດໝາຍປີ 2017 ໃຫ້ໄດ້ 90% ປະຕິບັດຕົວຈິງໄດ້ 99% ລື່ນຄາດໝາຍທີ່ກໍານົດໄວ້, ຄາດ ໝາຍອັດຕາການຊົມໃຊ້ນໍ້າສະ ອາດປີ 2017 ໃຫ້ໄດ້ 85% ປະ ຕິບັດຕົວຈິງໄດ້ 72% ຫຼຸດຄາດ ໝາຍ, ຄາດໝາຍອັດຕາການຊົມ ໃຊ້ວິດຖ່າຍປີ 2017 ໃຫ້ໄດ້ 75% ປະຕິບັດຕົວຈິງໄດ້ 67% ຫຼຸດຄາດໝາຍ ແລະ ອັດຕາການປົກຄຸມດ້ານປະກັນສຸຂະພາບ ຂອງປະຊາກອນທັງໝົດປະຕິ ບັດໄດ້ 100% ບັນລຸຄາດໝາຍ ທີ່ວາງໄວ້.
ປັດຈຸບັນແຂວງເຊກອງມີສະ ຖານທີ່ບໍລິການດ້ານສາທາລະ ນະສຸກປະກອບມີ ໂຮງໝໍແຂວງ 1 ແຫ່ງ ມີ 75 ຕຽງ, ໂຮງໝໍກອງ ບັນຊາການທະຫານແຂວງ 1 ແຫ່ງມີ 20 ຕຽງ, ໂຮງໝໍເມືອງ 3 ແຫ່ງ ແຕ່ລະແຫ່ງມີ 30 ຕຽງ, ສຸກສາລາ 28 ແຫ່ງ, ຮ້ານຂາຍ ຢາເອກະຊົນ 36 ແຫ່ງ, ຄຣີນິກ 7 ແຫ່ງ, ມີບ້ານສາທາລະນະສຸກແບບຢ່າງ 100 ກວ່າບ້ານ ແລະ ບ້ານຊຸມຊົນເປັນເຈົ້າການດ້ານສຸຂະອະນາໄມ 54 ບ້ານ.

ຂ່າວມື້ນີ້

ຂ່າວເດັ່ນ