Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 52  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເມືອງບໍ່ແຕນຈັດເທສະການບຸນເຂົ້າຈີ່ໃຫຍ່ຢ່າງຄຶກຄື້ນ

    ເທສະການບຸນເຂົ້າຈີ່ໃຫຍ່ ເມືອງບໍ່ແຕນ ແຂວງໄຊຍະບູລີ ໄດ້ຈັດຂຶ້ນແຕ່ ວັນທີ 8-11 ກຸມພາ 2017 ນີ້ ຢູ່ສະໜາມກີລາຂອງເມືອງບໍ່ແຕນ ໂດຍ ເຂົ້າຮ່ວມມີການນໍາຂອງແຂວງ, ຂອງເມືອງ, ນັກທຸລະກິດຜູ້ປະກອບ ການ, ອຳນາດການປົກຄອງພໍ່ແມ່ປະຊາຊົນພາຍໃນເມືອງ ແລະ ເມືອງໃກ້ຄຽງເຂົ້າຮ່ວມຢ່າງຫລວງຫລາຍ. ທັງນີ້ເພື່ອເປັນການອະນຸລັກຮັກສາ ແລະ ສົ່ງເສີມຮີດ 12 ຄອງ 14 ກໍຄືປະເພນີອັນດີງາມຂອງທ້ອງຖິ່ນ ແລະ ຮັກສາໄດ້ເອກະລັກ ວັດທະນະທຳ ທີ່ເປັນມູນເຊື້ອ ໃຫ້ຄົງຢູ່ຄູ່ເມືອງບໍ່ແຕນຕະຫຼອດໄປ.
  ທ່ານ ບຸນເສນ ຈັນທະຜອງ ເຈົ້າເມືອງໆບໍ່ແຕນ ກ່າວວ່າ: ເມືອງບໍ່ແຕນມີ ຊັບພະຍາກອນທຳມະຊາດທີ່ອຸດົມສົມບູນປະຊາຊົນມີມູນເຊື້ອດຸໝັ່ນຂະຫຍັນພຽນ ເພີ່ມພູນຜະລິດຜົນມີຮີດ ຄອງປະເພນີອັນດີງາມ ມີເອກະລັກ ມາແຕ່ດົນນານ, ຊາວເມືອງ ບໍ່ແຕນ ໄດ້ຢຶດຖືການປູກເຂົ້າ, ປູກພຶດ ແລະ ລ້ຽງສັດໃຫຍ່ເປັນ ຕົ້ນຕໍ, ໂດຍປະຕິບັດຕາມຮີດ 12 ຄອງ 14 ປະເພນີລາວ ຮອດ ເດືອນສາມເພັງຂອງທຸກໆປີ ປະ ຊາຊົນໄດ້ພາກັນຈັດງານ ບຸນຂຶ້ນ ເຊິ່ງເອີ້ນວ່າບຸນເຂົ້າຈີ່ໃຫຍ່ດ້ວຍ ການນຳເອົາເຂົ້າສານ, ໄມ້ເຂົ້າຈີ່, ປະດັບດ້ວຍດອກໄມ້ ລີອອນ ໄປເຕົ້າໂຮມ ຫລື ແຈກທານຢູ່ວັດ ເພື່ອລະນຶກເຖິງບຸນຄຸນຂອງບັນ ພະບູລຸດ, ຖວາຍພະສົງອົງພະເຈົ້າ ແລະ ເປັນ ການເຕົ້າໂຮມທຶນຮອນໄວປະຕິສັງຂອນວັດວາອາຣາມ.
    ຍ້ອນເຫັນໄດ້ຈາກ ຄວາມສຳ ຄັນ ແລະມູນເຊື້ອ ທີ່ເປັນທ່າແຮງ ດັ່ງກ່າວຄະນະພັກອຳນາດການ ປົກຄອງເມືອງ ຈຶ່ງໄດ້ຍົກລະດັບ ບຸນປະເພນີດັ່ງກ່າວເປັນງານ ເທດສະການບຸນເຂົ້າຈີ່ ຂອງ ເມືອງ ເລີ່ມແຕ່ປີ 2011 ເປັນຕົ້ນ ມາ ໂດຍຕິດພັນກັບແຜນຍຸດທະ ສາດການທ່ອງທຽວຂອງເມືອງ ເຊິ່ງແຕ່ລະປີ ໄດ້ກຳນົດເອົາມື້ຂຶ້ນ 13-15 ເດືອນສາມເປັນມື້ຈັດ ງານເທດສະການບຸນເຂົ້າຈີ່ ໃຫຍ່ປະຈໍາປີ, ໃນງານດັ່ງກ່າວ ກໍ່ໄດ້ຈັດໃຫ້ ມີກິດ ຈະກຳຫຼາຍຢ່າງເຊັ່ນ: ກິດຈະກຳທາງສາສະໜາ, ການແຫ່ເຂົ້າສານ, ໄມ້ເຂົ້າຈີ່, ແຫ່ໜັງສືຜູກໃບລານ, ປະກວດນາງທິດາເຂົ້າຈີ່ໃຫຍ່, ປະກວດນັກຮ້ອງສຽງດີ, ສະ ແດງສິລະປະ-ວັນນະຄະດີ, ແຂ່ງ ຂັນກີລາປະເພດ ຕ່າງໆ, ເປີດຕະ ຫລາດນັດສິນຄ້າໂອທອບ, ທ່ຽວ ຊົມຈຳລອງເຂົ້າຈີ່ໃຫຍ່, ທ່ຽວ ຊົມທຳມະຊາດ ຕາດຮໍາ, ແຫລ່ງ ທ່ອງທຽວແກ້ງທຽນ, ຫໍໄຕປີດົກ 500 ປີ, ສຳພັດລົມ ໜາວນອນ ເບິ່ງດາວຍາມເດິກຊົມເງົາໝອກ ກຸ້ມກ່ອນຊົມຕາເວັນທີ່ຫລັງຜາ ແດງ ແລະ ກິດຈະກຳອື່ນໆ.

ຂ່າວມື້ນີ້

ຂ່າວເດັ່ນ