Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 158  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງພັນໃຫຍ່ 502 ຈັດຕັ້ງມອບ - ຮັບໜ້າທີ່ລະຫວ່າງຫົວໜ້າການເມືອງຜູ້ໃໝ່ ແລະ ຜູ້ເກົ່າ

ກອງພັນໃຫຍ່ 502 ຈັດຕັ້ງມອບ - ຮັບໜ້າທີ່ລະຫວ່າງຫົວໜ້າການເມືອງຜູ້ໃໝ່ ແລະ ຜູ້ເກົ່າໃນວັນທີ 8 ມັງກອນ 2018 ນີ້ ຢູ່ທີ່ກອງພັນໃຫຍ່ 502 ໄດ້ຈັດຕັ້ງພິທີມອບ-ຮັບໜ້າທີ່ລະ ຫວ່າງຫົວໜ້າການເມືອງຜູ້ເກົ່າ ແລະ ຜູ້ໃໝ່ຂຶ້ນ ໂດຍການເຂົ້າ ຮ່ວມເປັນປະທານຂອງ ພັນ ເອກ ບຸນທັນ ມາບຸດສະດີ ເລຂາ ຄະນະພັກ ຫົວໜ້າການເມືອງ ກອງພົນທີ 5 ມີຄະນະພັກ-ຄະນະ ບັນຊາອົງການ 5 ຫ້ອງ ພະແນກ ການທີ່ກ່ຽວຂ້ອງພ້ອມພະນັກ ງານຫຼັກແຫຼ່ງທົ່ວກອງພັນໃຫຍ່ ເຂົ້າຮ່ວມ.


ການມອບ-ຮັບໜ້າທີ່ໃໝ່ຄັ້ງ ນີ້ ລະຫວ່າງພັນໂທ ລືໄຊ ສຸວັນ ນະສີ ເປັນຫົວໜ້າການເມືອງ ກອງພັນໃຫຍ່ 502 ຜູ້ໃໝ່ກັບພັນ
ໂທ ບຸນນຳ ນວນສະພັງ ຫົວໜ້າ ການເມືອງກອງພັນໃຫຍ່502 ຜູ້ເກົ່າທີ່ຍົກຍ້າຍມາຮັບໜ້າທີ່ໃໝ່ຢູ່ຫ້ອງການກອງບັນຊາການ ກອງພົນທີ 5 ໃນໂອກາດດັ່ງ ກ່າວ ພັນ ເອກ ບຸນທັນ ມາບຸດສະ
ດີເລຂາຄະນະພັກຫົວໜ້າການ ເມືອງ ກອງ ພົນທີ 5 ກໍໄດ້ເນັ້ນ ໜັກຕໍ່ຜູ້ທີ່ ໄດ້ຮັບການແຕ່ງຕັ້ງ ໃໝ່ໃນຄັ້ງນີ້ ຈົ່ງຍົກ ສູງພາລະບົດ ບາດໜ້າທີ່ຄວາມຮັບຜິດຊອບ ຂອງຕົນໃຫ້ສູງເອົາໃຈໃສ່ສຶກ ສາອົບຮົມການເມືອງແນວຄິດ ໃຫ້ພະນັກງານ-ນັກຮົບໃນກົມ ກອງໃຫ້ມີຄຸນທາດການເມືອງ ຄຸນສົມບັດສິນທຳປະຕິວັດເພີ່ມ ທະວີຄວາມສາມັກຄີພາຍໃນ ໃຫ້ເປັນປຶກແຜ່ນແໜ້ນໜາເຮັດ ວຽກເປັນໝູ່ຄະນະມີແບບແຜນ ວິທີເຮັດວຽກຢ່າງມີວິທະຍາ ສາດໃຫ້ບຸກຄົນຮັບຜິດຊອບ ເສີມຂະຫຍາຍບົດບາດໃນການຊີ້ ນຳ-ນຳພາພະນັກງານສະມາຊິກ ພັກ ນັກຮົບພາຍໃນກົມກອງໃຫ້ ມີຄວາມບຸກບືນຫ້າວຫັນໃນການ ປະຕິບັດໜ້າທີ່ວຽກງານຍູ້ແຮງ ສ້າງຂະບວນການດ້ານຕ່າງໆ ຕິດພັນກັບການປະຕິບັດ 4 ໜ້າທີ່ ໃຫຍ່ 26 ແຜນງານຂອງຄະນະ ພັກກະຊວງປ້ອງກັນປະເທດ ວາງອອກເຂົ້າໃນການປັບປຸງກໍ່ ສ້າງກົມກອງໃຫ້ເປັນຂະບວນ ການຟົດຟື້ນແຂງແຮງ ແລະ ຮຽກຮ້ອງໃຫ້ຄະນະພັກ-ຄະນະ ບັນຊາພະນັກງານທຸກຂັ້ນຈົ່ງ ພ້ອມກັນເອົາໃຈໃສ່ສຶກສາອົບ ຮົມການເມືອງແນວຄິດໃຫ້ເປັນ ປົກກະຕິ ຕັ້ງໜ້າເສີມຂະຫຍາຍ ມູນເຊື້ອກອງທັບປະຊາຊົນລາວ ຕ້ານ ແລະ ສະກັດກັ້ນປາກົດການ ຫຍໍ້ທໍ້ຕ່າງໆທີ່ເກີດຂຶ້ນໃຫ້ໝົດໄປ ເທື່ອລະກ້າວ ເພື່ອສ້າງພັກ, ສ້າງ ກົມກອງໃຫ້ປອດໃສ ເຂັ້ມແຂງ ໜັກແໜ້ນເທື່ອລະກ້າວ ຕິດພັນ ກັບຂະບວນການແຂ່ງຂັນສ້າງ ຜົນງານ ຂໍ່ານັບຮັບຕ້ອນວັນສ້າງ ຕັ້ງກອງທັບຄົບຮອບ 69 ປີ ແລະ 70 ປີ ທີ່ຈະມາເຖິງນີ້ໃຫ້ມີຄວາມ ໝາຍ ຄວາມສຳຄັນຢ່າງເລິກ ເຊິ່ງ.
ໂດຍ: ແສງອາທິດ ສີດາໄລ

ຂ່າວມື້ນີ້

ຂ່າວເດັ່ນ