Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 121  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຄະນະພັກຮາກຖານຫ້ອງເຕັກນິກທະຫານແຂວງຫຼວງພະບາງສະຫຼຸບຕີລາຄາການນຳໃນປີຜ່ານມາ

ກອງປະຊຸມສະຫຼຸບຕີລາຄາ ການນໍາພາຂອງຄະນະພັກຮາກ ຖານຫ້ອງເຕັກນິກທະຫານ ແຂວງຫຼວງພະບາງ ໄດ້ຈັດຂຶ້ນ ໃນວັນທີ 9 ມັງກອນ 2018 ນີ້, ຢູ່ທີ່ສະໂມສອນຂອງຫ້ອງພະລາ ທິການທະຫານແຂວງ ໂດຍການ ເຂົ້າຮ່ວມຂອງ ທ່ານ ພົນຈັດຕະ ວາ ຄໍາຫຼ້າ ວົງວິໄລ ກໍາມະການ ພັກແຂວງ, ຫົວໜ້າການທະຫານ ກອງບັນຊາການທະຫານແຂວງ ຫຼວງພະບາງ, ມີພັນໂທ ຄໍາບົງ ໄຊຍະວົງສາ ຄະນະພັກກອງບັນ
ຊາການ, ເລຂາພັກຮາກຖານ,ຫົວໜ້າຫ້ອງເຕັກນິກທະຫານແຂວງ, ມີຜູ້ຕາງໜ້າຄະນະພັກ ອົງການ, ພະແນກການກົມກອງ ອ້ອມຂ້າງກອງບັນຊາການຕະ ຫຼອດຮອດພະນັກງານສະມາຊິກພັກ ພາຍໃນຫ້ອງເຂົ້າຮ່ວມ.


ພັນໂທ ບົວວອນ ສຸລິວົງ ຄະນະພັກຮາກຖານ, ຮອງຫົວ ໜ້າຫ້ອງເຕັກນິກທະຫານແຂວງ ໄດ້ຂຶ້ນຜ່ານບົດສະຫຼຸບຕີລາຄາ ການນໍາພາຂອງຄະນະພັກຮາກ ຖານຫ້ອງເຕັກນິກປະຈໍາປີ 2017 ແລະ ຜ່ານທິດທາງແຜນ ການປີ 2018 ເຊິ່ງໃນບົດສະຫຼຸບ ແມ່ນຍົກໃຫ້ເຫັນວຽກງານຫຼາຍ ດ້ານທີ່ຄະນະພັກໄດ້ນຳພາມີຜົນ ສໍາເລັດອັນພົ້ນເດັ່ນໃນ 1 ປີຜ່ານ ມາ, ຄະນະພັກໄດ້ເອົາໃຈໃສ່ ເຄື່ອນໄຫວຊີ້ນໍາເຮັດໃຫ້ສະພາບ ມີຄວາມສະຫງົບ ໂດຍຖືເອົາ ການສຶກສາອົບຮົມການເມືອງ ນໍາພາແນວຄິດໃຫ້ແກ່ພະນັກ ງານ-ນັກຮົບຢ່າງຕໍ່ເນື່ອງ, ຄຽງ ຄູ່ກັບການປັບປຸງກໍ່ສ້າງພັກ-ກໍ່ ສ້າງພະນັກງານແມ່ນໄດ້ຖືເອົາ ຄຸນະພາບເປັນກົກ, ວຽກງານອົງ ການຈັດຕັ້ງມະຫາຊົນຊາວໜຸ່ມ- ແມ່ຍິງໃນໜຶ່ງປີຜ່ານມາໄດ້ ເຄື່ອນໄຫວສ້າງຂະບວນການ ຂໍ່ານັບຮັບຕ້ອນວັນສໍາຄັນຂອງ ຊາດ, ຂອງພັກ ແລະ ຂອງກອງ ທັບຈໍານວນ 44 ຄັ້ງ, ໜ່ວຍຊາວ ໜຸ່ມມີເງິນຈາກການສ້າງ ແຫຼ່ງລາຍຮັບຕ່າງໆຈໍານວນ 4.500.000 ກີບ, ໜ່ວຍແມ່ຍິງ ສາມາດສ້າງລາຍຮັບປະເພດ ຕ່າງໆທັງໝົດ 6.110.000 ກີບ. ນອກຈາກນີ້ຄະນະພັກຍັງ ໄດ້ເອົາໃຈໃສ່ຊີ້ນໍາວຽກງານຮັບ ປະກັນດ້ານພະລາທິການ ໂດຍ ສະເພາະແມ່ນຮັບປະກັນຊີວິດ ການເປັນຢູ່, ດ້ານສຸຂະພາບ, ການປັບປຸງກໍ່ສ້າງພື້ນຖານໂຄງ ລ່າງ, ການຜະລິດ, ປູກຟັງ-ລ້ຽງ ສັດ ແລະ ການຊອກແຫຼ່ງລາຍ ຮັບເຂົ້າກົມກອງ. ໃນນີ້ກົມກອງ ມີສັດລ້ຽງປະເພດງົວ 17 ໂຕ, ມີ ສວນຜັກໃນຮົ່ມ 2 ຫຼັງ ສ້າງລາຍ ຮັບຈາການປູກພືດຜັກຊະນິດ ຕ່າງໆ 16.200.000ກີບ, ຮັບຈາກການຂາຍສັດປີກ 8.400.000ກີບ, ຮັບຈາກການຂ້າສັດເພື່ອ ສະໜອງຊີ້ນໃຫ້ຄອບຄົວພະນັກ ງານ 17.500.000 ກີບ, ຮັບ ຈາກການຂາຍສັດປະເພດກົບ, ປາ10.500.000 ກີບ, ຮັບຈາກ ບໍລິການອື່ນໆ 9.770.000ກີບ, ຮັບຈາກການສ້ອມແປງລົດໃຫ້ ເອກະຊົນ 8.500.000 ກີບ ແລະ ຮັບຈາກການບໍລິການອື່ນໆ 28.755.000 ກີບ ລວມທັງ ໝົດ 81.355.000 ກີບ ສະເລ່ຍ ໃສ່ຫົວໄດ້ 1.016.937 ກີບຕໍ່ ຄົນຕໍ່ປີ.
ໃນຕອນທ້າຍກອງປະຊຸມຍັງ ໄດ້ຮັບຟັງການໂອ້ລົມ ຈາກທ່ານ ພົນຈັດຕະວາ ຄໍາຫຼ້າ ວົງວິໄລ ເຊິ່ງໄດ້ຮຽກຮ້ອງໃຫ້ຄະນະພັກ ຫ້ອງເຕັກນິກຕ້ອງເພີ່ມທະວີສຶກ ສາອົບຮົມການເມືອງນໍາພາ ແນວຄິດໃຫ້ແກ່ສະມາຊິກພັກ, ພະນັກງານ-ນັກຮົບເປັນປົກກະ ຕິ ເພື່ອເຮັດໃຫ້ເຂົ້າເຈົ້າໄດ້ຮັບຮູ້ ແລະ ເຊື່ອມຊຶມຕໍ່ແນວທາງນະ ໂຍບາຍຂອງພັກ, ຍົກສູງສະຕິ ຄວາມຮັບຜິດຊອບຕໍ່ໜ້າທີ່ການ ເມືອງຂອງຕົນ, ມີຄວາມໜັກ ແໜ້ນທາງດ້ານການເມືອງ, ເຂັ້ມແຂງທາງດ້ານການຈັດຕັ້ງ, ຊື່ສັດບໍລິສຸດຈົງຮັກພັກດີຕໍ່ພັກ- ລັດ. ເອົາໃຈໃສ່ຕໍ່ວຽກງານກໍ່ ສ້າງພັກ-ພະນັກງານ ໂດຍຖືເອົາ ຄຸນະພາບເປັນກົກ, ພະນັກງານ ສະມາຊິກພັກ-ນັກຮົບທຸກຄົນ ຕ້ອງເປັນເຈົ້າການປະຕິບັດບັນ ດາຂໍ້ກໍານົດ, ກົດລະບຽບຕ່າງໆ ຂອງກອງທັບ ແລະ ກົດໝາຍ ຂອງລັດຢ່າງເຂັ້ມງວດ.
ໂດຍ: ສົມພອນ ສຸວັນທອນ.

ຂ່າວມື້ນີ້

ຂ່າວເດັ່ນ