Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 98  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງປະຊຸມຄົບຄະນະກຳມາທິການປ້ອງກັນຊາດ-ປ້ອງກັນຄວາມສະຫງົບ ປະຈຳປີ 2017

ກອງປະຊຸມຄົບຄະນະຂອງ ກໍາມາທິການ ປກຊ-ປກສ   ກອງປະຊຸມຄົບຄະນະຂອງ ກໍາມາທິການ ປກຊ-ປກສ ໄດ້ ເປີດຂຶ້ນຢູ່ທີ່ສະພາແຫ່ງຊາດ, ນະຄອນຫຼວງວຽງຈັນ ໃນວັນທີ 13 ກຸມພາ 2017 ນີ້, ໂດຍການ ເປັນປະທານຂອງທ່ານ ພົນຈັດ ຕະວາ ຄໍາສຸກ ວິອິນທະວົງ ກໍາ ມະການຄະນະປະຈໍາ, ປະທານ ກໍາມາທິການ ປກຊ-ປກສ ສະ ພາແຫ່ງຊາດ, ທ່ານ ພົນໂທ ແສງນວນ ໄຊຍະລາດ ເລຂາທິການສູນກາງພັກ, ຮອງປະທານ ສະພາແຫ່ງຊາດ, ບັນດາສະມາຊິກສະພາແຫ່ງຊາດ ແລະ ກໍາມາທິການອ້ອມຂ້າງສະພາແຫ່ງຊາດເຂົ້າຮ່ວມ.
   ພົນຈັດຕະວາ ຄໍາສຸກ ວິອິນທະວົງ ໄດ້ກ່າວຢູ່ໃນກອງປະຊຸມວ່າ ກອງປະຊຸມນີ້ແມ່ນຈະ ໄດ້ດໍາເນີນເປັນເວລາ 2 ວັນ (13-14) ເຊິ່ງເນື້ອໃນແມ່ນ ເນັ້ນໃສ່ກໍານົດແບບແຜນ, ລະ ບຽບກ່ຽວກັບທີ່ຕັ້ງ, ພາລະບົດບາດ, ສິດ-ໜ້າທີ່, ໂຄງປະກອບການຈັດຕັ້ງ ແລະ ລະບອບວິທີເຮັດວຽກ ເພື່ອເປັນບ່ອນອ້າງອີງໃຫ້ແກ່ການເຄື່ອນໄຫວວຽກງານຂອງກໍາມາທິການ ປກຊ-ປກສ ແນໃສ່ໃຫ້ສອດຄ່ອງກັບແນວທາງນະໂຍບາຍຂອງພັກ, ລັດຖະ ທໍາມະນູນ, ລະບຽບກົດ ໝາຍ ແລະ ມະຕິຂອງສະພາ ແຫ່ງຊາດເຂົ້າໃນການປະຕິບັດ ໜ້າທີ່ການເມືອງຂອງຕົນໃຫ້ມີ ປະສິດທິພາບນັບມື້ສູງຂຶ້ນ, ເພື່ອ ເປັນການປະກອບສ່ວນເຮັດໃຫ້ ວຽກງານຂອງສະພາແຫ່ງຊາດ ໄດ້ຮັບການຈັດຕັ້ງປະຕິບັດ ແລະ ມີຜົນສໍາເລັດໄດ້ຕາມຄາດໝາຍ. ອີກຢ່່າງໜຶ່ງກອງປະຊຸມຍັງໄດ້ ກ່າວເຖິງທິດທາງແຜນການແຕ່ ນີ້ເຖິງ 2020 ແມ່ນຈະເສີມຂະ ຫຍາຍມະຕິກອງປະຊຸມຄັ້ງປະ ຖົມມະລຶກ ຂອງສະພາ ແຫ່ງຊາດ ຊຸດທີ VIII ວ່າດ້ວຍການຮັບເອົາ ວິໄສທັດ 2030, ຍຸດທະສາດ ແຕ່ປີ 2016-2020 ຂອງສະ ພາແຫ່ງຊາດໃຫ້ເປັນຮູບປະທໍາ, ມີໝາກຜົນຕົວຈິງ, ເພື່ອແນໃສ່ ຈັດຕັ້ງປະຕິບັດພາລະບົດບາດ ຂອງກຳມາທິ ການ ປກຊ-ປກສ ໃນການເປັນເສນາທິການໃຫ້ແກ່ ສະພາແຫ່ງຊາດ ໃນການປະຕິ ບັດຕາມຂອບເຂດໜ້າທີ່ຂອງຕົນ ທີ່ໄດ້ກໍານົດໄວ້ໃນກົດໝາຍ, ຍົກ ສູງຄຸນະພາບໃນການຈັດຕັ້ງປະ ຕິບັດຂອງໜ້າທີ່ວຽກງານ, ເພີ່ມ ທະວີຄວາມອາດສາມາດ, ສືບຕໍ່ຜັນຂະຫຍາຍມະຕິກອງປະຊຸມໃຫຍ່ຄັ້ງທີ  X ຂອງພັກ ໂດຍສະເພາະແມ່ນຂົງເຂດວຽກງານ ປກຊ-ປກສ, ປະຕິບັດວຽກງານ 3 ພາລະບົດບາດຂອງສະພາ ແຫ່ງຊາດຕິດພັນກັບຂະບວນ ການແຂ່ງຂັນ “ຮັກຊາດ ແລະ ພັດທະນາ” ໃຫ້ປະກົດຜົນເປັນ ຈິງ, ທັງເປັນການສ້າງຄວາມ ເຂັ້ມແຂງໃຫ້ກໍາມາທິການໃຫ້ມີ ຄວາມສາມາດເຮັດຫຼ້ອນໜ້າທີ່ ການເມືອງໃນໄລຍະໃໝ່, ຮັບ ປະກັນການພັດທະນາເສດ ຖະກິດ-ສັງຄົມ, ການພົວພັນເຊື່ອມໂຍງກັບພາກພື້ນ ແລະ ສາກົນຕິດ ແໜ້ນກັບຄວາມໝັ້ນຄົງຂອງປະເທດຊາດ.
ໂດຍ: ແສງເດືອນ

ຂ່າວມື້ນີ້

ຂ່າວເດັ່ນ