Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 158  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ທ່ານ ພົນໂທ ວິໄລ ຫຼ້າຄຳຟອງ ໂອ້ລົມຄະນະນຳ, ພະນັກງານ ແລະ ຄູອາຈານຢູ່ ວປກ

ທ່ານ ພົນໂທ ວິໄລ ຫຼ້າຄຳຟອງ ໂອ້ລົມຄະນະນຳ, ພະນັກງານ ແລະ ຄູອາຈານຢູ່ ວປກທ່ານ ພົນໂທ ວິໄລ ຫຼ້າ ຄຳຟອງ, ເລຂາທິການສູນກາງ ພັກ, ຮອງລັດຖະມົນຕີກະຊວງ ປ້ອງກັນປະເທດ, ຫົວໜ້າກົມ ໃຫຍ່ການເມືອງກອງທັບ ໄດ້ລົງ ພົບປະໂອ້ລົມຄະນະນຳ, ພະນັກ ງານຫຼັກແຫຼ່ງ, ຄູອາຈານຢູ່ວິທະ ຍາຄານປ້ອງກັນຊາດ ໄກສອນ ພົມວິຫານ ໃນວັນທີ 9 ມັງກອນ 2018 ນີ້ ເຊິ່ງເຂົ້າຮ່ວມໃນໂອ ກາດນີ້, ໂດຍມີທ່ານພົນຈັດ ຕະວາ ຄຳຫຼ້າ ພັນໄຊຍະສຸກ, ກຳ ມະການຄະນະພັກກະຊວງປ້ອງ ກັນປະເທດ, ຫົວໜ້າການເມືອງ ແລະ ທ່ານພັນເອກ ປະລິນ ຍາເອກ ແກ້ວສຸວັນ ອິນທະວົງ ສາ, ຫົວໜ້າການທະຫານ

ວິທະ ຍາຄານປ້ອງກັນຊາດ ໄກສອນ ພົມວິຫານ, ມີພະນັກງານຫຼັກ ແຫຼ່ງ ແລະ ບັນດາຄູອາຈານທົ່ວ ວປກ ເຂົ້າຮ່ວມ.
ໂອກາດນີ້ ທ່ານພົນໂທ ວິໄລ ຫຼ້າຄຳຟອງ ໄດ້ສະແດງ ຄວາມຢື້ຢາມຖາມຂ່າວ, ສະ ແດງຄວາມຮັກແພງສາມັກຄີ ອັນອົບອຸ່ນ ແລະ ສະໜິດສະໜົມ ພ້ອມທັງສະແດງຄວາມຊົມເຊີຍ ຕໍ່ ວປກ ທີ່ໄດ້ຕັ້ງໜ້າບຸກບືນຮັບ ຜິດຊອບສູງໃນການຊີ້ນຳ-ນຳ ພາ ແລະ ສ້າງສາພັດທະນາ ວປກ ເຮັດໃຫ້ ວປກ ມີຄວາມ ເຕີບໃຫຍ່ເຂັ້ມແຂງທາງດ້ານ ການຈັດຕັ້ງ ໂດຍຈັດຕັ້ງປະຕິ ບັດແນວທາງປ້ອງກັນຊາດ, ສ້າງສະພາບແວດລ້ອມແຫ່ງ ຄວາມສະຫງົບ, ເປັນລະບຽບ ຮຽບຮ້ອຍໃນສັງຄົມເພື່ອຮັບ ປະກັນໃນຂົງເຂດ ວປກ ມີ ຄວາມ ອຸ່ນອ່ຽນທຸ່ນທ່ຽງໃນການດຳ ລົງຊີວິດ-ທຳມາຫາກິນ, ສ້າງ ສາພັດທະນາບ້ານເມືອງ ແລະ ສ້າງຄວາມເຊື່ອໝັ້ນໃຫ້ແກ່ພໍ່ແມ່ ປະຊາຊົນທີ່ດຳລົງຊີວິດໃນຂອບເຂດຄວາມຮັບຜິດຊອບຂອງ ວປກ ແລະ ສາມາດຍາດໄດ້ຜົນ ງານທີ່ພົ້ນເດັ່ນຫຼາຍດ້ານ. ພ້ອມ ນັ້ນຍັງໄດ້ຍົກໃຫ້ເຫັນສະພາບ ສາກົນ, ພາກພື້ນທີ່ສືບຕໍ່ຜັນແປ ໄປຢ່າງສັບສົນ ເຊິ່ງບໍ່ສາມາດ ຄາດກະລ່ວງໜ້າໄດ້ເພື່ອໃຫ້ຜູ້ ເຂົ້າຮ່ວມຮັບຮູ້ເຂົ້າໃຈຖືກຕ້ອງ ແລະ ຍົກສູງສະຕິລະວັງຕົວຮັບ ມືກັບທຸກສະພາບການທີ່ຈະເກີດ ຂຶ້ນ, ເຊິ່ງຕອນທ້າຍສະຫາຍຍັງ ໄດ້ເນັ້ນໜັກໃຫ້ຄະນະນຳ ວປກ ເປັນເຈົ້າການໃນການຊີ້ນຳ-ນຳ ພາປັບປຸງກໍ່ສ້າງ ວປກ, ຮັກສາ ຄວາມສາມັກຄີເປັນເອກກະ ພາບ, ປະຕິບັດແບບແຜນວິທີ ເຮັດວຽກຕາມຫຼັກການລວມ ສູນປະຊາທິປະໄຕ, ນຳພາເປັນ ໝູ່ຄະນະ, ມອບໝາຍໃຫ້ບຸກຄົນ ຮັບຜິດຊອບຢ່າງຈະແຈ້ງ, ສືບຕໍ່ ຈັດຕັ້ງລົງກໍ່ສ້າງຮາກຖານການ ເມືອງຕິດພັນກັບການພັດທະນາ ຊົນນະບົດຮອບດ້ານ, ປະຕິບັດ 4 ເນື້ອໃນ 4 ຄາດໝາຍ ແລະ ມະຕິ 3 ສ້າງທີ່ກົມການເມືອງສູນ ກາງພັກວາງອອກໃຫ້ເປັນຈິງ, ເອົາໃຈໃສ່ສຶກສາອົບຮົມການ ເມືອງແນວຄິດຂອງພະນັກງານ ນັກຮົບໃຫ້ເລິກເຊິ່ງທົ່ວເຖິງ, ກໍ່ ສ້າງພັກ-ພະນັກງານໃຫ້ຖືກ ຕ້ອງຕາມທິດນຳ ແລະ ຫຼັກການ ຂອງພັກ, ກໍ່ສ້າງກົມກອງປອດ ໃສປອດໄພປອດຄະດີຕິດພັນ ກັບການກໍ່ສ້າງກອງແຂງໜ່ວຍ ພັກຮູ້ນຳພາຮອບດ້ານໄປຄຽງຄູ່ ກັບການສ້າງພະນັກງານ 3 ຮຸ່ນ ໃຫ້ໄດ້ມາດຖານ, ກຳແໜ້ນໜ້າ ທີ່ການເມືອງຂອງກົມກອງ, ຂອງກອງທັບແຕ່ລະໄລຍະໂດຍ ອີງໃສ່ບັນດາໜ້າທີ່ໃຫຍ່ ແລະ ແຜນງານຈຸດສຸມຂອງກະຊວງ ປ້ອງກັນປະເທດວາງອອກເພື່ອ ຈັດຕັ້ງຜັນຂະຫຍາຍໃຫ້ເປັນ ແຜນການອັນລະອຽດ, ປົກປັກ ຮັກສາ ແລະ ເສີມຂະຫຍາຍມູນ ເຊື້ອອັນດີງາມຂອງ ວປກ, ເນັ້ນ ໜັກໃຫ້ບັນດາຄູອາຈານເປັນ ເຈົ້າການຍົກສູງຄວາມຮັບຜິດ ຊອບຕໍ່ໜ້າທີ່ຂອງຕົນ, ດຸໝັ່ນຄົ້ນ ຄວ້າບັນດາເອກກະສານ, ປັບ ປຸງເນື້ອໃນເອກກະສານໃຫ້ແທດ ເໝາະກັບຄວາມຕ້ອງການຂອງ ກອງທັບໃນເງື່ອນໄຂປັດຈຸບັນ, ສະແຫວງຫາຄວາຮູ້ຮອບດ້ານ ເພື່ອຍົກສູງລະດັບຄວາມສາ ມາດຮອງຮັບກັບໜ້າທີ່ວຽກ ງານອົບຮົມ-ກໍ່ສ້າງກຳລັງ, ເສີມ ຂະຫຍາຍຄວາມເປັນແບບຢ່າງ ດ້ານແນວຄິດທັດສະນະ ແລະ ເນັ້ນໜັກໃຫ້ບັນດາພະນັກງານ ໃຫ້ສຸມກຳລັງບັງຊາຂອງຕົນປະ ກອບສ່ວນປັບປຸງກໍ່ສ້າງ ວປກ, ຍົກສູງສະຕິເພິ່ງຕົນເອງກຸ້ມຕົນ ເອງ ແລະ ສ້າງຄວາມເຂັ້ມແຂງ ດ້ວຍຕົນເອງຕາມເງື່ອນໄຂ ແລະ ຄວາມສາມາດຕົວຈິງສືບຕໍ່ເອົາ ໃຈໃສ່ເພີ່ມທະວີເສີມຂະຫຍາຍ ສາຍພົວພັນສາມັກຄີມິດຕະ ພາບ, ຄວາມສາມັກ ຄີຮ່ວມມື ກັບບັນດາປະເທດເພື່ອນມິດຍຸດ ທະສາດ ແລະ ເພື່ອນມິດສາກົນ ທັງນີ້ກໍ່ເພື່ອສ້າງໃຫ້ ວປກ ມີ ຄວາມໜັກແໜ້ນເຂັ້ມແຂງ ແລະ ມີໃບໜ້າອັນໃໝ່.
ຂ່າວ: ໂລຊິນ
ພາບ: ສາວີວັນ

ຂ່າວມື້ນີ້

ຂ່າວເດັ່ນ