Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 121  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຄອບຄົວການນຳແຂວງວຽງຈັນ ລົງຢ້ຽມຢາມ ແລະ ມອບເຄື່ອງໃຫ້ກົມກອງທະຫານ

ຄອບຄົວການນຳແຂວງວຽງຈັນ ລົງຢ້ຽມຢາມ ແລະ ມອບເຄື່ອງໃຫ້ກົມກອງທະຫານ       ໃນລະຫວ່າງວັນທີ 3 ກຸມ ພາ 2017 ທີ່ຜ່ານມານີ້, ຄອບ ຄົວການນຳແຂວງວຽງຈັນ, ເຊິ່ງນຳໂດຍທ່ານ ນາງ ວາດ ສະໜາ ໄຊຍະສອນ ພັນລະຍາ ຂອງທ່ານ ວີດົງ ໄຊຍະສອນ ກຳມະການສູນກາງພັກ ເລຂາ ພັກແຂວງ ເຈົ້າແຂວງໆວຽງ ຈັນ, ພ້ອມດ້ວຍອົງການຈັດຕັ້ງ ມະຫາຊົນ, ບໍລິສັດ-ນັກທຸລະກິດ ຫ້າງຮ້ານ ໄດ້ລົງເຄື່ອນໄຫວ ຢ້ຽມຢາມ ແລະ ມອບເຄື່ອງອຸ ປະໂພກ-ບໍລິໂພກ, ຢາປົວພະ ຍາດ​ເພື່ອຊຸກຍູ້ໃຫ້ກຳລັງໃຈ ອ້າຍ ນ້ອງທະຫານທີ່ພວມປະຕິບັດ ເຮັດໜ້າທີ່ປ້ອງກັນຊາດ-ປ້ອງ ກັນຄວາມສະຫງົບຢູ່ສູນບັນຊາ ການທີ່ປະຈຳຢູ່ກອງພັນ 102, ເມືອງກາສີ ແຂວງວຽງຈັນ, ລວມມູນຄ່າ 37ລ້ານກວ່າກີບ ແລະ ເງິນສົດ 5 ລ້ານກີບ, ໂດຍ ການກ່າວມອບຂອງທ່ານນາງ ວາດສະໜາ ໄຊຍະສອນ ພັນລະຍາຂອງທ່ານເຈົ້າແຂວງໆວຽງ

ຈັນ ແລະ ກ່າວຮັບໂດຍແມ່ນພັນໂທ ບຸນເພັງ ກອງສົງຄາມ ຮອງຫົວໜ້າຫ້ອງເສນາທິການທະຫານແຂວງວຽງຈັນ, ທັງ ເປັນຫົວໜ້າສູນບັນຊາການ ພ້ອມຄະນະ ເນື່ອງໃນໂອກາດ ວັນສ້າງຕັ້ງກອງທັບປະຊົາຊົນ ລາວ ຄົບຮອບ 68 ປີ.
   ໂອກາດນີ້ ພັນໂທ ບຸນເພັງ ກອງສົງຄາມ ຕາງໜ້າໃຫ້ຄະ ນະພັກ-ຄະນະບັນຊາ, ພະນັກ ງານ-ນັກຮົບ ໃນທົ່ວກົມກອງ ໄດ້ກ່າວສະແດງຄວາມຂອບອົກ ຂອບໃຈ ແລະ ຮູ້ບຸນຄຸນເປັນຢ່າງຍິ່ງ ມາຍັງຄອບຄົວການນຳ ແຂວງວຽງຈັນ, ອົງການຈັດ ຕັ້ງມະຫາຊົນ, ບໍລິສັດ, ນັກທຸລະ ກິດ, ຫ້າງຮ້ານອ້ອມຂ້າງແຂວງ ທີ່ຍາມໃດກໍມີຄວາມເປັນຫ່ວງ ເປັນໃຍເຫັນໄດ້ຄວາມໝາຍ ຄວາມສຳຄັນ ແລະ ໃຫ້ການອຸ້ມ ຊູຊ່ວຍເຫຼືອແກ່ທະຫານ ທ້ອງຖິ່ນແຂວງວຽງຈັນ ຕະຫຼອດມາ,  ແລະ ຂໍອວຍພອນໃຫ້ແກ່ຄອບ ຄົວຂອງທ່ານເຈົ້າແຂວງ ແລະ ບັນດາທ່ານຈົ່ງມີຄວາມສຸກ ກາຍສະບາຍໃຈ,  ມີສຸຂະພາບ ແຂງແຮງ ສືບຕໍ່ໃຫ້ການອຸ້ມຊູ ຊ່ວຍເຫຼືອແກ່ກຳລັງ ປະກອບອາວຸດທະຫານທ້ອງຖິ່ນແຂວງວຽງຈັນ, ພ້ອມດຽວກັນນີ້ກໍໄດ້ໃຫ້ ຄຳໝັ້ນສັນຍາວ່າຈະນຳເອົາ ເຄື່ອງວັດຖຸອຸປະໂພກ-ບໍລິໂພກ ໄປແຈກຢາຍໃຫ້ອ້າຍນ້ອງ ໂດຍ ສະເພາະແມ່ນເຂດທຸລະກັນດານ ຫ່າງໄກສອກ ຫຼີກໃຫ້ທົ່ວເຖິງກັນ ແລະ ເກີດປະໂຫຍດອັນສູງສຸດ.
   ເຂົ້າຮ່ວມໃນພິທີມອບຮັບ ເຄື່ອງໃນຄັ້ງນີ້ ຍັງມີທ່ານ ທອງ ສະຫວັນ ວົງສຳພັນ ຄະນະປະ ຈຳພັກແຂວງ ປະທານແນວ ລາວສ້າງຊາດແຂວງວຽງຈັນ ຜູ້ ຊີ້ນຳອົງການຈັດຕັ້ງມະຫາຊົນ ແລະ ມີທ່ານ ພັນເອກ ບຸນມາ ວົງດາລາແສນ ກຳມະການພັກ ແຂວງ ຮອງເລຂາຄະນະພັກ ຫົວໜ້າການເມືອງ ກອງບັນຊາ ການທະຫານແຂວງວຽງຈັນ.
   ຂ່າວໃຫ້ຮູ້ຕື່ມວ່າ: ໃນຕອນແລງຂອງວັນທີ 6 ກຸມພາ 2017 ນີ້,  ທ່ານ ວິລະວຸດ ປະກິດ ຮອງເຈົ້າເມືອງໆແກ້ວອຸດົມໄດ້ນຳເອົາເຄື່ອງໂທລະໂຄ່ງ ຈຳນວນ 1 ຊຸດ ລວມມູນຄ່າ 650.000 ກີບ ໄປມອບໃຫ້ກອງບັນຊາ ການທະຫານເມືອງ ແກ້ວອຸດົມ. ການນຳເຄື່ອງໂທລະໂຄ່ງໄປມອບໃນຄັ້ງນີ້ກໍເພື່ອ ເປັນການປຸກລະດົມນາຍ ແລະ ພົນທະຫານ ພ້ອມດ້ວຍພໍ່ແມ່ປະ ຊາຊົນທີ່ຢູ່ຂອບເຂດໃກ້ຄຽງໄດ້ ຮັບຟັງຂ່າວສານທາງວິທະຍຸ ແລະ ໂຄສະນາແນວທາງນະໂຍ ບາຍຂອງພັກ, ກົດໝາຍຂອງລັດ ແລະ ອື່ນໆ ທັງເຮັດໃຫ້ກົມກອງ ມີບັນຍາກາດຟົດຟື້ນ.
   ກ່າວມອບໂດຍແມ່ນທ່ານ ວິລະວຸດ ປະກິດ ຮອງເຈົ້າ ເມືອງໆແກ້ວອຸດົມ ແລະ ກ່າວ ຮັບໂດຍແມ່ນ ພັນໂທ ອຳມະລາ ຈັນທະວົງ ຫົວໜ້າກອງບັນຊາ ການທະຫານເມືອງແກ້ວອຸດົມ,  ພ້ອມທັງກ່າວຄຳສະແດງຄວາມ ຂອບອົກຂອບໃຈຕໍ່ຄະນະພັກ-ອຳນາດການປົກຄອງເມືອງ ແກ້ວອຸດົມ  ທີ່ໄດ້ມີຄວາມເປັນ ຫ່ວງເປັນໃຍຕໍ່ວຽກງານວັດທະ ນະທຳຂອງກົມກອງ ເຊິ່ງຈະ ເປັນການປະກອບສ່ວນເຮັດໃຫ້ ບັນຍາກາດຂອງກົມກອງມີ ຄວາມຟົດຟື້ນມ່ວນຊື່ນ ແລະ ຊຸກ ຍູ້ການປະຕິບັດໜ້າທີ່ວຽກງານ ຂອງພະນັກງານ-ນັກຮົບໃຫ້ມີ ຄວາມຫ້າວຫັນຂຶ້ນກວ່າເກົ່າ.
ໂດຍ: ຈັນທະຈອນ ສີສະເກດ

ຂ່າວມື້ນີ້

ຂ່າວເດັ່ນ