Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 102  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເປີດນຳໃຊ້ “ເຂື່ອນໄຟຟ້າເຊເສັດ 3” ທີ່ແຂວງສາລະວັນ

ເປີດນຳໃຊ້ “ເຂື່ອນໄຟຟ້າເຊເສັດ 3” ທີ່ແຂວງສາລະວັນ ​ເຂື່ອນໄຟຟ້າ ເຊເສັດ 3 ໄດ້ ເປີດນໍ້າໃຊ້ຂຶ້ນໃນວັນທີ 6 ມັງ ກອນ 2017 ນີ້, ທີ່ແຂວງສາລະ ວັນ ເປັນກຽດເຂົ້າຮ່ວມຂອງ ທ່ານ ປອ ບຸນຖອງ ດີວິໄຊ ເຈົ້າ ແຂວງໆຈໍາປາສັກ, ທ່ານ ຄໍາ ເຜີຍ ບຸດດາວຽງ ເຈົ້າແຂວງໆ ເຊກອງ, ທ່ານ ປອ ນາມ ວິຍະເກດ ເຈົ້າແຂວງ ແຂວງອັດຕະປື, ຜູ້ອຳນວຍການໃຫຍ່ລັດວິສາຫະກິດ ໄຟຟ້າລາວ, ຜູ້ອຳນວຍການໃຫ່ຍ ບໍລິສັດຜະລິດ ໄຟຟ້າລາວມະຫາຊົນ, ຕາງໜ້າຜູ້ອຳນວຍການ ບໍລິສັດນໍຣິນໂກ  ພ້ອມດ້ວຍການນໍາແຂວງ,  ເມືອງ, ບ້ານ ແລະ ພະນັກງານ ຂະແໜງການກ່ຽວຂ້ອງເຂົ້າຮ່ວມ.

         ທ່ານ ຄໍາມະນີ ອິນທິລາດ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງ ພະລັງງານແລະ ບໍ່ແຮ່ ກ່າວວ່າ: ໃນຊຸມປີຜ່ານມາ ຂະແໜງພະລັງງານ ແລະ ບໍ່ແຮ່ ໄດ້ດຳເນີນ ການວາງຂອບຍຸດທະ ສາດ ເພື່ອພັດທະນາລະບົບໄຟຟ້າຢ່າງຖືກຕ້ອງຕາມແນວທາງຫັນເປັນອຸດສາຫະກໍາ ແລະ ທັນສະໄໝຂອງ ພັກທີ່ໄດ້ກຳນົດອອກໃນມະຕິ ກອງປະຊຸມໃຫຍ່ ຂອງພັກ ແລະ ແຜນພັດທະນາເສດຖະກິດ-ສັງຄົມ ແຫ່ງຊາດ ໃນແຕ່ລະໄລຍະ ເປັນຕົ້ນແມ່ນການພັດທະນາ  ແຫຼ່ງຜະລິດ ພະລັງງານໄຟຟ້າ ໂດຍນໍາໃຊ້ແຫຼ່ງນໍ້າທໍາມະຊາດ ເຊິ່ງແມ່ນທ່າແຮງທີ່ສໍາຄັນ ຂອງປະເທດຊາດ, ຈັດສັນ ແລະ ນຳ ໃຊ້ແຫຼ່ງຊັບພະຍາກອນນໍ້າໃຫ້ມີ ປະສິດທິ ຜົນສູງ ປະກອບດ້ວຍບັນດາໂຄງການ, ແຜນງານທີ່ສຳຄັນ ແລະ ເປັນລະບົບຄົບຊຸດ, ມີທັງໄລຍະສັ້ນ, ໄລຍະກາງ  ແລະ ໄລຍະຍາວ, ແນໃສ່ຜະລິດ ແລະ ສະໜອງກະແສໄຟຟ້າໃຫ້ພຽງພໍກັບຄວາມຕ້ອງການເພື່ອຊົມ ໃຊ້ຢູ່ພາຍໃນ, ເພີ່ມທະວີການສົ່ງອອກໃຫ້ນັບມື້ເພີ່ມຂຶ້ນ, ບົນພື້ນຖານຮັບປະກັນການພັດທະນາພະລັງງານໄຟຟ້າແບບເປັນມິດກັບສິ່ງແວດລ້ອມ ແລະ ຍືນຍົງ. ເຊິ່ງເຫັນໄດ້ຈາກຜົນສຳເລັດຂອງໂຄງການ ເຂື່ອນໄຟຟ້າ ເຊເສັດ 3 ແມ່ນຜົນສໍາເລັດທີ່ສໍາ ຄັນ ເປັນພື້ນຖານໃນການສືບຕໍ່ ພັດທະນາອຸດສາຫະກຳໄຟຟ້າ  ຢູ່ປະເທດລາວໃຫ້ຂະຫຍາຍຕົວ ຢ່າງເປັນລະບົບຕໍ່ເນື່ອງປະກອບ ສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມ ຂອງຊາດ ເປັນຕົ້ນແມ່ນການພັດທະນາຊີ ວິດການເປັນຢູ່ຂອງປະຊາຊົນ ບັນດາເຜົ່າໃຫ້ນັບມື້ດີຂຶ້ນ.
    ທ່ານ ບຸນອູ້ມ ສີວັນເພັງ ຜູ້ອຳນວຍກາຍໃຫຍ່ລັດວິສະຫະກິດໄຟຟ້າລາວ ກ່າວວ່າ: ໂຄງການເຂື່ອນໄຟຟ້າເຊເສັດ 3 ເປັນໜຶ່ງໃນບັນດາໂຄງການ ທີ່ລັດວິສາຫະກິດໄຟຟ້າລາວກຳລັງດຳເນີນ ການກໍ່ສ້າງໃນປັດຈຸບັນ. ໂຄງ ການນີ້ ມີກຳລັງຕິດຕັ້ງ 23 MW ມູນຄ່າການກໍ່ສ້າງທັງໝົດ 50,7 ລ້ານໂດລາ ໂດຍທຶນກູ້ຢືມຈາກ  ທະນາຄານ EXIM BANK  ແຫ່ງ ສປ ຈີນ ຮັບເໝົາກໍ່ສ້າງ ໂດຍ ບໍລິສັດ NORINCO ເລີ່ມ ຕົ້ນລົງມືກໍ່ສ້າງ ໃນວັນທີ 17/1/ 2014 ແລະ ສໍາເລັດກ່ອນແຜນ ການ ໃນວັນທີ 25/7/2016  ດ້ວຍຄວາມຮັບຜິດຊອບສູງຂອງ ຄະນະນຳ ລັດວິສາຫະກິດໄຟຟ້າ ລາວ, ຄະນະໂຄງການ ແລະ ວິ ຊາການ ທີ່ໄດ້ສູ້ຊົນ ບຸກບືນສຸມທຸກ ເຫື່ອແຮງ ສະຕິປັນຍາບວກກັບການສະໜັບສະໜູນການຮ່ວມມືທີ່ດີ ຈາກອຳນາດການປົກຄອງ ແລະ ປະຊາຊົນບັນດາເຜົ່າຂອງແຂວງຈໍາປາສັກ ແລະ ແຂວງສາລະວັນ ຈຶ່ງເຮັດໃຫ້ການກໍ່ສ້າງສຳເລັດກ່ອນແຜນການ.

ຂ່າວມື້ນີ້

ຂ່າວເດັ່ນ