Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 125  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະພາແຫ່ງຊາດເຊື່ອມຊຶມມະຕິກອງປະຊຸມຄົບຄະນະຄັ້ງທີ 5 ຂອງຄະນະບໍລິຫານງານສູນກາງພັກສະໄໝທີ X

 ໃນວັນທີ 6 ທັນວາ 2017 ນີ້, ສະພາແຫ່ງຊາດໄດ້ເປີດກອງ ປະຊຸມເຊື່ອມຊຶມມະຕິກອງປະ ຊຸມຄົບຄະນະຄັ້ງທີ 5 ຂອງຄະ ນະບໍລິຫານງານສູນກາງພັກສະ ໄໝທີ X ແລະ ເອກະສານສໍາ ຄັນຂອງຊາດສໍາລັບພະນັກງານ ນໍາພາ-ຄຸ້ມຄອງ, ພະນັກງານ ສະມາຊິກພັກຂອງສະພາແຫ່ງ ຊາດຂຶ້ນຢູ່ທີ່ຫ້ອງປະຊຸມຄະນະ ເລຂາທິການສະພາແຫ່ງຊາດ (ຫຼັກ 6) ໂດຍການເປັນປະທານ ຂອງ ພົນໂທ ແສງນວນ ໄຊຍະ ລາດ ເລຂາທິການສູນກາງພັກ, ຮອງປະທານສະພາແຫ່ງຊາດ, ມີຮອງປະທານສະພາແຫ່ງ ຊາດ, ບັນດາຄະນະພັກ, ຄະນະ ປະຈໍາສະພາແຫ່ງຊາດ, ຮອງ ກໍາມາທິການ, ຄະນະເລຂາທິ
ການ, ຄະນະຮັບຜິດຊອບວຽກ ງານເຂດເລືອກຕັ້ງ, ຄະນະກົມ, ຄະນະພະແນກ ແລະ ພະນັກ ງານ-ລັດຖະກອນໃນສະພາແຫ່ງ ຊາດເຂົ້າຮ່ວມ.


ພົນໂທ ແສງນວນ ໄຊຍະ ລາດ ໄດ້ກ່າວວ່າ: ຈຸດປະສົງ ຂອງກອງປະຊຸມແມ່ນເພື່ອເປັນ ການເຜີຍແຜ່ເອກະສານສໍາຄັນ ຕ່າງໆຂອງຊາດໃຫ້ຜູ້ເຂົ້າຮ່ວມ ໄດ້ຮັບຮູ້ເປັນເອກະພາບກັນ, ເພື່ອ ຍົກສູງຄວາມເປັນເຈົ້າການຂອງ ຄະນະພັກ ໃນການຜັນຂະຫຍາຍ ມະຕິກອງປະຊຸມຄົບຄະນະບໍລິ ຫານງານສູນກາງພັກ ຄັ້ງທີ 5 ສະໄໝທີ X, ເປັນທິດທາງວຽກ ງານລະອຽດຂອງຄະນະພັກແຕ່ ລະຂັ້ນເພື່ອເຮັດໃຫ້ສະມາຊິກ ພັກ, ພະນັກງານ-ລັດຖະກອນ ພາຍໃນສະພາແຫ່ງຊາດມີ ຄວາມຮັບຮູ້ເຂົ້າໃຈ ແລະ ມີ ຄວາມເອກອ້າງທະນົງໃຈຕໍ່ມູນ ເຊື້ອ, ປະຫວັດສາດຂອງຊາດ ແລະ ວີລະກໍາຂອງບັນດາວີລະ ບູລຸດໃນການຕໍ່ສູ້ປົດປ່ອຍຊາດ, ການສ້າງສາພັດທະນາປະເທດ ຊາດໃນໄລຍະ 42 ປີ ຜ່ານມາ, ຮັບຮູ້ເຖິງໝາກຜົນແຫ່ງການຕໍ່ ສູ້ອັນຍືດເຍື້ອຍາວນານພິລາດ ອາດຫານຂອງປະຊາຊົນລາວ ບັນດາເຜົ່າ, ເປັນການລະນຶກ ແລະ ສະແດງຄວາມຮູ້ບຸນຄຸນຕໍ່ ຜົນງານ ແລະ ຄຸນງາມຄວາມ ດີອັນໃຫຍ່ຫຼວງຂອງປະທານ ໄກສອນ ພົມວິຫານ ຜູ້ນໍາທີ່ ແສນເຄົາລົບຮັກຂອງປວງຊົນ ລາວທັງຊາດ, ທັງເປັນການຮໍ່າ ຮຽນເອົາຄຸນສົມບັດ ແລະ ທັດ ສະນະການປະຕິວັດ, ແບບແຜນ ນໍາພາ, ແບບແຜນການດໍາລົງ ຊີວິດ, ອຸດົມຄະຕິປະຕິວັດອັນ ສູງສົ່ງ, ເປັນການເຜີຍແຜ່ຄວາມ ຮູ້ໃຫ້ພະນັກງານພາຍໃນສະພາ ແຫ່ງຊາດ ໄດ້ເຂົ້າໃຈກ່ຽວກັບ ຕົ້ນກໍາເນີດ, ປະຫວັດຄວາມ ເປັນມາ, ພາລະບົດບາດ ແລະ ອົງການນິຕິບັນຍັດ, ອີກຢ່າງກໍ ເພື່ອເປັນການສຶກສາອົບຮົມ ການເມືອງ-ແນວຄິດໃຫ້ກັບພະ ນັກງານໄດ້ຮັບຮູ້ກ່ຽວກັບເລື່ອງ ການກໍາເນີດເກີດຂຶ້ນຂອງລັດທິ ສັງຄົມນິຍົມ ເຊິ່ງເປັນລັດຂອງ ຊົນຊັ້ນກໍາມະກອນລັດທໍາອິດໃນ ປະຫວັດສາດຂອງມະນຸດ.
ເອກະສານທີ່ນໍາເອົາມາເຜີຍ ແຜ່ໃນກອງປະຊຸມຄັ້ງນີ້ມີ: ເອກະ ສານມະຕິ 5 ສະໄໝທີ X; ເອກະ ສານເລກທີ 26/ຄວສພ ວ່າດ້ວຍ ການຄຸ້ມຄອງໃນໄລຍະໃໝ່; ເອ ກະສານການສົ່ງເສີມວິສາຫະ ກິດຂະໜາດກາງ-ຂະໜາດ ນ້ອຍ, ເອກະສານວັນສ້າງຕັ້ງ ສະພາແຫ່ງຊາດຄົບຮອບ 42 ປີ ແລະ ເຜີຍແຜ່ຜົນສໍາເລັດກອງປະ ຊຸມສະໄໝສາມັນເທື່ອທີ 4 ຂອງ ສະພາແຫ່ງຊາດ ຊຸດທີ VIII; ເອກະສານວັນມະຫາປະຕິວັດ ເດືອນຕຸລາລັດເຊຍຄົບຮອບ 100 ປີ ແລະ ເອກະສານວັນຊາດທີ 2 ທັນວາຄົບຮອບ 42 ປີຂອງ ສປປ ລາວ ແລະ ວັນຄ້າຍວັນເກີດຂອງ ປະທານ ໄກສອນ ພົມວິຫານ ຄົບ ຮອບ 97 ປີ.
ໂດຍ: ແສງເດືອນ

ຂ່າວມື້ນີ້

ຂ່າວເດັ່ນ