Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 104  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ລັດຖະມົນຕີຕ່າງປະເທດ ສປປ ລາວ ສຳເລັດການຢ້ຽມຢາມທາງການ ສ. ສິງກະໂປ

     ໂດຍຕອບສະໜອງຕາມຄຳເຊີນຂອງທ່ານ ດຣ ວິວຽນ ບາລາຄຣິສນັນ (Dr. VivianBalakrishnan), ລັດຖະມົນ ຕີກະຊວງການຕ່າງປະເທດ ແຫ່ງ ສາທາລະນະລັດ ສິງກະໂປ, ທ່ານ ສະເຫລີມໄຊ ກົມມະສິດ, ລັດຖະມົນຕີກະຊວງການ ຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ, ພ້ອມດ້ວຍຄະນະໄດ້ເດີນ ທາງໄປຢ້ຽມຢາມສາທາລະນະ ລັດ ສິງກະໂປ ຢ່າງເປັນທາງ ການ ໃນລະຫວ່າງວັນທີ 12-13 ກຸມພາ 2017, ເພື່ອເສີມຂະ ຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີລະຫວ່າງ ສອງປະເທດ ລາວ - ສິງກະໂປ ແລະ ເພື່ອເປັນການຜັນຂະຫຍາຍ ຜົນຂອງການຢ້ຽມຢາມ ສປປ ລາວ ທາງລັດ ຖະກິດຂອງ ທ່ານ ໂທນີ ທັນ ເກັງ ຢຳ, ປະທານາທິ ບໍດີແຫ່ງ ສ ສິງກະໂປ ໃນເດືອນມັງກອນ 2017 ທີ່ຜ່ານມາ.
   ໃນວັນທີ 13 ກຸມພາ 2017, ໃນການພົບປະທີ່ກະຊວງການ ຕ່າງ ປະເທດ ແຫ່ງ ສ ສິງກະໂປ,ສອງຝ່າຍ ໄດ້ຕີລາຄາ ສູງຕໍ່ການພົວພັນ ແລະ ການຮ່ວມ ມືຂອງສອງປະເທດ ທີ່ນັບມືຶ້ໄດ້ ຮັບການເສີມຂະຫຍາຍຢ່າງບໍ່ ຢຸດຢັ້ງ, ເຫັນໄດ້ຈາກການນຳ ຂອງສອງປະເທດ ທີ່ມີການແລກ ປ່ຽນການຢ້ຽມຢາມຮ່ວມກັນ ຢ່າງເປັນປົກກະຕິໃນໄລຍະຜ່ານ ມາ.
   ພ້ອມກັນນັ້ນ, ຝ່າຍລາວໄດ້ ສະແດງຄວາມຂອບໃຈຕໍ່ການ ຊ່ວຍເຫລືອຂອງລັດຖະບານສິງ ກະ ໂປ ຕໍ່ ສປປ ລາວ ໃນຂະແໜງ ການຕ່າງໆ, ລວມທັງການພັດ ທະນາຊັບພະຍາກອນມະນຸດ ແລະ ການເປັນເຈົ້າພາບ ຈັດກອງ ປະຊຸມສຸດຍອດອາຊຽນ ໃນປີ 2016 ແລະ ຝ່າຍສິງກະໂປ ກໍໄດ້ສະແດງຄວາມຂອບໃຈ ສປປ ລາວ ໃນການຕ້ອນຮັບອັນອົບອຸ່ນແກ່ການນຳຂັ້ນສູງຂອງ ສິງກະໂປ ທີ່ມາຢ້ຽມຢາມລາວ ແລະ ໃຫ້ການສະໜັບ ສະໜູນສິງກະໂປ ໃນການສະໝັກເປັນສະມາຊິກຂອງອົງການຈັດຕັ້ງສາກົນຕ່າງໆໃນຂອບຂອງ ສປຊ. ນອກຈາກນັ້ນກໍໄດ້ປຶກສາຫາລືກັນເຖິງແຜນການແລກປ່ຽນ ການຢ້ຽມຢາມ ເຊິ່ງກັນ ແລະ ກັນ, ການຮ່ວມມືທາງ ດ້ານການຄ້າ ແລະ ການລົງທຶນ ຢູ່ ສປປ ລາວ ໃນຕໍ່ໜ້າ ແລະ ໄດ້ແລກປ່ຽນຄໍາ ຄິດເຫັນນຳກັນ ຕໍ່ບັນຫາພາກພື້ນ ແລະ ສາກົນ ທີ່ສອງຝ່າຍມີຄວາມ ສົນໃຈຮ່ວມກັນ.
  ໃນຕອນບ່າຍຂອງວັນດຽວ  ກັນ, ທ່ານ ສະເຫລີມໄຊ ກົມມະ ສິດພ້ອມດ້ວຍຄະນະ ຍັງໄດ້ເຂົ້າ ຢ້ຽມຂ່ຳນັບ ທ່ານ ລີ ຊຽນ ຫລົງ, ນາຍົກລັດຖະມົນຕີ ແຫ່ງ ສ ສິງກະໂປ. ໃນໂອກາດດັ່ງ ກ່າວ, ທ່ານລັດຖະມົນຕີ ໄດ້ນຳ ເອົາຄວາມຢື້ຢາມຖາມຂ່າວ ຂອງ ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ເຖິງນາຍົກລັດຖະມົນຕີ ລີ ຊຽນຫລົງ.
 ໃນໂອກາດເດີນທາງຢ້ຽມຢາມ ຄັ້ງນີ້, ທ່ານ ສະເຫລີມໄຊ ກົມ ມະສິດ ພ້ອມດ້ວຍຄະນະ ຍັງໄດ້ ຢ້ຽມຢາມສະຖານທີ່ສຳຄັນ ຕ່າງໆ  ເຊັ່ນ: ຫໍພິພິທະພັນ ແລະ ວິທະຍາ ໄລການບໍລິຫານລັດ ອີກດ້ວຍ.
   ສປປ ລາວ ແລະ ສິງກະໂປ ໄດ້ມີຜົນສຳເລັດຫລາຍດ້ານ ທີ່ເປັນຮູບປະທຳ ໃນການພົວ ພັນສອງຝ່າຍ ໃນດ້ານຕ່າງໆ ເຊັ່ນ: ການເປີດຖ້ຽວບິນຄືນໃໝ່ ຈາກສິງກະໂປ-ວຽງຈັນ-ຫຼວງ ພະບາງອາທິດລະສາມຄັ້ງຂອງ ບໍລິສັດ ຊິວແອ (SilkAir) ຂອງ ສິງກະໂປ ແລະ ການລົງນາມ ໃນສັນຍາຮ່ວມເສັ້ນທາງບິນນຳ ກັນ ລະຫວ່າງ ບໍລິສັດ ຊິວແອ ແລະ ບໍລິສັດ ການບິນລາວ ແລະ ຜົນສຳເລັດໃນການບັງຄັບໃຊ້ ສັນຍາວ່າດ້ວຍການ ຫລີກເວັ້ນ ການເກັບອາກອນຊ້ຳຊ້ອນ ແລະ ສະກັດກັ້ນການຫລົບຫລີກການ ເສຍອາກອນລາຍໄດ້ ລະຫວ່າງ ສອງລັດຖະບານ; ການໃຫ້ທຶນ ການສຶກສາໄລຍະຍາວ ແລະ ທຶນເຝິກອົບຮົມໄລຍະສັ້ນໃຫ້ແກ່ ພະນັກງານ ແລະ ນັກສຶກສາ ຂອງລາວ; ການສົ່ງອາສາສະ ໝັກຊາວໜຸ່ມຈາກສິງກະໂປຈຳ ນວນຫລາຍກວ່າ 1.500 ຄົນ ເຂົ້າມາຊ່ວຍເຫລືອ ບັນດາໂຮງ ຮຽນ ແລະ ຊຸມຊົນຕ່າງໆ ແລະ ການຮ່ວມກັນສົ່ງເສີມການ ຮ່ວມມືທາງ ດ້ານການຄ້າ ແລະ ການລົງທຶນໄດ້ມີການຂະຫຍາຍ ຕົວໃນລະດັບດີພໍສົມຄວນ, ເຫັນ ໄດ້ຈາກມູນຄ່າການຄ້າລວມລະ ຫວ່າງສອງປະເທດ, ໃນປີ 2015 ສາມາດບັນລຸໄດ້ເຖິງ 30 ລ້ານ ໂດລາສະຫະລັດ, ທຽບໃສ່ມູນ ຄ່າ ປີ 2015 ມີພຽງແຕ່ 13 ລ້ານ ໂດລາສະຫະລັດ. ມາເຖິງ ປີ 2016, ມູນຄ່າການລົງ ທຶນ ຂອງສິງກະໂປ ຢູ່ ລາວ ມີປະມານ 187 ລ້ານ ໂດລາສະ ຫະລັດ, ເຊິ່ງນອນຢູ່ໃນ 79 ໂຄງ ການ,ເຮັດໃຫ້ສິງກະໂປ ຢູ່ໃນອັນ ດັບທີ 11 ໃນບັນດານັກລົງທຶນ ຕ່າງປະເທດລາຍໃຫຍ່ທີ່ມາລົງ ທຶນຢູ່ສປປ ລາວ.


ຂ່າວມື້ນີ້

ຂ່າວເດັ່ນ