Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 50  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຫົວໜ້າຄະນະຈັດຕັ້ງສູນກາງພັກພົບປະໂອ້ລົມພະນັກງານຫຼັກແຫຼ່ງກອງພົນທີ 2

ຫົວໜ້າຄະນະຈັດຕັ້ງສູນກາງພັກພົບປະໂອ້ລົມພະນັກງານຫຼັກແຫຼ່ງກອງພົນທີ 2ວັນທີ 10 ມັງກອນ ນີ້ ທ່ານ ຈັນສີ ໂພສີຄຳ ກຳມະການ ກົມການເມືອງສູນກາງພັກ, ເລ ຂາທິການສູນກາງພັກ, ຫົວໜ້າ ຄະນະຈັດຕັ້ງສູນກາງພັກ ໄດ້ໃຫ້ ກຽດພົບປະໂອ້ລົມພະນັກງານ ຫຼັກແຫຼ່ງກອງພົນທີ 2 ໃນໂອ ກາດເຂົ້າຮ່ວມສະເຫຼີມສະຫຼອງ ວັນສ້າງຕັ້ງກອງທັບປະຊາຊົນ ລາວ ຄົບຮອບ 69 ປີ.
ເຂົ້າຮ່ວມໃນພິທີມີທ່ານ ພົງ ສະຫວັນ ສິດທະວົງ ເລຂາພັກ ແຂວງ, ເຈົ້າແຂວງໆໄຊຍະບູລີ ທັງເປັນ ປະທານປ້ອງກັນຊາດ-ປ້ອງກັນຄວາມສະຫງົບແຂວງ ກຳລັງ ປກຊ-ປກສ

ພະນັກງານ ຫຼັກແຫຼ່ງກອງພົນທີ 2 ແລະ ພະ ນັກງານອາວຸໂສບຳນານເຂົ້າ ຮ່ວມ.
ໂອກາດດຽວກັນນີ້ ທ່ານຈັນ ສີ ໂພສີຄຳ ໄດ້ເນັ້ນໃຫ້ຄະນະພັກ- ຄະນະບັນຊາ,ພະນັກງານຫຼັກ ແຫຼ່ງ ກອງພົນທີ 2 ຕ້ອງເຊີດຊູ ສະຕິລະວັງຕົວມີສະຕິໃນການ ປົກປັກຮັກສາໝາກຜົນຂອງການປະຕິວັດປົກ ປັກຮັກສາລະບອບໃໝ່ ລະບອບ ປະຊາທິປະໄຕ ປະຊາຊົນໄວ້ໃຫ້ ໝັ້ນຄົງຮັບປະກັນໄດ້ວຽກງານ ປ້ອງກັນຄວາມສະຫງົບກັບການ ສ້າງສາພັດທະນາເສດຖະກິດ- ສັງຄົມ. ກອງທັບກໍຄືກົມກອງ ຕ້ອງເປັນຫຼັກແຫຼ່ງ, ເປັນພາຫະ ນະອັນແຫຼມຄົມຂອງພັກໃນການ ນຳພາທົ່ວປວງຊົນເຮັດວຽກ ງານປ້ອງກັນຊາດ-ປ້ອງກັນ ຄວາມສະຫງົບ, ໃນນີ້ ວຽກງານ ຮາກຖານຍັງແມ່ນວຽກງານຍຸດ ທະສາດຕົ້ນຕໍຂອງພັກ. ດັ່ງນັ້ນ, ຕ້ອງຕັ້ງໜ້າຫັນລົງຮາກຖານ ເພື່ອສືບຕໍ່ກໍ່ສ້າງ ແລະ ປັບປຸງຕາ ໜ່າງປ້ອງກັນຊາດ-ປ້ອງກັນ ຄວາມສະຫງົບທົ່ວປວງຊົນຮອບ ດ້ານຢູ່ຮາກຖານໃຫ້ທົ່ວເຖິງ ຍົກ ສູງສະຕິເປັນເຈົ້າໃນການປົກ ປັກສາທ້ອງຖິ່ນ, ຕ້ານທຸກການ ເຄື່ອນໄຫວມ້າງເພທຳລາຍໃນ ຫຼາຍດ້ານຂອງບັນດາອິດທິກຳ ລັງປໍລະປັກ ແລະ ກຸ່ມຄົນບໍ່ດີຢ່າງ ທັນການໄປພ້ອມກັບການເພີ່ມ ທະວີການເຮັດວຽກງານກໍ່ສ້າງ ຮາກຖານການເມືອງ ຕິດພັນກັບ ການພັດທະນາຊົນນະບົດຮອບ ດ້ານ ຕາມທິດ 3 ສ້າງ ກົມກອງ ຕັ້ງທັບຢູ່ບ່ອນໃດ ຕ້ອງເຮັດວຽກ ງານກໍ່ສ້າງຮາກຖານຢູ່ບ່ອນນັ້ນ ໃຫ້ດີ, ປະກອບສ່ວນຢ່າງຕັ້ງໜ້າ ເຂົ້າໃນການປັບປຸງລະບົບອຳ ນາດປະຊາທິປະໄຕ ປະຊາຊົນ, ປົກປັກຮັກສາສິດເປັນເຈົ້າຂອງ ປະຊາຊົນ,ໂຄສະນາປຸກລະ ດົມຂົນຂວາຍປະຊາຊົນໃຫ້ສາ ມັກຄີປຸ້ມລຸມກັນສ້າງສາພັດທະ ນາບ້ານຊ່ອງ ແລະ ປຸກລະດົມ ປະຊາຊົນປະຕິບັດໜ້າທີ່ປ້ອງ ກັນຊາດ-ປ້ອງກັນຄວາມສະ ຫງົບ, ຮັກສາຄວາມສະຫງົບ ຮຽບຮ້ອຍຢູ່ຮາກຖານ.

ໃນເງື່ອນໄຂໃໝ່ກໍຕ້ອງສຸມໃສ່ ຄົ້ນຄວ້າຕອບຕ້ານກົນອຸບາຍ ການຫັນປ່ຽນໂດຍສັນຕິຂອງບັນ ດາອິດທິກຳລັງປໍລະປັກ, ປັບປຸງ ພາຍໃນເຮົາໃຫ້ໜັກແໜ້ນ, ເຂັ້ມ ແຂງ, ເດັດຂາດບໍ່ໃຫ້ສັດຕູແຊກ ຊ້ອນເຂົ້າພາຍໃນ, ໃນນີ້ ວຽກ ງານປ້ອງກັນພັກ, ປ້ອງກັນພະ ນັກງານຍັງແມ່ນວຽກງານສຳ ຄັນຕົ້ນຕໍປິ່ນອ້ອມໜ້າທີ່ການ ເມືອງຂອງກົມກອງ.
ຕ້ອງສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອອັນ ດີງາມຂອງຕົນ, ຕ້ອງຕັ້ງໜ້າປັບ ປຸງກຳລັງໃນທຸກດ້ານໃຫ້ໜັກ ແໜ້ນເຂັ້ມແຂງ, ເອົາໃຈໃສ່ຕໍ່ ການປັບປຸງລະບອບຄຸ້ມຄອງ-ບັນຊາ, ປັບປຸງກຳລັງປະເພດ ຕ່າງໆ ໂດຍຖືເອົາຄຸນະພາບເປັນ ຕົ້ນຕໍ, ໃນນັ້ນຖືເອົາຄຸນະພາບ ທາງດ້ານການເມືອງ-ແນວຄິດ ເປັນກົກ,ເອົາຄວາມສາມາດ ດ້ານວິຊາສະເພາະ, ຫົວຄິດປະ ດິດສ້າງ ແລະ ການຈັດຕັ້ງບັນ ຊາເປັນສິ່ງສຳຄັນ, ຕ້ອງມີແຜນ ການ,ປະຕິບັດລະບອບຫັດແອບ, ປັບປຸງລະບົບອົບຮົມສິດສອນ, ຄົ້ນຄວ້າຫຼັກສູດບຳລຸງ-ກໍ່ສ້າງ ໃນເງື່ອນໄຂໃໝ່ເພື່ອຍົກສູງ ຄວາມສາມາດທາງດ້ານສິລະປະ ຍຸດ-ຍຸດທະວີ,ວິຊາສະເພາະໃຫ້ ສູງຂຶ້ນ ທັງປັບປຸງສະຕິການຈັດ ຕັ້ງລະບຽບວິໄນໃຫ້ເຂັ້ມງວດ.
ພ້ອມກັນນີ້, ກໍຕ້ອງຕັ້ງໜ້າປະ ກອບສ່ວນເຂົ້າໃນການຊ່ວຍ ເຫຼືອກຳລັງທ້ອງຖິ່ນຢູ່ຮາກຖານ ໃນການປັບປຸງລະບົບບັນຊາ, ອົບຮົມຫັດແອບ ເພື່ອໃຫ້ເຂົາເຈົ້າ ສາມາດເຮັດລ້ອນໜ້າທີ່ໃນການ ປົກປັກຮັກສາທ້ອງຖິ່ນຂອງຕົນ ພ້ອມນັ້ນກໍຕ້ອງເອົາໃຈໃສ່ວຽກ ງານສຶກສາປ້ອງກັນຊາດໃຫ້ ກວ້າງຂວາງ ມີຄຸນະພາບເພື່ອ ເປັນກຳລັງສຳຮອງກໍລະນີມີເກີດ ສະພາບ.
ດັ່ງທີ່ພວກເຮົາຮູ້ກັນແລ້ວ, ປັດຈຸບັນພວກເຮົາຢູ່ໃນພາວະ ຫຍຸ້ງຍາກດ້ານງົບປະມານ, ແຫຼ່ງລາຍຮັບຍັງມີໜ້ອຍ, ການ ເກັບລາຍຮັບເຂົ້າງົບປະມານກໍບໍ່ ທັນໄດ້ຫລາຍ, ແຕ່ລາຍຈ່າຍເພີ່ມ ຂຶ້ນໄວວາ, ກຳລັງສົ່ງຜົນກະທົບ ໂດຍກົງເຖິງລະບົບການເງິນ- ທະນາຄານຂອງປະເທດ ແລະ ອາດສົ່ງຜົນກະທົບທຸກຂົງເຂດ ເສດຖະກິດ-ສັງຄົມ ແລະ ການ ເມືອງ.
ສະນັ້ນກອງທັບກໍຄືກົມກອງ ຕ້ອງສຸມທຸກເງື່ອນໄຂຄວາມສາ ມາດເພື່ອກ້າວໄປເຖິງການກຸ້ມ ຕົນເອງຢ່າງຮອບດ້ານ, ໃຫ້ຖື ເອົາວຽກງານຄຸ້ມຄອງລ້ຽງດູ ທັບດ້ວຍການສ້າງພະລາທິການ ກັບທີ່ເປັນວຽກງານຕົ້ນຕໍ ເພື່ອ ແກ້ໄຂຄວາມຫຍຸ້ງຍາກຝືດ ເຄືອງດ້ານຊີວິດການເປັນຢູ່ ໂດຍສຸມໃສ່ດ້ານກະສິກຳທີ່ເປັນ ທ່າແຮງ ( ການປູກຝັງ, ລ້ຽງ ສັດ ) ໃຫ້ເປັນຂະບວນ, ຂະ ຫຍາຍດ້ານການບໍລິການບາງ ດ້ານທີ່ເປັນທ່າແຮງຕິດພັນກັບ ຂົງເຂດປ້ອງກັນຊາດໃຫ້ຄ່ອຍ ເພີ່ມຂຶ້ນຕາມເງື່ອນໄຂ ພ້ອມກັນ ນັ້ນ, ກໍຕ້ອງເຂົ້າຮ່ວມຢ່າງຕັ້ງ ໜ້າໃນການກໍ່ສ້າງກິດຈະການ ດ້ານເສດຖະກິດ-ສັງຄົມຕ່າງໆ ຢູ່ທ້ອງຖິ່ນ: ອອກແຮງຊ່ວຍ ເຫຼືອປະຊາຊົນໃນການປັບປຸງ ຊີວິດການເປັນຢູ່ດ້ານວັດຖຸ ແລະ ວັດທະນະທຳໃຫ້ນັບມື້ນັບ ດີຂຶ້ນ. ໄປຄຽງຄູ່ກັບວຽກງານ ແກ້ໄຂຊີວິດການເປັນຢູ່ແລ້ວ ຕ້ອງພ້ອມກັນປະຢັດ, ປະຢັດຊັບ ສິນວັດຖຸຂອງສ່ວນລວມ, ມີ ແບບແຜນດຳລົງຊີວິດແບບງ່າຍ ດາຍ. ໃຊ້ຈ່າຍມີແຜນການ ແລະ ເຮັດໃຫ້ສິ່ງດັ່ງກ່າວກາຍເປັນຂະ ບວນການອັນກວ້າງຂວາງ, ເປັນລະບຽບແບບແຜນອັນໜຶ່ງ ໃນທົ່ວກອງທັບ.
ຕ້ອງສືບຕໍ່ເປີດກວ້າງການພົວ ພັນສາມັກຄີສາກົນຕາມແນວ ທາງການຕ່າງປະເທດຂອງພັກ ເຊິ່ງກ່ອນອື່ນຕ້ອງເຊີດຊູຄວາມ ເປັນເອກະລາດ,​ ເປັນເຈົ້າຕົນ ເອງ, ສ້າງຄວາມເຂັ້ມແຂງດ້ວຍ ຕົນເອງ, ເພີ່ມທະວີການພົວພັນ ຮ່ວມມືກັບເພື່ອນມິດຍຸດທະສາດ (ຫວຽດນາມ ແລະ ສປ ຈີນ) ໃນນີ້ໃຫ້ເອົາໃຈໃສ່ຮັກສາ ແລະ ເພີ່ມພູນຄູນສ້າງມູນເຊື້ອຮ່ວມ ສຳພັນສູ້ຮົບກັບກອງທັບປະຊາ ຊົນຫວຽດນາມໃນເງື່ອນໄຂໃໝ່. ໂດຍສະເພາະການແລກປ່ຽນສະ ພາບ, ເຝິກອົບຮົມ, ສ້ອມແປງ ພາຫະນະ-ເຕັກນິກ, ການກໍ່ສ້າງ ພື້ນຖານໂຄງລ່າງ ແລະ ອື່ນໆ.
ຈາກນັ້ນພັນເອກ ພັນແສງ ບຸນ ພັນ ຫົວໜ້າການເມືອງກອງພົນ ທີ 2 ກໍໄດ້ຕາງໜ້າໃຫ້ຄະນະພັກ ຄະນະບັນຊາກອງພົນທີ 2 ຂຶ້ນ ກ່າວສະແດງຄວາມຂອບໃຈຕໍ່ ການຊີ້ນຳຂອງທ່ານຫົວໜ້າຄະ ນະຈັດຕັ້ງສູນກາງພັກ ພ້ອມທັງ ຢືນຢັນວ່າ:
1. ຈະນຳເອົາເນື້ອໃນຄຳໂອ້ ລົມຕັກເຕືອນຂອງທ່ານກາຍ ເປັນແຜນການ ກາຍເປັນທິດນຳ ເພື່ອໄປຈັດຕັ້ງປະຕິບັດຜັນຂະ ຫຍາຍຢູ່ໃນຄະນະພັກ ແຕ່ລະຂັ້ນ ແລະ ເຖິງທຸກເປົ້າໝາຍໃຫ້ໄດ້ ຮັບຜົນສຳເລັດສູງ.
2. ເອົາໃຈໃສ່ເຮັດວຽກງານ ສຶກສາອົບຮົມການເມືອງນຳພາ ແນວຄິດໃຫ້ພະນັກງານ, ສະມາ ຊິກພັກ-ນັກຮົບຢ່າງຕໍ່ເນື່ອງ, ມີ ຄຸນທາດການເມືອງໜັກແໜ້ນ, ມີຄວາມຈົກຮັກພັກດີຕໍ່ພັກ-ລັດ, ຍຶດໝັ້ນອຸດົມການສັງຄົມນິຍົມ.
3. ຕັ້ງໜ້າປັບປຸງການຈັດຕັ້ງ ບັນຊາ-ນຳພາແຕ່ລະຂັ້ນໃຫ້ມີ ຄວາມໜັກແໜ້ນເຂັ້ມແຂງ, ກາຍ ເປັນກົມກອງທີ່ມີລະບຽບແບບ ແຜນ ແລະ ກາຍເປັນອາວຸດທີ່ ແຫຼມຄົມຂອງພັກ.
4. ເອົາໃຈໃສ່ປັບປຸງແກ້ໄຂຊີ ວິດການເປັນຢູ່ຂອງກົມລວມໝູ່ ນາຍ ແລະ ພົນທະຫານໃຫ້ດີຂຶ້ນ ຕາມທິດນຳເພິ່ງຕົນເອງກຸ້ມຕົນ ເອງ ສ້າງຄວາມເຂັ້ມແຂງດ້ວຍ ຕົນເອງ, ໃນນີ້ຫັນເອົາການປູກ, ການລ້ຽງ, ການບໍລິການ, ເປັນ ທ່າແຮງຕົ້ນຕໍຂອງກົມກອງ.
5. ເອົາໃຈໃສ່ປົກປັກຮັກສາ, ຄຸ້ມຄອງບົວລະບັດພາຫະນະ ເຕັກນິກໃຫ້ດີ, ຮັບປະກັນຄຸນະ ພາບ, ຮັບປະກັນເຄື່ອນໄຫວເຮັດ ໜ້າທີ່, ເຝິກແອບຮ່ຳຮຽນ ແລະ ກຽມພ້ອມສູ້ຮົບເມື່ອມີສະພາບ ເກີດຂຶ້ນໄດ້ທັນເວລາ.
6. ພົວພັນສະໝິດແໜ້ນກັບອຳ ນາດການປົກຄອງທ້ອງຖິ່ນ,​ ການນຳແຂວງ, ເມືອງ, ພະແນກ ການອ້ອມຂ້າງແຂວງ ແລະ ໝູ່ ບ້ານອ້ອມຂ້າງກົມກອງຕັ້ງທັບ, ເຮັດໃຫ້ວຽກງານປ້ອງກັນຊາດ- ປ້ອງກັນຄວາມສະຫງົບກາຍ ເປັນທ່າສະໜາມສົງຄາມປະຊາ ຊົນທົ່ວປວງຊົນຮອບດ້ານ.
ໂອກາດລົງຢ້ຽມຢາມຄັ້ງນີ້ ທ່ານຈັນສີ ໂພສີຄຳ ຍັງໄດ້ນຳ ເອົາເຄື່ອງວັດສະດຸກໍ່ສ້າງ ແລະ ເຄື່ອງອຸປະໂພກບໍລິໂພກຈຳ ນວນໜຶ່ງມູນຄ່າ 45 ລ້ານກີບ ມອບໃຫ້ແກ່ກອງພົນທີ 2 ອີກ ດ້ວຍ.

 

ຂ່າວມື້ນີ້

ຂ່າວເດັ່ນ