Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 107  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ວພກ ອັດຊຸດບຳລຸງວຽກງານເສນາພະລາລະບົບ 5 ເດືອນ

ວພກ ອັດຊຸດບຳລຸງວຽກງານເສນາພະລາລະບົບ 5 ເດືອນໃນທ້າຍເດືອນມັງກອນ 2018 ນີ້, ວິທະຍາຄານພະລາ ທິການກອງທັບ ໄດ້ຈັດຕັ້ງພິທີ ອັດຊຸດບຳລຸງວຽກງານເສນາພະ ລາລະບົບ 5 ເດືອນຂຶ້ນໃຫ້ກຽດ ເຂົ້າຮ່ວມເປັນປະທານຂອງ ທ່ານ ພົນຈັດຕະວາ ບຸນສູງ ຢາ ທໍ່ຕູ້ ກຳມະການຄະນະພັກອົງ ການກົມໃຫຍ່ ຮອງຫົວໜ້າກົມ ໃຫຍ່ພະລາທິການກອງທັບ, ມີ ບັນດາສະຫາຍຕາງໜ້າກົມວິຊາ ສະເພາະ, ຄະນະພັກ-ຄະນະອຳ ນວຍການ, ພະນັກງານ, ຄູ-ອາ ຈານນັກຮຽນນັກສຶກສາເຂົ້າ ຮ່ວມ.


ພັນໂທ ສອນທັນ ສຸວົງໄຊ ຄະພັກວິທະຍາຄານຫົວໜ້າຫ້ອງ ອົບຮົມວິທະຍາຄານພະລາທິ ການກອງທັບ ກໍໄດ້ຂຶ້ນສະຫຼຸບຕີລາຄືນຜົນຂອງການອົບຮົມ-ຫັດແອບ ເຊິ່ງເລີ່ມຕົ້ນແຕ່ວັນທີ 1 ກັນຍາ 2017 - 24 ມັງກອນ 2018 ໄດ້ສຳເລັດລວມທັງໝົດ 580 ຊົ່ວໂມງລວມມີເນື້ອໃນອົບ ຮົມ ເຊິ່ງລວມມີຄືວິຊາການ ເມືອງ, ວິຊາການທະຫານ ແລະ ພາກວິຊາພະລາທິການກອງ ທັບ, ເຊິ່ງແຕ່ລະພາກວິຊາຮຽນ ເຫັນວ່າຄະນະຄູ-ອາຈານແຕ່ລະ ສະຫາຍແມ່ນໄດ້ຍົກສູງຄວາມ ຮັບຜິດຊອບຂອງຕົນເຂົ້າໃນ ການສິດສອນສົ່ງຄວາມຮູ້ໃຫ້ແກ່ ນັກເຝິກອົບຮົມ ແລະ ນັກເຝິກ ອົບຮົມກໍ່ໄດ້ຕັ້ງໃຈຄົ້ນຄວ້າຮໍ່າ ຮຽນປະຕິບັດກົດລະບຽບວິໄນ ຂອງວິທະຍາຄານຢ່າງເຂັ້ມ ງວດ. ສະນັ້ນ, ຈຶ່ງເຮັດໃຫ້ບັ້ນ ເຝິກອົບຮົມ-ຫັດແອບດັ່ງກ່າວ ໄດ້ຮັບຜົນສຳເລັດຕາມຄາດ ໝາຍ ສາມາດຕີລາຄາໝາກຜົນ ທີ່ໄດ້ຮັບດັ່ງນີ້: ເກັ່ງ 6 ສະຫາຍ ເທົ່າກັບ 10, 16%, ແຂງ 43 ສະຫາຍເທົ່າກັບ72,90%, ກາງ 10 ສະຫາຍເທົ່າກັບ 16,14%.
ໂອກາດດັ່ງກ່າວ ທ່ານ ພົນ ຈັດຕະວາ ບຸນສູງ ຢາທໍ່ຕູ້ ຄະນະ ພັກອົງການກົມໃຫຍ່ ຮອງຫົວ ໜ້າກົມໃຫຍ່ພະລາທິການກອງ ທັບ ກໍໄດ້ສະແດງຄວາມຍ້ອງຍໍ ຊົມເຊີຍຕໍ່ບັນດາສະຫາຍທີ່ໄດ້ ຕັ້ງໃຈຝຶກອົບຮົມຈົນສາມາດບັນ ລຸຄາດໝາຍ ແລະ ທ່ານຍັງໄດ້ ຮຽກຮ້ອງໃຫ້ຄະນະພັກ-ຄະນະ ອຳນວຍການ, ຄະນະພັກ-ຄະ ນະບັນຊາ, ພະນັກງານ, ຄູ-ອາ ຈານຈົ່ງສືບຕໍ່ສຶກສາອົບຮົມການ ເມືອງນຳພາແນວຄິດໃຫ້ພະນັກ ງານ-ນັກຮົບກຳແໜ້ນເນື້ອໃນ ຫຼັກການກົດລະບຽບແບບແຜນ ຂອງກອງທັບມີສະຕິຕື່ນຕົວສູງ ເຂົ້າໃນການຈັດຕັ້ງປະຕິບັດໜ້າ ທີ່ວຽກງານຂອງຕົນໃຫ້ໄດ້ຮັບ ຜົນສຳເລັດສູງຂຶ້ນດີກວ່າເກົ່າ.
ໂດຍ: ຈິນດາ ແກ້ວວົງກົງ

ຂ່າວມື້ນີ້

ຂ່າວເດັ່ນ